Orð og tunga - 2023, Qupperneq 176

Ármann Jakobsson og Guðrún Kvaran: Götunöfn í Reykjavík 167
Múr höfða og Meitilshöfða við Bíldshöfða, Eirhöfða og Funahöfða. Í Skerja­
firði var lagt til að bæta Reginsnesi og Andvaranesi við Fáfnisnes og
halda þannig áfram að vísa í goðsöguna um Sigurð Fáfnisbana og
Rínargullið. Ekki er alveg jafn skýrt hvernig nöfnin í Múlahverfinu
eru fundin. Þar eru fyrir Ármúli, Síðumúli, Fellsmúli og Hallarmúli en
starfshópurinn ákvað að bæta við Blámúla, Barðmúla og Dalsmúla.
Áherslan er hér á samfellu frekar en frumleika.
Við höfum nú nefnt allmörg af þeim nöfnum sem starfshópurinn
lagði til við Skipulagsráð Reykjavíkurborgar en ekki nærri öll. Slíkt er
ekki mögulegt þegar grein er skorinn þröngur stakkur. Við munum þó
nefna hér í lokin nýtt svið sem ekki tengist umferðargötum en er afar
mikilvægt hvað öryggi varðar ef kalla þarf til sjúkralið eða lögreglu
vegna slyss. Um er að ræða nöfn á hjóla­ og göngustígum. Hér verða
nefndir sem dæmi sex fjölfarnir stígar sem starfshópurinn lagði til að
nefna árið 2020 og fengu viðliðinn ­leið. Þetta eru stígurinn með fram
Sæbraut (Mánaleið), stígurinn sem liggur meðfram Ægisíðu gegnum
Fossvog og inn í Elliðaárdal (Sólarleið), stígurinn í gegnum Elliðaárdal
(Árleið), stígurinn sem liggur frá Sæbraut í gegnum Geirsnef og síðan
meðfram Vesturlandsvegi inn í Mosfellsbæ (Kelduleið), stígurinn sem
gengur frá Bryggjuhverfi, í gegnum Grafarvoginn til Mosfellsbæjar
meðfram sjónum (Eyjaleið) og stígurinn frá Nauthólsvík, meðfram
Öskjuhlíð og niður í miðbæ (Bæjarleið).
4
Þegar litið er yfir farinn veg má sjá að starfshópurinn hefur komið
víða við á höfuðborgarsvæðinu og lagt til ný nöfn í nær öllum
hverfum borgarinnar, gömlum sem nýjum. Eins og fram hefur komið
var stefna hans frá upphafi að hafa íslenskt mál ávallt í huga og leita
til íslensks orðaforða eins og hann kemur fram í eldri heimildum á
borð við Snorra­Eddu og í fornum kveðskap. Eins skipti landslagið
einnig miklu máli og forn örnefni á þeim svæðum sem vinna átti
með. Við fetuðum þar í fótspor þeirra sem gáfu götum í eldri
hverfum borgarinnar nöfn eins og t.d. á Melunum, í Þingholtunum
og í Hlíðunum. Við leiddum hjá okkur pólitísk átök stundarinnar sem
ekki eiga að ráða því sem lengi skal standa enda geta veður skipast
hratt í þeim efnum. Fyrir kom þó að nefndinni væru falin slík verkefni
sem hún reyndi þá að sinna.
Á þessum ríflega 20 árum var mótuð skýr stefna í nafngiftum í
tunga25.indb 167 08.06.2023 15:47:17