Menntamál - 01.12.1964, Blaðsíða 40

182
MENNTAMÁL
„Lóðrétta" fyrirkomulagið er þannig, að næst fyrir neð-
an reit nr. 1 birtist hið rétta svar, og síðan kemur næsti
námsreitur þar fyrir neðan. Er þá gert ráð fyrir, að nem-
andinn noti spjald til að hylja svarreitinn, á meðan hann
færir sitt svar inn í verkefnabókina. Ýmis tilbrigði hafa og
komið fram við þetta kerfi.
Norman Crowder:
'l'he Multiple-Choice Response, Branching Prograrn:
Intrinsic Programing Principles.
Multiple-Choice Response merkir, að nemandinn velur
eitt svar af mörgum, sem gefin eru á eftir liverri fræðslu-
einingu. Hvert þeirra svara, sem gefin eru, hafa sinn svar-
reit, sem vísað er til, ýmist með blaðsíðutali, ef um bók er
að ræða, eða upplýsingar eru gefnar um takka, sem snúa á
eða þrýsta á, ef um vél er að ræða. Þetta er grundvallarat-
riði hjá Crowder. Hver fróðleikseining er mun lengri en
hjá Skinner. Nemandinn eyðir því mun lengri tíma í að
lesa en að svara, öfugt við jrað, sem er hjá Skinner, sem
telur að hápunktur námsstarfsins sé svar (andsvar) nemand-
ans. Crowder telur hinsvegar, að nám eigi sér ekki síður
stað á meðan nemandinn er að lesa og gera sér grein fyrir
efni hverrar fræðslueiningar. Þá kemur að því að velja eitt
af þeim svörum, sem gefin eru. Svörin eru fyrirfram unnin
þannig, að gert er ráð fyrir vissum frávikum frá hinu rétta
svari. Crowder telur það manninum eðlilegt að læra af
mistökum sínum, og því megi ekki taka frá honum þá
reynslu. Velji nemandinn rangt svar, er honum vísað á
enn meira lesmál, þar sem skýrt er fyrir honum, í hverju
villa hans er fólgin. í lok þessa pistils er honum síðan vísað
aftur á blaðsíðu 1 og hann beðinn að lesa betur og velja
síðan annað svar. Þannig er haldið áfram, unz nemandinn
hef'ur valið hið rétta svar við upprunalegu fræðslueining-
unni, Ef nemandinn hins vegar velur rétt svar í fyrstu