Menntamál - 01.12.1964, Side 96
238
MENNTAMÁL
Vonast er eftir, að fræðslumálastjórn stuðli áfram, og í mjög vax-
andi mæli, að slíkum námsskeiðum fyrir kennara, sem starfa í skólum
utan Reykjavíkur.
Á laugardagskvöld sátu þátttakendur kaffiboð skólanefndar, eftir
að liafa skemmt sér á kvöldvöku í hinni vistlegu setustofu skólans.
Næsta liaust verður aðalfundurinn haldinn á Akranesi. Formaður
stjórnar næsta árs var kjörinn Njáll Guðmundsson, skólastj. á Akranesi.
Námskeið sem þetta liafa verið haldin árlega síðan 1948, fyrst á
vegum Stefáns Jónssonar námsstjóra, en siðan 1954 á vegum Þórleifs
Bjarnasonar, námsstjóra. Þessi námsskeið eru haldin til skiptis í skól-
unum á félagssvæðinu. Núna var þetta námsskeið haldið að Klepp-
járnsreykjum í fyrsta sinni.
Á Kleppjárnsreykjum eru Borgfirðingar að reisa glæsilegan heima-
vistarbarnaskóla fyrir 5 Itreppa sýslunnar norðan Skarðsheiðar.
1. áfanga er lokið, en í Jteim áfanga eru 2 kennslustol'ur, smíða-
stoía, setustofa, annar hluti heimavistarherbergja og skólastjóraíbúð.
Vonazt er eftir, að bygging síðari áfanga geti hafizt á næsta ári.
í þeim hluta byggingarinnar, sem kominn er, liefur kennsla farið
fram sl. 3 ár. Starfandi eru 3 kennarar við skólann auk skólastjóra,
Hjartar Þórarinssonar. Nemendur eru tæpl. 100. Húsnæðisskortur
kennara og nemenda liáir rekstri skólans mjög mikið. En eins og áður
er sagt, liillir undir úrbætur í þcim cfnum.
Frá Stéttarfélagi barnakennara í Reykjavík.
Aðalfundur S.B.R. var lialdinn í Melaskólanum fimmtudaginn 12.
nóv. 1964, og var hann mjög vel sóttur. Formaður félagsins, Svavar
Helgason, flutti skýrslu stjórnarinnar, sem var ýtarleg og sýndi glögg-
lega, að stjórnin liafði verið mjög athafnasöm. Stjórnin baðst öll
undan endurkosningu, og tók fundurinn ]>að til greina. Kosin var
ný stjórn fyrir félagið, og er hún þannig skipuð: Þorsteinn Ólafsson,
formaður; Marinó L. Stefánsson, varaformaður; Magnús Magnússon,
ritari; Hrefna Sigvaldadóttir, gjaldkeri og Pétur Sumarliðason, með-
stjórnandi.
Fundurinn gerði eftirfarandi ályktanir:
„Aðalfundur Stéttarfélags barnakennara í Reykjavík, lialdinn í
Melaskólanum fimmtudaginn 12. nóv. 1964, lýsir óánægju sinni
með launakjör barnakennara og telur þau algerlega óviðunandi.
Fundurinn telur, að verðlags- og launamálaþróunin undanfarið hali
gert að engu Jtær launabætur, sem barnakennarar fengu með Kjara-
dómi 3. júlí 1963.