Menntamál - 01.12.1964, Side 7

MENNTAMÁL
H!)
Tilraunir hófust árið 1957. Dr. Davis fékk hóp 12 ára
barna til meðferðar. Hann fór mjög liægt og skipulega yfir
námsefnið, og gekk það svo vel, að hann ákvað að reyna
yngri aldursflokka.
Hann hóf vinnu með 8 ára gömlum börnum og vann
með þeim í nokkrar vikur. í byrjun virtist námsefnið vera
mjög þungt, og Dr. Davis var rétt að gefa upp alla von um
árangur. En smátt og smátt leystist vandinn, börnin fóru
að skilja viðfangsefnið, áhuginn vaknaði, og þeim fór að
ganga betur. Að lokum náðu þau svo góðum árangri, að
kennarinn ákvað að reyna ýmsar nýjungar með 7 ára görnl-
um börnum. Einnig þar varð árangurinn frábær. Að nám-
skeiðinu loknu er talið, að nemendur geti byrjað á fyrsta
bókstafareikningsnámskeiði The School Mathematics Study
Group eða öðru hliðstæðu námsefni.
Tilraunir við Stanford liáskóla
Árin 1957 og 1958 gerðu prófessorarnir Patrick Suppes
og Newton Hawley tilraun til að kenna 6 ára gömlum börn-
um um flatarmál. Dætur þeirra voru meðal þeirra nem-
enda, sem tóku þátt í tilraununum.
Þeir færðu sönnur á, að 6 ára gömul börn geta lært grund-
vallaratriði flatarmáls og haf’a gaman af náminu. Þessi til-
raun til að kenna flatarmál miklu yngri börnum en venja
var í amerískum skólum gaf ástæðu til að athuga nánar,
lvvort flatarmál skyldi tekið inn í námsskrá fyrr en áður
hafði verið gert.
Carnegie félagið í New York veitti styrk til útgáfu
kennslubókar í flatarmálsfræði. Bókin er ætluð yngri deild-
um barnaskólanna, og fylgja henni leiðbeiningar fyrir
kennarann. — Vísindasjóður Bandaríkjanna veitir nú styrk
ti I áframhaldandi rannsókna.
Tilraunir við Stanford háskólann miða að því að breyta
námsefni og námsskrá í stærðfræði fyrir börn á aldrinum
6—12 ára. Próf. Suppes notar samstæður (set) til að skil-