Skýrslur um I. Landsfund Íhaldsflokksins og Sjálfstæðisflokksins og II.-VI. Landsfund Sjálfstæðisflokksins 1931, 1932, 1933, 1934, 1936 - 15.04.1929, Blaðsíða 18

Þegar dr. Magnús Jónsson fer að ræða seinni
nafnskipta-ástæðuna í áðurnefndri bók sinni (bls. 19-20),
segir hann:
„Annað kom hér til greina. Eins og áður hefur
verið að vikið, var Frjálslyndi flokkurinn stofnaður 1927,
og dró mjög til samvinnu milli íhaldsmanna og
Frjálslyndra við þingstörfin, er fram í sótti. Þótti
mönnum því eðlilegast, að gera þá samvinnu öruggari
með því að sameina þessa tvo flokka. Var svo komið í
þinglok 1929, að ekkert virtist því til fyrirstöðu, að þessir
flokkar gætu sameinast.
Um nafnið á hinum nýja flokki voru menn á hinn
bóginn ekki alveg sammála. Var talað um
„Umbótaflokk”. En flestum þótti Sjálfstæðisflokks-
nafnið best til fallið. Gegn því var helst sú mótbára, að
það væri ekki nýtt flokksnafn. Flestum þótti þó sú
mótbára lítilvæg. bentu þeir m.a. á, að sama mætti segja
um Framsóknarflokks-nafnið. Það nafn hafði flokkur
borið um og eftir aldamótin og þótti ekki koma að sök.
Helst voru það gamlir Heimastjórnarmenn, er barist
höfðu lengi gegn eldri Sjálfstæðisflokknum, sem féll
þetta nafn miður. En sú mótspyrna var lítil og brátt
yfirstigin án ágreinings, og Sjálfstæðisflokks-nafnið
valið”.
Ekki skýrir dr. Magnús frá því, hvar og hvenær
þessar umræður um nýtt nafn fóru fram, né hverjir tóku
þátt í þeim eða hvernig endanleg ákvörðun var tekin.
Þetta hlýtur þó að hafa gerst eftir að landsfundi lauk, 6.
apríl, og áður en yfirlýsingin um flokksstofnun var
undirrituð, 25. maí, og sjálfsagt hafa það verið
þingmennirnir, sem ákváðu nafnið að lokum. Eftir
orðalagi í frásögn Magnúsar að dæma, mætti helst ætla
16
j