Morgunn - 01.06.1948, Blaðsíða 110
100
M O R G U N N
unum. Frá þeim tíma og fram til þessa dags hafa verið uppi
um 30 viðurkenndir Ijósmyndamiðlar, og er þegar búið að
taka ógrynni af þesskonar myndum.
Almennt munu menn hafa trúað því í byrjun, að hér
væri um einber svik að ræða, blekkingar til þess að hafa fé
út úr mönnum. Var t. d. höfðað mál gegn Mumler, Ijós-
myndmiðli, en eftir miklar vitnaleiðslur og ýtarlega máls-
rannsókn var hann sýknaður algerlega. En þetta fyrirbrigði
var svo óvænt og furðulegt að ekki er að undra, þótt menn
tækju því með mestu tortryggni. Nú er svo komið, að menn
hafa ekki afsökun lengur, svo rækilega er búið að sanna, að
þessar myndir fást án þess nokkrum blekkingum sé unnt
að beita.
1 greinargerð sinni, er áður getur, segir dr. Einar Arn-
órsson:
„Það hefir oft borið við og ber svo að segja daglega, að
til myndamiðla koma menn án þess að gera boð á undan
sér og án þess miðillinn hafi hugmynd um það, hverjir
þeir voru, fyr en eftir að myndin er tekin. Samt sem áður
hafa margir slíkir menn fengið myndir af látnum mönnum*
þar sem ekki hefir verið um að villast."
Hvern viðbúnað er unnt að hafa til að tryggja sig gegu
því, að um blekking af hendi miðilsins geti verið að ræða?
Til miðilsins kemur maður, sem ekki hefir gert boð a
undan sér, nema þá með dulnefni. Hann kaupir mynda-
plötur sínar sjálfur og lætur þær sjálfur í vélina og missir
ekki af henni sjónar meðan ljósmyndarinn tekur myndina-
Síðan tekur hann plötuna, fer með hana inn í myrkra-
herbergið og framkallar hana þar. Með þessu er fyrir Það
girt, að ljósmyndamiðillinn hafi getað beitt nokkurri blekk-
ing, en samt koma fram ýmsar „aukamyndir" á plötunnk
sumar þeirra bera sterkan svip látinna vina hans eða eett'
ingja, en aðrar þekkir hann ekki.
Menn hafa skýrt þetta fyrirbrigði á þann veg, að mynd'
irnar, sem fram koma á plötunni, séu myndir af hugsunum
mannsins, sem myndin er tekin af, Hann sé að hugsa uiú
J