Goðasteinn - 01.06.1985, Page 90

Eftir hádegisverð á skemmtilegu veitingahúsi skammt frá strönd
vatnsins fórum við í heimsókn á Betel, sem er elliheimili í bænum.
Þar voru vistmenn nálægt einu hundraði og mikill meirihluti þeirra
af íslensku bergi brotinn og sumir jafnvel fæddir á gamla landinu.
Okkur var tekið þarna af mikilli gestrisni og vinsemd og margs
spurðir að heiman. Þá sýndum við heimilismönnum kvikmynd frá
íslandi, sem við höfðum meðferðis, og var mjög góður rómur
gerður að henni. Að heimsókninni í Betel lokinni, Iitum við inn í
allstóra verslun hjá Tergesen kaupmanni. Hann er danskur að ætt,
en á íslenska konu og bæði töluðu hjónin ágæta íslensku.
Um kvöldið fórum við í veisluboð hjá A1 fræðslustjóra. Þar var
fjöldi fólks saman kominn og vel veitt af mat og drykk eins og
hvarvetna, þar sem Vestur-íslendingar komu saman til að gleðjast.
Flestir gestanna þarna voru af íslenskum ættum og í þeirra hópi var
Óli Narfason, bóndi á Víðivöllum og formaður þjóðræknisdeildar-
innar á þessum slóðum. Ég spjallaði um margt við Óla, því að hann
var fróður í besta lagi. Meðal annars lýsti hann lifnaðarháttum
fólksins þarna á fyrri tíð, meðan menn höfðu blandaðan smá-
búskap. En á síðustu áratugum höfðu komið til stórstígar breyt-
ingar með vélvæðingu og sérhæfingu á flestum sviðum. Sjálfur var
Óli stórbóndi og hafði sérhæft sig í nautgriparækt og mjólkur-
framleiðslu. Óli gat þess að fyrir allmörgum árum hefði sér virst
íslenskan þar vestra eiga í vök að verjast og þá hefði fólk jafnvel
ekki viljað skíra börn sín lengur íslenskum nöfnum. Þetta hefði nú
breyst aftur og væri greinilegt að staða gamla málsins og
menningararfsins frá íslandi væri að styrkjast á ný. En á það bæri
að líta að róðurinn væri þungur, því að fólk af íslenskum ættum
væri aðeins lítið brot í ólgusjó þjóðahafsins þar vestra.
í ökuferð um Nýja-ísland
Guðmundur Albert gerði það ekki endasleppt við okkur, því að
dag einn, þegar hann komst ekki burt af skrifstofu sinni vegna
annríkis, fékk hann félaga sinn, Garry Anderson, sem líka var af
íslenskum ættum, til að fara með okkur i mikið ferðalag um Nýja-
ísland. Fyrst komum við að Gimli og fórum þar í skólaheimsóknir.
88
Goðasteinn