Borgfirðingabók - 01.12.2005, Side 88

86
Borgfirðingabók 2005
JÓNÍNA EIRÍKSDÓTTIR
Tónlistarfélag Borgarfjarðar
Starfsemin veturinn 2004-2005
Fyrsta verkefni þessa 38. starfsárs voru tónleikar Gunnars
Guðbjömssonar tenórs og Önnu Guðnýjar Guðmundsdóttur
píanóleikara í Borgameskirkju. Efnisskráin hljóðaði upp á ísl-
enskar perlur og erlendar af ýmsum toga. Þá komu næst Tómas
R. Einarsson bassaleikari og félagar, og fluttu kúbanska tónlist í
Bifröst. Aðventutónleikar, sem árvisst em haldnir í samvinnu við
Reykholtskirkju og Borgarfjarðarprófastsdæmi vom að þessu sinni í
höndum Karlakórs Reykjavíkur undir stjóm Friðriks S. Kristinssonar.
Söngur þeirra félaga var skrýddur einsöng Jóhönnu G. Linnet
sópransöngkonu ásamt orgel- og trompetleik. Þessir tónleikar voru
helgaðir minningu Jakobs Jónssonar bónda á Varmalæk, sem lést fyrr
á árinu og var einn stofnenda félagsins. Hjörtur Þórarinsson fyrrv.
skólastjóri á Kleppjámsreykjum, sömuleiðis stofnandi félagsins,
flutti minningarbrot af þessu tilefni. Fjórða verkefnið og líklegast það
síðasta á starfsárinu em kammerkórtónleikar í Reykholtskirkju, en þar
mætast Kammerkór Vesturlands undir stjóm Dagrúnar Hjartardóttur
og Kammerkór Tónlistarháskólans í Stokkhólmi undir stjóm Anders
Eby.
Ekki verður annað séð en að Tónlistarfélagið haldi enn sínum
hlut, því þátttaka félagsmanna í viðburðum þess hefur verið góð og
aðsókn að tónleikum hefur sannarlega haldist í góðu jafnvægi. Enn
um sinn telur stjómin að vert sé að leggja á sig nokkurt erfiði til
að starfið megi blómgast og íbúar njóti aðfenginnar tónlistar í sínu
heimahéraði til viðbótar þeirri sem hér dafnar svo vel.