Menntamál - 01.12.1964, Side 6
148
MENNTAMÁL
Og á öðrum stað segir: „Stærðfræðikennslu barnaskólanna
hefur verið þröngur stakkur skorinn og kennslubækur ein-
göngu miðaðar við reikning.
í umræðum um uppeldis- og kennslumál er stærðfræði-
kennslan því oft flokkuð sem vélrænar æfingar og ekki lögð (
næg áherzla á, hve mikil áhrif stærðfræðiþekking hefur á
persónulegan þroska. En stærðfræðinám eykur mjög víð-
sýni og þekkingu og mótar viðhorf manna til lífsins.
Hin nýja stefna í stærðfræðikennslu skapar kennurum
tækifæri til að ræða við nemendur um hinar mörgu færu
leiðir við úrlausnir verkefna og hvetur nemendur til að
finna og kanna nýjar leiðir.“
Bandaríkjamenn vöknuðu, þegar Rússar sendu spútnik
á loft á sínum tíma. Stjórnin lagði áherzlu á bætta eðlis-
fræðikennslu og stærðfræðikennslu. Vísindamenn, stærð-
fræðingar og stærðfræðikennarar tóku í sama streng, og
hafizt var handa um víðtækar tilraunir og rannsóknir á
breyttri kennslutilhögun í þessum greinum. Þarna er um
margar sjálfstæðar tilraunir að ræða, sumar eru komnar
á lokastig, niðurstöður annarra eru tilbúnar til útgáfu eða
komnar á prent, enn aðrar eru styttra á veg komnar.
Ég mun nú geta nokkurra helztu tilraunanna. Um ná-
kvæma lýsingu getur þó ekki orðið að ræða.
Madison tilraunirnar:
Skólastjóri Madison gagnfræðaskólans í Syracuse, N. Y.,
og Dr. Robert Davis, prófessor við háskólann í Syracuse
héldu fund um stærðfræðikennslu og ræddu hið hcl,ð-
bundna kennsluform. Hvorugur var ánægður tneð kennsl-
una, og urðu þeir því ásáttir um að hefjast handa og reyna
ýmsar nýjungar.
Fyrsta námsskeið Madison tilraunanna fjallar um und-
irstöðuatriði reiknings, bókstafareikning og ýmis atriði úr
flatarmáli.