Félagsrit KRON - 15.12.1947, Side 95

en hækkanir eftir starfsaldri síðan
minni. Varð þetta til þess, að óvant
fólk sótti mjög til félagsins, en síð-
an frá því aftur til kaupmannaverzl-
ana, er það hafði öðlazt nokkra
reynslu. Var þessum hlutföllum í
launagreiðslum því fljótlega breytt.
Nokkuð bar á því, að sumum starfs-
mönnum, einkum í hærri launa-
flokkum, þætti hlutur sinn fyrir
horð borinn í launaskránni frá 1941
rniðað við það, er annars staðar tíðk-
aðist, og varð nokkurt los á starfs-
mannahaldi af þeim sökum. Segir
stjórnin um þetta í ársskýrslu fé-
lagsins 1941: „Er hér vandratað
meðalhófið, ekki sízt á órólegum
tímum eins og nú. Stjórnin er þó
sammála um, að félagið geti ekki
farið í neitt kapphlaup við einka-
fyrirtæki, að því er snertir hálauna-
greiðslur." Eftir þær breytingar,
sem síðar voru gerðar á launa-
skránni, mun þó minna hafa borið
á slíkri óánægju, og eins og áður er
vikið að er KRON nú aðili að al-
mennum samningi um kaup og kjör
verzlunarfólks.
11. Frœðslustarfsemi
Að dæmi fyrirrennara sinna, ekki
sízt Pöntunarfélagsins, lét KRON
sér annt um það frá upphafi að efla
og styðja fræðslustarfsemi innan fé-
lagsins. Frá byrjun var svo mælt fyr-
ir í lögum félagsins að verja skyldi
hluta af tekjuafgangi samkvæmt
samþykkt aðalfundar „til fræðslu
um samvinnumál og útbreiðslu-
starfsemi neytendasamtakanna eða
Félagsrit. KRON
annarrar starfsemi til sameiginlegs
gagns fyrir neytendur“. Með breyt-
ingu, sem gerð var á lögunum 1945,
er lögð enn meiri áherzla á þetta at-
riði, því að við ákvæði laganna um
tilgang félagsins var bætt eftirfar-
andi málsgrein: „ Ennfremur er það
tilgangur þess að aulca þekkingu
manna á samvinnufélagsskap og
viðskiptamálum og vinna að eflingu
samvinnufélaga hér á landi.“
Við stofnun félagsins var skipu-
lags-, fræðslu- og útbreiðslustarfsem-
in falin sérstakri deild, sem Guð-
mundur Tryggvason, fyrrverandi
forstjóri pöntunarfélagsins í Hafn-
arfirði, veitti forstöðu með miklum
dugnaði.
Árið 1937 hélt félagið uppi all-
víðtækri fræðslustarfsemi og þó sér-
staklega kvikmyndasýningum. Alls
voru sýningar þessar 16 og sóttu
þær um 5800 manns. Myndirnar
voru fjórar, þrjár sænskar og ein
norsk, og efni þeirra um þróun,
skipulag og starfsaðferðir samvinnu-
félaganna í Svíþjóð, Noregi og Eng-
landi. Allar voru þessar sýningar
ókeypis.
Þá styrkti félagið námshringa fyr-
ir starfsfólk, fulltrúa og aðra félags-
menn, sem þátt vildu taka í þeim.
í sambandi við Alþýðuskólann voru
starfræktir námshringir, þar sem
tekin voru fyrir samvinnumál, hag-
fræði og bókmenntir. Leiðbeinandi
var Arnór Sigurjónsson. Meirihluti
þátttakendanna í þessum náms-
hringum var starfsfólk félagsins.
Auk þessa hélt starfsfólkið uppi
125