Skýrslur um I. Landsfund Íhaldsflokksins og Sjálfstæðisflokksins og II.-VI. Landsfund Sjálfstæðisflokksins 1931, 1932, 1933, 1934, 1936 - 15.04.1929, Page 11

framhald af fundinum 1929. Segja má því, að söguleg
samhengisrök mæli með því að telja hinn eina landsfund
Ihaldsflokksins, sem stofnaður hafði verið 24. febrúar
1924, einnig fyrsta landsfund Sjálfstæðisflokksins.
Eftir miklar umræður á landsfundinum 1929
varð ljóst, að fella yrði niður íhaldsflokksnafnið og taka
upp annað nýtt. Þótt nafnbreyting væri óumflýjanleg,
urðu menn ekki á eitt sáttir um það, hvert hið nýja nafn
skyldi vera. Talið hefur verið af ýmsum, að nafnið
„Sjálfstæðisflokkur” hafi orðið ofan á að kvöldi síðasta
fundardags, þegar fundarmenn hittust í kaffistofu
Rosenbergs, og hafi þá fyrsti og síðasti landsfundur
Ihaldsflokksins breyst í fyrsta landsfund
Sjálfstæðisflokksins á síðustu mínútum fundarins. Væri
þetta víst, hefði þessi fundur sannarlega verið fyrsti
landsfundur Sjálfstæðisflokksins. Harla ólíklegt verður
þó að teljast, að þetta hafi gerst. Fundargerð var ekki
rituð þetta kvöld (a.m.k. þá ekki færð í rétta
fundargerðabók), og þeim, sem þetta tekur saman, hefur
ekki tekist að finna neinn, sem þetta man eða veit með
vissu (í júlí 1992).
Dr. Magnús Jónsson segir í bók sinni,
„Sjálfstæðisflokkurinn fyrstu fimmtán árin”, Reykjavík
1957, að 1. Landsfundur Sjálfstæðisflokksins hafi verið
haldinn í febrúar 1931. Hann hefur því bersýnilega ekki
álitið eða ályktað, að neitt hafi atvikast á seinasta fundi
landsfundar Ihaldsflokksins 1929, sem orsakaði
breytingu hans í fyrsta landsfund Sjálfstæðisflokksins.
Dr. Magnús mátti manna gerst um þetta vita. Hefð er þó
komin á það að telja þennan fund með landsfundunt
Sjálfstæðisflokksins, enda stjórnmálafræðilega og
sögulega alveg réttlætanlegt.
9