Goðasteinn - 01.09.1967, Síða 49

Oddnr Oddsson á Heiði:
Farið á fjall 1 fyrsta sinn
Það var haustið 1918, að ég fékk að fara í haustsmölun á Rang-
árvallaafrétt í fyrsta sinn. Ekki var það þó af því, að ég hcfði ekki
fengizt til þess fyrr.
Hjá foreldrum mínum ólst upp Böðvar Böðvarsson frá Þorleifs-
stöðum. Var hann nokkrum árum eldri en ég og því talinn sjálf-
sagður í fjallferðir að hausti. Ég hafði hins vegar oft rekið á fjall að
vori og var því búinn að sjá hin háu og, að mér þótti, fallegu fjöll
á Laufaleitum.
Sumarið 1918 fékk Böðvar vott af magasári. Ég gat því með
„viturlegum fortölum“ talið honum trú um, að ekki væri ráðlegt
fyrir hann að fara til fjalls. Heilsa hans var að sönnu orðin allgóð,
en ég hafði mitt mál fram.
Nú leið að fjallferðardegi okkar, laugardeginum í tuttugustu og
annarri viku sumars. Við vorum þrettán, sem fórum í Strútsleit, sem
svo var kölluð. Degi síðar fóru jafnmargir á vesturfjallið. Áttum
við allir að hittast á miðvikudeginum og smala úr því sameiginlega,
austurfjallsmenn fyrir austan götuna en vesturfjallsmenn fyrir vest-
an hana.
Fjallkóngur minn í þessari leit var Sigurlás Nikulásson í Lamb-
haga, duglegur og kunnugur fjallkóngur. Raunar taldi maður, að
ýmsu hefði mátt haga á aðra leið en gert var í þessari smölun, en
það er oft hægara að sjá hlutina eftir á.
Fyrsta daginn var farið inn í Lambadal og tjaldað þar undir hárri
og grösugri brekku, á sléttri valllendisflöt milli tveggja hóla. Þar
fyrir vestan var önnur flöt, sem vesturfjallsmenn höfðu fyrir tjald-
Goðasteinn
47