Morgunblaðið - 18.12.1985, Blaðsíða 39

MORGUNBLAÐIÐ, MIÐVIKUDAGUR18. DESEMBER1985
39
Græningi sest í ráðherrastól f Hessen:
„Með leyfí, herra
forseti, þér
eruð erkifíflu
FYRSTI ráðherra flokks Græningja
(die Giiinen), Joseph Fischer, hefur
svarið embættiseið. Fischer var
klæddur íþróttajakka, bláum galla-
buxum og strigaskóm þegar hann
tók við embætti umhverfis- og iðn-
aðarráðherra í vestur-þýska sam-
bandsríkinu Hessen.
Flokkur sósíaldemókrata (SPD)
ákvað í síðasta mánuði að mynda
samsteypustjórn í Hessen ásamt
Græningjum til að ná meirihluta
á þinginu og binda enda á ástand,
sem staðið hefur löggjöf í sam-
bandsríkinu fyrir þrifum.
Stjórnarsáttmálinn var for-
dæmdur um gervallt Þýskaland,
bæði af hægri og miðflokkum og
því haldið fram að Græningjar
myndu aðeins valda glundroða í
ríkisstjórn og fæla fjársterka að-
ilja frá fjárfestingum.
Meira að segja þingflokkur
Græningja á sambandsþinginu í
Bonn gagnrýndi samsteypustjórn-
ina á þeim forsendum að flokks-
félagar yrðu nú neyddir til mála-
miðlunar um þá málaflokka, sem
Græningjum eru kærastir, og
nægir þar að nefna róttæka um-
hverfisverndarstefnu þeirra.
Holger Börner, forsætisráð-
herra í Hessen, stjórnaði eiðtök-
unni í Wiesbaden og andstætt
Fischer var hann formlega klædd-
ur.
Græningjar þeir, sem gegna
þingstörfum vítt og breitt um
Þýskaland, hafa það að meginreglu
að vera óformlega klæddir til þess
að undirstrika „óhefðbundna" (alt-
ernative) stefnuskrá sína. Græn-
ingjar eru m.a. á móti kjarnorku-
verum og vilja að Þjóðverjar gangi
úr Atlantshafsbandalaginu.
Eftir að Fischer hafði tekið við
embætti sagði hann að ugglaust
ætti eftir að ganga á ýmsu í stjórn-
arsamstarfinu og enn ætti eftir
að jafna ágreining um kjarnorku-
verið í Hanau og tillögur um
geymslustöð fyrir kjarnorkuúr-
gang í Mainhausen.
„En ég held að sameiginlega
getum við unnið gagn í umhverfis-
verndarmálum,“ sagði Fischer og
bætti við: „Á heildina litið er ég
bjartsýnn."
Hinn orðhvassi Fischer var aft-
ur á móti spar á fullyrðingarnar
þegar hann frétti fyrir tveimur
vikum að flokkurinn hefði ákveðið
að hýrudraga sig um 12.000 mörk
(um 200.000 ísl.kr.) af mánaðar-
launum sínum í embætti ráðherra.
Mánaðarlaun ráðherra eru 14.000
mörk (um 240.000 þúsund ísl.kr.).
Þetta fannst flokksfélögum full-
mikið og á landsþingi Græningja
var ákveðið að mánaðarlaun ráð-
herra Græningja mættu ekki vera
hærri en mánaðarlaun iðnaðar-
manns: 1.920 mörk (um 30.000
ísl.kr.). Peningarnir eiga að renna
til starfsemi flokksins í þágu
umhverfisverndarmála.
Fortíð Fischers á ekki lítinn þátt
í því að gagnrýnt hefur verið að
hann taki við embætti umhverfis-
og iðnaðarráðherra.
„Joschka" Fischer var gagntek-
inn af mótmælaaðgerðum stúd-
enta gegn Víetnamstríðinu 1968
og hann segir að morðið á mót-
mælandanum Benno Ohnesorg og
banatilræðið við Rudi Dutschke
hafi vakið hann til lífsins. Fischer
fór til Frankfurt og stóð þar í
fremstu víglínu í óeirðum stúd-
enta. Hann segir að lögreglan hafi
oft tekið óþyrmilega á sér og
nokkrum sinnum sat Fischer í
fangelsi fyrir þátttöku í mót-
mælaaðgerðum. Þykir mörgum
ótækt að fyrrum tukthúslimur og
óeirðarseggur skuli nú fá að gegna
slíkri valdastöðu.
Fischer lauk aldrei prófi við
háskólann í Frankfurt, en hann
sótti fyrirlestra Adorno og Hab-
ermas, helstu fulltingismanna
„Frankfurtar skólans", samvisku-
samlega.
Hann var aðsópsmikill í hreyf-
ingunni gegn uppsetningu kjarn-
orkuflauga í Vestur-Þýskalandi og
barðist dyggilega fyrir ýmsum
kröfum vinstri manna. Fischer var
um tveggja ára skeið þingmaður
Græningja á sambandsþinginu í
Bonn, en þurfti að víkja fyrir ein-
um flokksfélaga sinna snemma á
þessu ári. Græningjar hafa nefni-
lega þann hátt á að þingmenn
þeirra sitja aðeins tvö ár á þingi
til þess að þeir verði ekki „sam-
dauna spillingu þingræðisins".
Fischer var fljótur að færa sig
upp á skaftið í Bonn og þótti slyng-
ur ræðumaður. Sumar athuga-
semdir hans vöktu mikla athygli:
„Á þingi er samansafn drykkju-
sjúklinga og oft leggur af þeim
brennivínsdauninn." Varaforseti
þingsins, Richard Stilcklen, ætlaði
eitt sinn að reka Fischer úr þingsal
fyrir óviðurkvæmileg orð um
Flick-málið. Þegar Fischer yfirgaf
Joschka Fischer fyrir utan sam-
bandsþingið í Bonn. Hann kveðst
aðeins raka sig einu sinni í viku, i
mánudögum, svo að líkast til er
kominn fóstudagur þegar þessi mynd
er tekin.
salinn sagði hann: „Með leyfi,
herra forseti, þér eruð erkifífl!"
Ráðsettir Þjóðverjar töldu að hér
hefði steininn tekið úr.
Flokkur Græningja er klofinn í
tvær fylkingar, „raunsæisarminn"
(die Realisten) annars vegar, og
„bókstafstrúararminn" (die
Fundamentalisten) hins vegar.
Fischer heyrir „raunsæisarmi"
Græningja til. Sá hluti flokksins
er reiðubúinn að ganga til sam-
starfs við aðra stjórnmálaflokka
til að ná fram markmiðum Græn-
ingja. „Bókstafstrúarmennirnir"
hafna samstarfi við aðra stjórn-
málaflokka og segja að Græningj-
ar í Hessen séu að selja sig SPD.
Börner lofaði Græningja í ræðu
á þinginu í Hessen fyrir að ákveða
að axla ábyrgðina af því að stjórna
og marka sér stefnu í verki: „Þessi
tímamót marka inngöngu þeirra í
hinn raunverulega heim þingræð-
isins.”
„Þetta sýnir bæði vilja hinnar
ungu mótmælakynslóðar til að
aðlaga sig þjóðfélaginu og aðlög-
unarhæfni lýðræðisríkis okkar,"
sagði Börner.
Heimildir DerSpiegelof AP.
KB tók saman.
Komiö og sjáiö úrvaliö okkar af barnapeysum,
dömupeysum og herrapeysum.
Opiö daglega frá 9—6, laugardaginn 21. des. 9—22,
Þorláksmessu 9—23.
> iy A. PRJÓNAST0FAN
Uðuntu.
> m PRJÓN AST0FAN
Uðuntu.