Menntamál - 01.12.1964, Blaðsíða 31
MENNTAMÁL
173
örvandi, gagnlegt og skemmtilegt að koma á „startsfræðslu-
degi.“
En „starfsfræðsludagar" án góðs undirbúnings telja marg-
ir gagnslitla, og sumir telja þá jafnvel geta orsakað ótíma-
bærar og óraunsæjar ákvarðanir um starfsval vegna skyndi-
hrifningar á „starfsfræðsludegi" eða jafnvel sefjunar.
Einstaklingsbundnar leiðbeiningar.
Eins og áður er að vikið tel ég nauðsynlegt, að einstak-
lingar geti fengið góða fyrirgreiðslu í sambandi við vanda-
mál sín við starfsval. Enn fremur þurfa einstök fyrirtæki
og atvinnurekendur að liafa aðgang að sérfræðingum, þeg-
ar athuga þarf um hæfni manna, sem þeir eru að ráða til
sín.
Hér verða að koma til sérmenntaðir starísfræðsluráðu-
nautar og aðstaða til vinnusálfræðilegra athugana á ein-
staklingum, þegar með þarf.
Við vitum lítið ennþá, hve mikil þörf er fyrir þessa sér-
fræðinga hér, ellegar hve margir þyrftu vinnusálfræðilegra
rannsókna við, en þörfin fyrir hvort tveggja vex örugg-
lega næstu árin. Viturlegt væri því að fara hægt af stað,
meðan verið er að kanna skynsamlegustu leiðirnar við
starfsfræðsluna.
Ef skólarnir taka að sér að veita staðgóða starfsfræðslu,
sem nú er unnið að, þá geta mjög fáir menn séð um að
veita einstaklingum upplýsingar um menntunarleiðir og
starfsval. Hins vegar þarf að vinna markvisst að söfnun upp-
lýsinga um starfsmenntun og atvinnulíf þjóðarinnar og
gefa út fræðirit í aðgengilegu formi fyrir þá, sem á þessum
upplýsingum þurfa að halda.
Sálfræðideild skóla gæti e. t. v. tekið að sér fyrst um sinn
vinnusálfræðilegar rannsóknir með því að bæta við einum
manni, sem sérþekkingu hefði í vinnusálfræði og kunnug-
ur væri rekstri vinnusálfræðistofnana. Ef ætla má, að hér
Se eigi meiri þörf fyrir vinnusálfræðirannsóknir en í Dan-