Læknaneminn - 01.04.2018, Side 67

Fr
óð
le
ik
ur
67
gæði móttöku og meðferðar þessara sjúklinga.
Á fyrstu 27 vikum verklagsins hefur orðið
næstum þreföldun á fjölda sjúklinga sem fá
segaleysandi meðferð frá því sem áður var.
Eins hefur meðaltíminn sem líður frá komu
sjúklings að veitingu meðferðar styst niður í 24
mínútur. Auk þess hafa fjórir sjúklingar verið
meðhöndlaðir með segabrottnámsmeðferð
á Land spítala en tveir þeirra fengu afgerandi
klínískan bata af meðferðinni. Engir alvarlegir
fylgi kvillar hafa komið upp við veitingu
enduropnunar meðferðar eftir innleiðingu
verk ferilsins en hann er og verður áfram
í sífelldri endurskoðun og framþróun.
Nú í kjölfar innleiðingar nýja verkferilsins
verður næsta skref að koma á staðfærðu,
vönduðu verklagi fyrir heilbrigðisstofnanir úti
á landi sem mun tengja þær Land spítalanum
í heild stæðu meðferðar kerfi. Innleiðing sega­
brottnáms á Landspítala sem meðferðar­
möguleika í blóðþurrðarslögum krefst gjör­
breyttrar nálgunar á lands byggðinni þegar
kemur að með ferð og flutningi sjúklinga. Enn
fremur er stórt verkefni fyrir höndum við
að stuðla að vitundar vakingu í samfélaginu
um eðli heilaslaga. Mikilvægt er að almenn­
ingur sé upplýstur um hver algengustu
upphafseinkenni heilaslaga eru, rétt fyrstu
viðbrögð og um hugsanleg meðferðarúrræði
sem bætt geta horfur sjúklinga til muna.
Tafla I. Verklags- og gæðatilmæli frá Bandarísku slagsamtökunum (e. American Stroke Association)
sem notuð voru til grundvallar við myndun verklagsins „Slag innan tímamarka“, tPA (ræsir
forplasmíns í vefjum, e. Tissue Plasminogen Activator):
1. Hratt bráðamat á vettvangi og væntanleg koma sjúklings á bráðamóttöku tilkynnt
án tafar með vandaðri upplýsingagjöf (e. EMS Pre-Notification).
2. Skýr og markviss hjálpartæki aðgengileg (e. Stroke Tools).
3. Hratt bráðamat og hröð ræsing slagteymis þegar sjúklingur kemur á eigin vegum
(e. Rapid Triage Protocol and Stroke Team Notification).
4. Móttökuteymi fyrir enduropnun slagæða ræst út í heild sinni fyrir komu sjúklings
(e. Single Cell Activation System).
5. Öruggur flutningur sjúklings beint inn á TS herbergi án viðkomu í sjúkrarúmi (e.
Transfer Directly to CT Scanner).
6. Hröð framkvæmd og túlkun á myndrannsóknum (e. Rapid Acquisition and
Interpretation of Brain Imaging).
7. Hröð vinnubrögð við að taka og fá niðurstöður úr blóðrannsóknum (e. Rapid
Laboratory Testing).
8. Blöndun tPA áður en niðurstöður myndrannsókna liggja fyrir ef klínískur grunur
um brátt blóðþurrðarslag (e. Mix tPA Ahead of Time).
9. Hröð gjöf tPA hleðsluskammts á tölvusneiðmyndarborði (e. Rapid Access and
Administration of intravenous tPA).
10. Vönduð teymisvinnubrögð (e. Team-Based Approach).
11. Áframhaldandi endurskoðun og úrbætur á verklagi (e. Prompt Data Feedback).