Morgunn - 01.06.1948, Blaðsíða 150

140
MÖRGUNN
samleg, og þeir, sem kenna öðrum sálum, læra mikið af
því sjálfir. Bókmenntahneigðir menn verða ræðuskörung-
ar hér og tala og kenna af fljúgandi mælsku. Við höfum
bækur, en þær eru öðruvísi en hjá ykkur. Sá, sem lagt
hefir stund á lögfræði á jörðunni, fer stundum inn í skól-
ana hér til að kenna réttvísi. Þegar sá, sem var hermaður
á jörðunni, hefir numið hér vísdóm sannleikans og heiðar-
leikans, getur hann leiðbeint og hjálpað sálum á öðrum
tilverusviðum til þess að berjast fyrir hinni réttu trú á
Guð.“
1 tilraunahringnum heima hjá mér svaraði framliðin vin-
kona okkar spurningum um líf sitt fyrir handan. Við spurð-
um um starf hennar, og hún svaraði:
„Hljómlist, börn, að elska, að sýna móðurþel og margt
annað. Þetta er allt svo miklu dásamlegra en á ykkar gráu
jörð. Og svo eru ekki þessir eilífu árekstrar milli manna
hér eins og hjá ykkur. Það er þetta, sem gerir lífið hér
svo hamingjuríkt og fullkomið."
Ég spurði: „Segðu mér frá heimkynni þínu.“
„Það er yndislegt. Aldrei sá ég hús á jörðunni, sem þolir
samanburð við það. Eða þá blómamergðin! Það er eins
og ljómandi endalaust litskrúð, og svo hafa blómin svo
dásamlegan ilm. Sérhvert blóm hefir sinn eigin ilm, og
þegar allar tegundimar blandast saman, verður ilmurinn
unaðslegur."
Ég spurði: „Getur þú séð önnur hús?“
„Nei, það mundi trufla friðinn og samræmið. Stundum
langar mig til að sjá eitthvað af náttúrunni. En sérhvert
heimili er eins og friðsæll, unaðslegur gróðrarlundur. 1
fjarska er dásamlegt land, þar eru önnur heimili, full af
elskulegu og björtu fólki, sem er þrungið fögnuði af þeirri
meðvitund einni, að eiga heima á svona yndislegum stað-
Þetta er fagurt. Enginn jarðneskur hugur getur gripið
ljósið og töfrana, sem hér hvíla yfir öllu. Litirnir eru fá'
gætir og allt fyrirkomulag heimilislífsins svo miklu unaðs-
legra en þið þekkið.“