Morgunn - 01.06.1948, Blaðsíða 48
38
MORGUNN
var einn þeirra mörgu, sem rannsakaði miðilshæfileika
Kate Fox-Jencken og gaf út ákveðna yfirlýsingu um, að
fyrirbrigðin væru vafalaus og að engin svik gætu komið
þar til greina.
Eftir tíu ára hjónaband missti Kate mann sinn frá tveim
ungum sonum þeirra hjóna, en þá fór gæfu hennar að
hnigna. Á eins árs giftingarafmæli þeirra hjóna, höfðu
höggin stafað þessa aðvörun, sem til hennar var beint:
„Þegar skuggarnir falla yfir þig, þá mundu að hugsa um
björtu hliðina á tilverunniC(. Það er sennilegt, að henni
hafi oft síðar á æfinni orðið hugsað til þessa atviks, sem
kom henni á óvart meðan gæfusólin brosti við henni, hjóna-
bandshamingjan með góðum og mikils metnum manni, og
aðdáun fjöldans umvafði hana.
Upphaf þeirrar harmsögu var það, að árið 1876 hafði
Margaret Fox-Kane, systir hennar, komið til London og
tekið til starfa með henni, en eftir að hún var orðin ekkja
kom nokkurt ljós á líf hennar um skeið. Eldri systir þeirra,
Leah Underhill hafði orðið þess vör, að systur hennar tóku
nú að hneygjast til áfengisnotkunar, meira en góðu hófi
gegndi, og með öðrum spíritistum skarst hún í leikinn og
vildi láta taka drengina frá Kate, vegna óreglu hennar. Af
þessu kviknaði hið megnasta hatur hjá þeim systrum, Kate
og Margaret, til Leah og annarra þeirra, sem í málið skár-
ust. Ýmsir aðrir erfiðleikar steðjuðu að henni og hún
virðist naumast hafa verið með réttu ráði á þessu tíma-
bili. Sú hugsun altók hana, að hefna sín sem grimmilegast
á Leah, systur sinni, og hinum spíritistunum. Hún lýsti
því yfir síðar, að auk þess, sem sér hefði gengið til löng-
unin eftir að ná sér niðri á andstæðingunum, hefði sér
einnig verið boðið fé af mótstöðumönnum spíritismans
til þess að gera það, sem hún gerði nú. Margaret varð
sú, sem framkvæmdina hafði að hinum hörmulega verkn-
aði, en allt frá þeim tíma, er hún varð ekkja og gerðist
kaþólsk, hafði hún að nokkuru verið á valdi rómversk-
kaþólskra fjandmanna spíritismans. 1 októbermánuði 1888