Borgfirðingabók - 01.12.2005, Qupperneq 130

128
Borgfirðingabók 2005
hundruð metra langir en ekki mjög breiðir. Flekkina varð síðan að
riQa með handafli og snúa þeim nokkrum sinnum þangað til heyið
var orðið nægilega þurrt til að taka það saman.
Það tók töluvert á þolinmæðina að snúa þessum óralöngu flekkj-
um með hrífu dag eftir dag. Gjaman vom tveir saman um að snúa
hverjum flekk, en stundum þrír eða fjórir, ekki síst ef krakkar vom í
liðinu. Það var skemmtilegra. Eftir því sem við vomm fleiri gekk fyrr
á flekkinn, og þá var hægt að spjalla meira saman og jafnvel spinna
upp heilu sögumar og gleyma stund og stað meðan hrífumar gengu
og mismunandi stórir fætur rötuðu sína leið.
Út yfir tók þegar rigndi í hálfþurrt heyið, svo að við þurftum að
snúa því helmingi eða þrisvar sinnum oftar en ella og rífa blauta rif-
garðana upp úr hánni.
Loks kom að því að ákveðið var að taka heyið saman. Þá kom
aftur til kasta okkar Vinds að draga það saman í hrúgur. Síðan var það
sætt og yfirbreiðslur úr striga strengdar yfir galtana. Loks var heyið
úr göltunum bundið í bagga, sem fluttir voru heim á hestum.
Síðustu sumrin mín við Deseyjarheyskap var ég í heybandinu
með kaupamanninum, þ.e. breiddi út reiptöglin og raðaði á þau hæfi-
lega miklu af söxuðu heyi úr göltunum. Kaupamaðurinn batt síðan
sátumar.
Þá þóttist ég vera fullorðin.
Eftirmáli ritstjóra
Þórunn Eiríksdóttir fæddist á Hamri í Þverárhlíð 20. janúar 1928 og ólst upp á
Glitstöðum í Norðurárdal. Foreldrar hennar voru Eiríkur Þorsteinsson, f. 1896,
og Katrín Jónsdóttir, f. 1899. Hún var elst 5 systra. Þórunn var lengst af ævi
sinnar húsfreyja á Kaðalsstöðum í Stafholtstungum, gift Olafi Jónssyni bónda
þar. Þórunn lét til sín taka í félags- og þjóðmálum. Hún ritaði talsvert um söguleg
efni. Hún lést 29. desember 2003.