Mímir - 01.06.1996, Page 28

Hafþór Ragnarsson
í fermingarveislu
Pá sagði hann allt í einu eins og við sjálfan sig:
„Eins og sandur í greip er ást mín
Eins og tár í regni er trú mín
Eins og öskur mót brimi er von mín“
Og ég sagði: „Ha, áttu þá við að þú sért lítilfjörlegur
og megir þín einskis gagnvart alvaldinu?"
Hann horfði í augun á mér og þagði hárri röddu.
Orð í auga
Einmitt núna
er hugsun mín
í höfði þínu.
Staðreynd
þó ég viti
að einhversstaðar breyttist lífið
úr áskorun í vana
gæti ég aldrei neglt niður
þessi merkustu tímamót ævinnar.