Skýrslur um I. Landsfund Íhaldsflokksins og Sjálfstæðisflokksins og II.-VI. Landsfund Sjálfstæðisflokksins 1931, 1932, 1933, 1934, 1936 - 15.04.1929, Blaðsíða 57

sem best samgöngur á sjó með ströndum fram og milli
íslands og útlanda.
2. Landsfundurinn lætur í ljós eindregna ánægju
sína yfir frumvarpi því um raforkuveitur, sem nú er fyrir
þinginu, og telur samþykkt þess stórt spor í áttina til þess
að halda fólkinu í sveitunum, gera vistina þar þægilegri,
og flýta fyrir ræktun landsins.
3. Landsfundurinn færir þingmönnum flokksins
þakkir fyrir rekstrarlánafrumvarp það, sem þeir fluttu á
þingi 1928, og óskar eftir, að lög^jöf um þetta verði
afgreidd í sem líkastri mynd á yfirstandandi þingi.
4. Verkfall á togurunum, sem nýlega er lokið, hefur
fært íslendingum skýrar og ótvíræðar sannanir fyrir því,
að þeir fái ekki, frekar en nágrannaþjóðirnar, umflúið
verkfallsbölið, nema því aðeins, að sérstakar
varnarráðstafanir verði gerðar. Landsfundurinn skorar
því á Alþingi að hefjast handa um slíkar ráðstafanir, og
telur þessu máli vel borgið, ef frumvarp, er gengur í
sömu átt og frumvarp um vinnudóm, verður lögfest.
5. Fundurinn lýsir þeirri skoðun, að framfarir í
landinu hljóti að byggjast á traustum og heilbrigðum
atvinnurekstri í höndum einstaklinga, og því best að
forðast að skerða atvinnufrelsi manna eða íþyngja
atvinnuvegunum með of þungum sköttum.
6. Fundurinn telur þá stefnu mjög skaðlega að ala á
ríg milli stétta í þjóðfélaginu. Góð samvinna allra
landsmanna er nauðsynleg til sannra framfara og
hagsældar þjóðarinnar.
SAMÞYKKTIR
f»á lagði Magnús Jónsson, alþm., fram álit og
tillögur nefndar, er kosin hafði verið til þess að efla
55