Borgfirðingabók - 01.12.2005, Blaðsíða 149

Borgfirðingabók 2005
147
stæð stefna í umhverfismálum.
Þá ætti sameinað sveitarfélag að
geta unnið að markvissri stefnu-
mótun fyrir svæðið í heild í
ferðamálum, en ferðamálin eru
vaxtarbroddur sem hlúa þarf
vel að. Menning og atvinnusaga
þessa svæðis er um margt sérstök
og þyrfti með markvissum hætti
að tengja hana ferðaþjónustu í
sameinuðu sveitarfélagi.
Hreppamir íjórir hafa undan-
farin ár haft samstaf um félags-
þjónustu með góðum árangri. Með sameiningunni mun sú þjónusta
aukast og verða markvissari, en félagsleg þjónusta er þáttur sem sífellt
er að verða fyrirferðameiri í rekstri sveitarfélaga. Þá ætti að vera
möguleiki á að nýta starfsmann í félagsþjónustu þannig að hann komi
að fleiri verkefnum, eins og t.d. í grunnskólanum eða í tómstundastarfi
unglinga, sem ætti að geta orðið öflugra og markvissara.
Með sameiningunni ætti að verða hægt að vinna að heildstæðri
fjölskyldustefnu, en segja má að heildstæð stefna í þeim málaflokki
hafi ekki verið fyrir hendi. Þá tel ég brýnt að hugað verði að því
hvemig unnt verður að koma til móts við þarfir aldraðra á svæðinu,
m.a. með því að leita leiða til þess að gera þeim kleift að búa sem
lengst heima hjá sér en njóta um leið góðrar þjónustu. Verður að
telja að sameinað sveitarfélag verði mun betur í stakk búið til að
skipuleggja málaflokka sem þessa fremur en ijórir aðskildir hreppar
sem óhætt er að segja að hafi haft mismikið bolmagn til að sinna
þeim.
Öllum er ljóst að fyrst um sinn mun ekki verða neinn sérstakur
íjárhagslegur ávinningur að sameiningu þessara tjögurra sveitarfélaga,
heldur mun Qármálastaðan verða svipuð og hún hefur verið. Má því
segja að ávinningur sameiningarinnar verði í upphafi fyrst og fremst
samfélagslegur. Þó er óhætt að segja að ef rétt verður á málum haldið
þá muni í hinu nýja sameinaða sveitarfélagi geta risið öflugt og
kraftmikið samfélag með sterka ijárhagslega stöðu sem bakhjarl, og
tekjur á íbúa ættu að geta orðið með því hæsta sem gengur og gerist
í sveitarfélögum á landinu.
Hallgrímskirkja í Saurbæ
á Hvalfjarðarströnd.
Ljósm. Aslaug Þorvaldsdóttir.