Orð og tunga - 2023, Qupperneq 171

162 Orð og tunga
þjóðarinnar. Þá hafa kynjasjónarmið frá öndverðu skipt máli í starfi
hópsins eins og sjálfsagt má teljast.
Þau er þetta rita eru sérfróð um íslenska málfræði og nöfn (Guðrún)
og íslenskar bókmenntir fyrri alda (Ármann) og nýttu sérþekkingu
sína óspart í vinnu fyrir hópinn. Ásrún talaði jafnan máli myndlistar
og hönnunar en félagar okkar í hópnum voru fulltrúar borgarskipu­
lags og arkitektúrs. Hópurinn leysti af hólmi einn ráðgjafa og okkar
mat er að vel hafi tekist til. Góður andi var jafnan í hópnum sjálf um
en flest okkar höfðu engin samskipti við pólitískar nefndir borgar­
innar og þótti stundum bera á ákveðnu skilningsleysi þar enda tíð
mannaskipti þar á ferð. Góðar greinargerðir fyrir nöfnunum gátu þó
oft komið í veg fyrir átök og misskilning. Eins og gildir um margt er
verkefnið ívið flóknara en margir halda. Ekki er óalgengt að fólk sem
hefur lítið sem ekkert kynnt sér verkefni af þessu tagi hafi eftir sem
áður miklar skoðanir á því. Mat okkar eftir þessa löngu reynslu er að
það sé gott að hafa sérfræðinga með borgaryfirvöldum í þessari vinnu
og einu vandkvæðin sem upp komu hafi í raun verið óviðkomandi
vinnu nefndarinnar sjálfrar.
2
Dagskipun starfshópsins við stofnun árið 2001 var að horfa til fram­
tíðarinnar og fyrir vikið vann hann í upphafi mikið starf sem ekki
hefur nýst til fulls vegna þess að uppbygging í borgarjaðrinum hefur
verið minni en útlit var fyrir þá. Aðeins eitt af þeim fimm hverfum
sem þá voru skipulögð varð til fljótlega en hlutar annarra. Það var
Norðlingaholtshverfið þar sem nefndin ákvað að nota endinguna
­vað og nota nöfn sem til voru áður í tungumálinu sem örnefni. Stofn­
brautirnar tvær hétu Norðlingaholt og Bugða en síðan bjó nefndin til
banka með 16 götunöfnum þar sem ­vað er endingin. Þau voru Árvað,
Bjallavað, Ferjuvað, Helluvað, Hestavað, Hólavað, Kambavað, Kólguvað,
Krókavað, Lindarvað, Lækjarvað, Móvað, Rauðavað, Reiðvað, Sandavað og
Selvað. Síðar bættust götur við í hverfið og þá settist hópurinn niður og
bætti við nöfnunum Búðavað, Elliðavað og Þingvað sem hafa skírskotun
í landslagið og fornt hlutverk svæðisins sem þingstaðar.
Ekki hefur farið jafn vel fyrir öðrum hugmyndum hópsins. Við
Úlfarsfell voru á þessum tíma skipulögð fimm hverfi en aðeins eitt
varð að veruleika þó að nýlega sé vinna hafin við annað. Þessi hverfi
áttu að heita Vatnabyggð enda eru þau umlukin af mörgum helstu
tunga25.indb 162 08.06.2023 15:47:17