Milli mála - 2022, Blaðsíða 22
MILLI MÁLA
Milli mála 14/1/2022 21
í þeim tilgangi að geta rýnt í sögulega þróun valdra málhópa, ef svo
ber undir.
Í næsta kafla verður sjónum beint að fyrstu niðurstöðum
rannsóknarinnar á Íslandi og stakir þættir skýrðir nánar. Ekki er
loku fyrir það skotið að heimsfaraldurinn setji strik í reikninginn hjá
sumum verkefnahópum, m.a. þeim norræna, því ekki er ólíklegt að
ýmislegt hafi breyst hvað varðar búferlaflutninga og fjölda innflytj-
enda sem síðar á eftir að endurspeglast í tölfræðilegum rannsóknum
á mannfjölda og hafa áhrif á þessa rannsókn í lýðfræðimálvísindum.
Það verður tíminn hins vegar að leiða í ljós.
3. Kortlagning spænsku á Íslandi:
Nokkur dæmi
Tengsl annars vegar Íslands og hins vegar Spánar og spænskumæl-
andi landa Ameríku hafa verið af ýmsum toga í tímans rás. Má hér
einkum nefna menningarleg og pólitísk tengsl en mikilvægust eru
tengslin á sviði verslunar og viðskipta, einkum hvað varðar útflutning
á tæknibúnaði til fiskvinnslu, veiðarfærum og fiski, og innflutning
á matvöru, víni og ávöxtum. Spánn hefur um áraraðir verið vinsæll
áfangastaður meðal Íslendinga allan ársins hring en þangað leita þeir
gjarnan í fríum sínum til að spila golf, ganga á fjöll og um pílagríms-
vegi, og njóta veðurblíðu og gestrisni Spánverja (Erla Erlendsdóttir
og Karl Jóhannsson 2020). Ferðalög Íslendinga til landa í Mið- og
Suður-Ameríku eru til marks um áhuga á menningu, mannlífi og
sögu álfunnar, en tengsl við lönd hennar má rekja allt til fyrri hluta
20. aldar. Um það vitnar 90 ára stjórnmálasamband við Chile, sem
fagnað er í ár, og viðskiptatengsl við lönd eins og Argentínu, Brasilíu
og Mexíkó frá því um miðja 20. öld.
3.1 Málnotendur sem hafa spænsku að móðurmáli (MMH)
Eins og vikið var að hér í upphafi greinarinnar þá stendur rannsóknin
ennþá yfir og endanlegar niðurstöður hennar liggja ekki fyrir. Fyrir
þær sakir er ekki unnt að draga endanlegar ályktanir af henni heldur
ERLA ERLENDSDÓTTIR, HÓLMFRÍÐUR GARÐARSDÓTTIR OG NÚRIA JIMÉNEZ