Morgunn - 01.06.1948, Blaðsíða 102

ð2
MÖRGUNN
mikið og þreytandi starf, hóf Geley rannsóknir á pólska
miðlinum Franek Kluski, og þar var m. a. próf. Richet
með honum. Merkilegasti árangurinn þar voru vaxmótin,
sem þeir fengu af höndum líkamninganna. Þeir höfðu fljót-
andi, heitt vax í skálum í rannsóknaherberginu. Líkömuðu
verurnar difu höndum sínum í vaxið, biðu þess svo að vaxið
storknaði, en aflíkömuðu síðan hendurnar og vaxmótin
urðu eftir, en allan tímann hafði höndum miðilsins verið
haldið. Einnig náðust slík vaxmót af fótum líkamninga og
öðrum líkamshlutum.
Það er satt, að oft sanna þessi líkamningafyrirbrigði
alls ekki tilveru framliðinna manna, og þessar holdguðu,
dularfullu verur standa oft í mjög nánu sambandi við mið-
ilinn. T. d. er það algengt á byrjunarstigum þessara fyrir-
bæra, að ekki koma fram aðrar verur en svipir fólks, sem
miðillinn hefir þekkt. Þá getur maður hugsað sér, að hér
sé ekki um annað að ræða en hugsanagerfi miðilsins. En
þegar fyrirbrigðin verða fullkomnari, ganga um verur, sem
likjast náið framliðnum mönnum, sem miðillinn gat aldrei
hafa séð eða haft vitneskju um, og þær sýna með látbragði
sínu og orðum gerólíkan persónuleika þeim, sem miðillinn
býr yfir. Próf. Richet rannsakaði víst aldrei önnur fyrir-
bæri en líkamleg og hann átti mjög erfitt að fallast á skýr-
ingu spíritistanna, að hér væri um framliðna menn að ræða.
Hugrænu fyrirbrigðin, endurminningasannanirnar, for-
spámar, hafa sannfært rannsóknamennina miklu fremur
um návist látinna manna.
Þá er að nefna cLr. W. J. Crawford, kennara við verk-
fræðideild háskólans í Belfast, sem gerði hinar merkustu
rannsóknir á ectoplasmanu. Þær rannsóknir rak hann á
árunum 1914-20 með samverkamönnum sínum. Miðill þeirra
var ungfrú Goligher, stúlka úr einni tignustu og kunnustu
fjölskyldu Belfastborgar. Hún vann auðvitað án endurgjalds
og henni gekk ekki annað til en að fá rannsökuð þau furðu-
legu fyrirbæri, sem hjá henni gerðust. En samt var hrúgað
yfir hana lúalegustu getsökum og svikabrigslum, en húu