Menntamál - 01.12.1964, Page 70
212
MENNTAMÁL
sól, sem nú er á lofti, renna svo til viðar, að ég hafi ekki
fyrr verið búinn að festa á blað sönnun þess, að ég hafi
með gleði tekið á móti bréfi yðar. Og þegar þér hafið feng-
ið í hendur bréf þetta með embættisstimpli mínum undir,
getið þér með fullri vissu sagt löndum yðar þá fregn, sem
ég vænti að gleðji alla, að Kína-land er til. Og það er ekki
einungis, að mitt ævaforna land sé til, heldur hefur það
stækkað til muna á seinustu tímum.
Þá vil ég láta yður vita það, að þótt land yðar, ísland, sé
fjarlægt landi mínu, og liggi við heimskautsbaug norður í
því mikla úthafi, Atlantshafi, þá höfum vér Kínabúar haft
fregnir af þjóð yðar. Og vér höfum með vaxandi athygli
gefið því gaum, að þjóð yðar muni hafa byggt upp menn-
ingarkerfi, sem vér hér í Kína-landi gætum lært af. Vér
höfum t. d. fregnað, að allir skólar í landi yðar séu ríkis-
skólar, og vér höfum einnig heyrt, að þér hafið ríkisútgáfu
námsbóka. í uppbyggingu vorri myndum vér vafalaust geta
lært af þjóð yðar, þar eð vér stelnum að sama marki í þess-
um efnum. Það væri mér þess vegna mikið gleðiefni, ef þér
vilduð góðfúslega eyða stund til þess að setja saman frásögn
af ríkisútgáfu námsbóka og senda mér. — Ég er einnig sann-
færður um, að nágrannar vorir í Tíbet hefðu gagn af að fá
slíkar upplýsingar, þar eð þeir byggja nú flest á nýjum
grunni í þessum efnum. í von um, að þér við þóknanlegt
tækifæri vilduð kynna þessum nágrönnum vorum fræðslumál
þjóðar yðar, þá leyfi ég mér að rita liér nafn og dvalarstað
þess manns í Tíbet, sem með uppbyggingu menntunar hef-
ur ráð. Áritun til hans er:
Matso Halama, Viu Lau höllinni, herbergi 399,
Lasha, Tipet.
Friður sé með öllum þjóðum.
(Undirskrift).