Borgfirðingabók - 01.12.2005, Blaðsíða 44

42
Borgfirðingabók 2005
Grunnskólabömum er ekið daglega í skóla á Varmalandi. Borgar-
byggð rekur leikskóla á Bifröst og skólinn sjálfur býður upp á þjón-
ustu dagmæðra. Þess má geta að til stendur að reist verði kirkja á
staðnum, í nágrenni leikskólans. Biskup íslands hefur þegar látið
teikna kirkjuna en framkvæmdir við hana em ekki hafnar.
Fastráðnir starfsmenn við skólann eru um 40. 29 þeirra eiga
heima í Borgarbyggð. Meðallaun starfsmanna skólans em þau hæstu
á svæðinu, og hefur starfsemi skólans mikil bein og óbein áhrif á
næmmhverfið.
Af framangreindu má sjá að það er engin lognmolla á Bifröst þó
að oftar en ekki sé þar logn veðurs.
Týnda úlpan
Til eru allmargar sagnir af því að hlutir hverfa og finnast svo aftur á sama
stað og þeir voru skildir eftir á, stundum vikum eða mánuðum eða jafnvel
árum seinna, án þess að nokkur eðlilega skýring fáist á því. Er þá talað um
að huldufólk, álfar eða framliðið fólk gæti átt þar hlut að máli. Það hafi
þurft á hlutnum að halda og fengið hann að láni um stundarsakir, eins og
sagt er. Fyrir slíkum atburði varð bóndi einn í minni sveit, Torfi Magnússon
í Hvammi í Hvítársíðu. Það var fyrri part vetrar er hann fór til gegninga í
Qárhúsunum. Hugðist hann leysa hey og gefa á jöturnar. Aður hafðiTorfi rekið
ærnar á beit og var því vel klæddur, í þykkri vaðmálsúlpu eins og tíðkaðist
í þá daga. Til að létta sér störfin brá hann sér úr úlpunni og hengdi hana á
nagla á einni garðastoðinni. Síðan fór hann að gefa á jöturnar, raka krærnar
og brynna hrútunum. Að því loknu hugðist hann taka úlpuna góðu og ganga
heim til bæjar. En viti menn: Úlpan var horfin og fannst ekki hvernig sem hann
leitaði.
Svo er það nokkrum vikum seinna að Torfi er að sinna sömu störfum,
búinn að fá sér nýja úlpu; hann er að ljúka gegningunum og verður litið inn
í fjárhúsin. Þá hangir þar gamla úlpan á sama stað og hann skildi við hana
nokkrum vikum áður.
Á þessu fyrirbæri hefur engin skýring fengist frekar en á allmörgum öðrum
sem sögur fara af.
Frásögn Guðmundar Jónssonar á Bjarnastöðum í Hvítársíðu.