Menntamál - 01.12.1964, Síða 73
MENNTAMÁL
215
Þaft' er vel, aft þegar er kominn vísir aft byggftasafni á nokkrum
stöðum. Einstaklingar og átthagafélög hafa þar lagt hönd á plóginn.
í byggðasöfnunum má m. a. finna ýmsa muni, sem einnig — efta
e.t.v. fremur ættu heima í skólaminjasafni. Telja má öruggt, að af
svo miklu sé að taka í þessum efnum hér á landi, að nægja muni
bæði byggðasöfnunum og skólaminjasafni. Og hafa ber í huga, að
aðalatriðið er, að þessir munir verði skráðir og geymdir.
í fyrirhuguðu Skólaminjasafni íslands eiga að geymast minjar og
minningar um fræðsluna í landinu, um skólana, sögu þeirra og þró-
un, og allt það, er öðru fremur snertir fræðslu- og kennslumál. Skal
þar til nefna áhöld og hvers konar gripi, bækur, handrit og myndir.
En þess ber að minnast, að hér er verkefni ekki eingöngu bundið
við skóla, heldur einnig við heimilisfræðsluna. Á heimilum geymast
minjar um einstaka menn, sem unnið liafa á þessum sviðum. Nefna
má í því sambandi alþýðufræðarana, sem fyrr á tímum og raunar
fram á vora daga, unnu í þágu fræðslu og alþýðumenningar.
I samráði við fræðslumálastjóra og skólastjóra Kennaraskóla Is-
lands hefur verið ákveðið að leita stuðnings og atbeina skólastjóra og
skólanefnda/fræðsluráða — þar sem þær eru starfandi — við skrán-
ingu og söfnun skólaminja. Ef þessir aðilar vita um aðra, sem vildu
eða væru fáanlegir til þess að leggja þessu máli lið, \æri sú hjálp
mjög vel séð.
Fyrsta stig máls þessa er að hefja skrásetningu muna, sem átt geta
heima í skólaminjasafni. Það eru því vinsamleg tilmæli til yðar, að
þér veitið þessu máli stuðning með því að athuga í umhverfi yðar,
hvað helzt komi til greina í þessum efnum, og gera — eða láta gera
— skrá yfir þá muni, sem þér teljið að geymast ættu i skólaminja-
safni. Um þetta vísast til meðfylgjandi greinargerðar um skrásetn-
inguna. 1 næsta áfanga verður liafizt handa um söfnun munanna.
Augljóst er, að söfnun skólaminja er ekki áhlaupaverk, sem lokið
verður á skömmum tíma. Um það gildir hið sama — eða svipað —
og um söfnun annarra sögulegra minja, þ. e. söfnun verður aldrei
lokið, því að meginatriðið er að halda því til haga, sem síðar kann að
þykja markvert, þótt samtíðinni kunni að virðast það hversdagslegt.
Nú skiptir mestu máli að hefjast handa um skráningu og söfnun
þeirra skólaminja, sem ella kann að vera hætta á að gleymist eða
týnist, þess vegna eru þessi skrif nú send yður.
Það eru vinsamleg tilmæli mín og þeirra, er að máli þessu standa,
að þér ljáið því lið eltir föngum og á þann hátt, er þér teljið bezt megi
verða því til framdráttar. Þætti mér vænt um, ef þér vilduð láta mér
í té vitneskju um það setn fyrst með hvaða hætti þér getið stuðlað að
framgangi málsins.