Skýrslur um I. Landsfund Íhaldsflokksins og Sjálfstæðisflokksins og II.-VI. Landsfund Sjálfstæðisflokksins 1931, 1932, 1933, 1934, 1936 - 15.04.1929, Blaðsíða 33

nemenda um námið. Hún er framkvæmd á þann hátt, að
hver nemandi reynir að nema sjálfur sem bezt allt það,
sem kennt er í skólanum, til þess að verða framarlega í
röð keppinautanna - skólabræðranna eða skólasystranna.
Andstæðingar frjálsrar samkeppni lýsa henni
eins og hún væri áflog, þar sem hver keppendanna reynir
að rífa annan niður, bregða fyrir hann fætinum leynt eða
ljóst. Þeir hugsa sér, að samkeppnin sé í því fólgin, að
hver keppandinn reyni að hindra hina frá því að ná settu
marki eða tilætluðum árangri. Eftir þeirri hugsun ætti
samkeppni íþróttamanna að vera fólgin í hrindingum og
hrekkjabrögðum, samkeppni nemenda t skólum að fara
fram með því, að hver reyndi að glepja fyrir öðrum og
trufla og tefja nám hinna. Nú vita allir, að ef eitthvað
slíkt kemur fyrir í íþróttakappleik eða skóla, þá er það
engin samkeppni, heldur þvert á móti - brot á skráðum
og óskráðum lögum samkeppninnar á þeim sviðum.
Þá skulum vér næst líta á samkeppni í
framleiðslu. í hverju er hún fólgin? I því, að sérhver
hinna keppandi framleiðenda reynir að fullkomna sig
sjálfan og sitt fyrirtœki, svo að framleiðsla hans verði
sem mest og sem útgengilegust, svo að hann geti selt
hana fyrir sem lægst verð og borið þó sinn skerf af
öðrum framleiddum gæðum úr býtum. Hitt væri ódæmi,
ef einhver framleiðandi vildi reyna að komast sjálfur
fram úr keppinautunum með því að drepa búfé þeirra eða
mölva verkfæri fyrir þeim; væri slíkt glæpir, en engin
samkeppni. Og þegar vér höfum nú í huga þá
meginreglu, að sérhver framleiðandi verði sjálfs sín
vegna að leggja alla stund á að fullnægja sem bezt
þörfum annarra (neytendanna og notendanna), þá sjáum
vér, að samkeppnin í framleiðslu er í því fólgin, að
31