Skýrslur um I. Landsfund Íhaldsflokksins og Sjálfstæðisflokksins og II.-VI. Landsfund Sjálfstæðisflokksins 1931, 1932, 1933, 1934, 1936 - 15.04.1929, Qupperneq 66

stétta fyrir augum. En í því felst einmitt, að tlokkurinn
vill virða og efla sjálfstæði einstaklinganna innan
þjóðfélagsins, bæði manna, stofnana og félaga. Á
framtaki einstaklinganna og frelsi þeirra til þess að beita
kröftum sínum innan leyfilegra takmarka sér og sínum til
hagsbóta byggir þessi stefna fyrst og fremst vonirnar um
framhaldandi umbætur á lífskjörum þjóðarinnar. Það
þarf ekki annað en að líta á hrúgu þá af
einokunarfrumvörpum, er sósíalistar fluttu á síðasta
þingi, til þess að sannfærast um, að hér er gripið á
aðaldeiluefnunum, og að nafnið markar mjög vel afstöðu
þeirra manna, sem vilja varðveita hið fengna
atvinnufrelsi gegn ásókn sósíalista. Mér þykir ekki þörf
á að útskýra þetta nánar að sinni, því að öll
dægurbaráttan á þingi, á fundum og í blöðum snýst í
rauninni um þetta”.
Þama segir Jón Þorláksson því berum orðum, að
nafnið hafi verið valið með fullu samkomulagi
þingmanna beggja flokkanna. Þannig hefur nafnið því
endanlega verið ákveðið, og er líklegt, að þingmenn
íhaldsflokksins hafi talið sig hafa umboð frá landsfundi
til nafnbreytingar. Slíkt umboð hlýtur þá að hafa verið
veitt á síðasta kvöldfundinum í sölum Rosenbergs.
Sennilega hefur það gefið þingmönnum frjálsar hendur,
og óvíst með öllu, að nafnið Sjálfstæðisflokkur hafi þá
verið nefnt.
64