Borgfirðingabók - 01.12.2005, Qupperneq 37

Borgfirðingabók 2005
35
Lokaorð
Það sem hér er skráð er byggt á upplýsingum sem aflað hefur verið
um greiðasölustaði í sveitum, um fólk sem býr yfir vitneskju um þá
starfsemi, en einnig aðeins snert við ýmsum atriðum sem ástæða er
til að bera saman og kanna nánar. Heimilda var að mestu aflað á
grundvelli aðferða þjóðfræðinnar með viðtölum og spumingalistum,
en einnig stuðst við ýmsar prentaðar heimildir. Þó að leitinni sé
ekki að fullu lokið tel ég mig hafa fundið nærri átta tugi bæja á öllu
landinu þar sem ferðamönnum var veitt þjónusta gegn gjaldi og hef
staðfestan grun um fleiri. Við þetta mætti bæta nokkmm stöðum þar
sem byggt var beinlínis í þeim tilgangi að selja ferðafólki veitingar,
svo sem Hvítárvallaskála, Búðum, Vegamótum, Hreðavatnsskála
og Þrastalundi. Þá var í húsnæði ýmissa héraðsskóla haldið uppi
hótelrekstri yfir sumartímann. Var Reykholtsskóli einn þeirra sem
á þessum tíma voru nýttir með þeim hætti. Um marga staði er um
langan veg tíðinda að spyrja þar sem flestir sem að rekstrinum stóðu
eða til hans þekktu em fallnir frá. Þó má ganga út frá því að þær
frásagnir sem fengist hafa gefi sæmilega útlínumynd af því hvernig
starfsemin fór fram. Þó voru fyrirspumir um þetta efni ýmsum
nokkurt feimnismál vegna hinnar rótgrónu trúar á íslenska gestrisni,
en ekki er því að neita að á óvart kom hversu víða starfsemi af þessu
tagi hafði verið að finna. Ekki er heldur því að leyna að áreiðanleiki
vitneskju sem geymd er í minni fólks sem flest er hnigið á efri ár hef-
ur sínar eðlilegu takmarkanir. Ekki er auðvelt að sannprófa hvort það
sem minnið geymir er nákvæmlega rétt.
Lokaorðin em sótt til Fornólfs og lýsa tilfinningunni þegar ég lít
til þess sem gert hefur verið og hins sem eftir er að vinna til þess að
gera þessum þætti sögu okkar skil.
Jeg hef morrað mest við það
að marka og draga á land
og koma því undan kólgu, svo
það kefði ekki allt í sand?1
Grein þessi er að stofni til Jyrirlestur sem haldinn var í Snorrastofu
á vegum Sögufélags Borgarfjarðar og Snorrastofu í júní 2004.