Morgunn - 01.06.1948, Blaðsíða 88

78
MORGUNN
Fyrsta verk félagsins var, að rannsaka fjarhrifin eða
hugsanaflutninginn, en það mál hafði Sir William Barrett,
þá prófessor, fengið á dagskrá Brezka Konunglega Vísinda-
félagsins sex árum áður. Þetta mál lét félagið rannsaka af
mikilli alúð og mikilli nákvæmni um margra ára skeið,
unz því var lýst yfir, að staðreynd fjarhrifanna eða hugs-
anaflutningsins (telepathie) væri sönnuð, og um það voru
þessir menn og spíritistarnir á sama máli. En þegar sumir
sálarrannsóknamennirnir tóku að skýra öll hin hugrænu
miðlafyrirbrigði sem hugsanaflutning frá jarðneskum
mönnum til miðilsins, skildust leiðir við spíritistana,. Spírit-
istarnir höfðu miklu meiri reynslu af miðlunum og þeir
þreyttust ekki á að benda á, að mörg hinna hugrænu fyrir-
brigða væri ógerlegt með öllu að skýra sem hugsanaflutn-
ing. Þeir bentu á, að þegar framliðnir menn væru að sanna
sig í miðlasambandi með endurminningum sínum frá jarð-
lífinú, væri engan veginn um það eitt að ræða, að þeir
minntu á hluti, sem jarðneskum fundarmönnum væri
kunnugt um, heldur kæmi hitt þráfaldlega fyrir, að af
vörum miðlanna væri mönnum sagðir hlutir, sem sannan-
legt væri, að þeir hefðu enga hugmynd haft um en reynd-
ust við síðari eftirgrennslan að vera réttir. Ekki gæti þá
verið um það að ræða, að undirvitund miðilsins læsi þetta
úr huga fundargestsins. En efasemdir sálarrannsókna-
mannanna leiddu þá til annarrar skýringartilgátu á þess-
um fyrirbrigðum. Þeir fóru að halda því fram, að öll atvik,
sem gerðust á jörðunni, væru einhversstaðar til í tilverunni,
þau eins og söfnuðust saman í einhvern allsherjar ópersónú-
legan endurminningasjóð. Þegar miðillinn væri kominn í
trans, næði undirvitund hans sambandi við þennan minn-
ingasjóð tilverunnar og drægi þaðan vitneskjuna, sem fraru
kæmi af vörum miðilsins. Þess vegna sannaði það út af fyrir
sig ekkert um tilveru framliðinna manna, þótt rödd, sern
tjáði sig vera framliðinn mann, gæti talað af vörum miðils
og komið fram með frásagnir af atburðum úr jarðlífi þessa
látna manns.