Morgunn - 01.06.1948, Blaðsíða 114
104
MORGUNN
MIÐLAR Á SÍÐUSTU TÍMUM.
Hér hefir verið getið nokkurra frægustu miðlanna fyrr á
árum sálarrannsóknanna, en margir ágætir miðlar hafa
verið með samtíð vorri og eru starfandi nú, en frá þeim má
segja i skemmra máli, vegna þess, að með hinum miklu
miðlum byrjunaráranna komu fram flest, eða öll þau miðla-
fyrirbrigði, sem kunn eru nú. Og raunar vom sum þeirra,
líkamlegu fyrirbrigðin, furðulegri og sterkari en um er að
ræða hjá nokkrum nútímamiðli. Þetta er ein af ráðgátun-
um, en staðreyndin er sú, að sterkari líkamleg fyrirbæri
eru vottfest hjá miðlum 19. aldarinnar en síðan hefir orðið.
Aftur á móti eru sannanamiðlarnir nú á tímum eins sterkir
eða sterkari en áður hefir þekkzt, og það eru vitanlega þeir,
sem mest ryðja spíritismanum til rúms.
Nokkurra hinna helztu nútímamiðla skal nú til fróð-
leiks fyrir lesendur þessarar ritgerðar getið.
Sennilega er frú Osborn Leonard frægasti miðillinn, sem
nú er uppi. Með henni vann Sir Oliver Lodge lengi að rann-
sóknum, og frá henni fékk hánn nokkuð af merkilegasta
efninu í hina frægu bók sína, Raymond. Hún er nú orðin
lcona nokkuð við aldur og er mikill ljómi um nafn hennar
meðal spíritista, enda hafa sönnunargögnin, sem komið
hafa hjá henni í transi, sannfært geysifjölda manna um
allan heim um framhaldslífið. Sir A. Conan Doyle var oft
í náinni samvinnu við hana með tilraunir sínar. Hún hefir
ritað þrjár bækur, þá síðustu nú í stríðslokin. Hún er mennt-
uð kona og í hinu mesta áliti. Snemma árs 1914 fór anda-
stjórnandi frú Leonard að ýta undir hana með að fara að
starfa opinberlega sem miðill. Hann sagði henni að mikil
og hörmuleg tíðindi væru í vændum, og að mikil þörf mundi
þá verða fyrir hæfileika hennar. Nokkurum mánuðum síðar
brauzt heimsstyrjöldin út, og hún fékk þá geysimikið verk-
efni sem miðill. 1 hinum ágætu bókum sínum segir sálar-
rannsóknamaðurinn og presturinn Drayton Thomas margt
frá samstarfi sínu og frúarinnar. Hann náði merkilegu