Skýrslur um I. Landsfund Íhaldsflokksins og Sjálfstæðisflokksins og II.-VI. Landsfund Sjálfstæðisflokksins 1931, 1932, 1933, 1934, 1936 - 15.04.1929, Blaðsíða 45

fylgjast svo vel með öllum nýjungum í
atvinnurekstrinum, sem þarf til þess að skera rétt úr því í
hverju einasta tilfelli, hvaða umbætur séu fyrirtækinu til
eflingar og þó ekki kostnaðarsamari en það getur risið
undir. Fjölbreytni náttúrunnar og mannlífsins er svo
mikil, að naumast eru til nokkur tvö atvinnufyrirtæki,
sem búa að öllu leyti við alveg sömu skilyrði. Þess
vegna nægir alls ekki, að hver atvinnurekandi hermi í
hugsunarleysi eftir öðrum. Allir þurfa þeir að hafa
hæfileikann til að velja rétt og hafna rétt, þó að þeir einir
geti orðið reglulegir brautryðjendur, sem eru
framúrskarandi hæfileikum gæddir að einhverju leyti. Af
þessum ástæðum verður líka að leggja töluvert annan
mælikvarða á vinnu stjómanda eða formanns fyrirtækis
en á vinnu þeirra verkamanna, sem aðeins eiga að
framkvæma ákveðin verk eftir gefnum fyrirmælum.
Blómlegur atvinnuvegur.
í sérhverju landi eru venjulega mörg
atvinnufyrirtæki, sem stunda sömu eða svipaða
framleiðslu, og er sú starfræksla þá nefnd „atvinnuvegur”
einu nafni. Af því, sem að framan er sagt, má ráða það,
að atvinnuvegur, sem er í blóma, hefir á sér viss
einkenni, sem gagnlegt er að átta sig á. Aðaleinkenni
hans eru þessi:
1. Mikil framleiðsla.
2. Lágt verð á hinni framleiddu vöru.
3. Hátt kaupgjald.
4. Mikill gróði.
Að framleiðslan þurfi að vera mikil, mun öllum
finnast eðlilegt, því að þá fer það saman, að fyrirtækið
rekur vel hið almenna ætlunarverk, fullnægingu
43