Menntamál - 01.12.1964, Qupperneq 5

MENNTAMÁL
147
tilraunaskóla? Byrja á að taka til stöðlunar og reynslu efni,
sem aðrar þjóðir hafa þegar reynt með góðum árangri og
eru nú að taka í notkun almennt, laga efnið eftir íslenzkum
háttum og meta síðan, hvort nýjungin stendur framar „því
gamla og góða.“
Einnig þarf að athuga, hvort ekki mætti flytja nokkurn
liluta námsefnis menntaskólanna niður í gagnfræðaskóla —
eða jafnvel barnaskóla. Þar á ég við, að æskilegt væri að
kynna ýmis atriði, sem nú eru ekki nefnd á nafn fyrr en í
æðri skólum, fyrr á námsleiðinni.
Við þurfum nauðsynlega að gera tilraunir með breyttar
aðferðir í stærðfræðikennslu og við þurfum að kenna grund-
valluratriði eðlisfræði í barnaskólunum.
Hve mikið á að kenna í eðlisfræði og hve miklu á að
hreyta í stærðfræðikennslu? Þessum spurningum verður bezt
svarað með skipulegum tilraunum.
Á síðastliðnum vetri ferðaðist ég um Bandaríki Norður-
Ameríku og kynnti mér skólamál þar. Lengst dvaldi ég í
Kaliforniu, Minnesota og Washington D.C., en kom þó víðar
við í jjessari 6 mánaða ferð. Margt fróðlegt bar fyrir augu og
eyru og er því vandi að velja efni til frásagnar í stuttri grein.
Bandaríkjamenn vinna ötullega að kennslurannsóknum á
flestum námsgreinum, sérstaka áherzlu leggja þeir þó á
stærðfræði- og eðlisfræðikennslu og hafa hvorki sparað pen-
inga né tíma til Joeirra tilrauna síðustu 6—7 ár. Og enn segj-
ast J)eir eiga mikið ógert, enn er mörgum spurningum ósvar-
að. I ræðu og riti vestra kemur frain gagnrýni á reiknings-
kennslu í barna- og unglingaskólum, eins og hún var fram-
kvæmd áður. í bók eltir M. Brydegaard og P. L. Spencer
segir m. a.: „Menn fara með ýmis grundvallaratriði reikn-
ings eins og leyndarmál. Stuttar reglur eru gefnar, lærðar
og notaðar eins og Jrær hafi eitthvert segulafl. Þetta er rang-
lega lögð undirstaða fyrir námsgrein, sent allar meiriháttar
framkvæmdir manna byggjast á. Af slíkri kennsluaðferð er
ekki að vænta fullkomins skilnings á verkefninu."