Morgunblaðið - 07.12.1991, Blaðsíða 41

40
MORGUNBLAÐIÐ LAUGARDAGUR 7. DESEMBER 1991
MORÖUNBllAÖIÐ LAUGARÐAGOR t.'ÖBSBMBER 1991
a :

Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Flaraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiösla:. Kringlan 1, sími 691122. Áskriftar-
gjald 1200 kr. á mánuði innanlands. í lausasölu 110 kr. eintakið.
Stjórnsýsla og
réttaröryggi
Inútíma lýðræðisríki er fátt ntik-
ilvægara en að öllum borgur-
um þess sé tryggt fullt réttarör-
yggi og á því má enginn vafí leika.
; I samskiptum borgarans og ríkis-
valdsins og handhafa þess verður
i að ríkja fullkomið jafnræði. Það
hefur löngum þótt brenna við, að
einstaklingurinn og hagsmunir
í hans verði að víkja fyrir Jiagsmun-
um ríkisvaldsins og vissulega get-
: ur það átt rétt á sér, þegar um
almannaheill er að ræða. En hug-
myndir um yfirburðastöðu ríkisins
í gagnvart almúganum eru löngu
úreltar, enda eiga þær rætur í
forréttindum konunga og einvalda
fyrri tíma. Alræði ríkisins náði
hámarki í löndum kommúnism-
ans, þar sem réttlaus borgarinn
var aðeins ómerkilegt hjól í ríkis-
vélinni.
1. júlí næstkomandi taka gildi
lög um aðskilnað framkvæmda-
valds og dómsvalds. Þau eiga að
tryggja, að sá aðili, sem rannsak-
ar mál, kveði ekki líka upp dóm
í því. Þessi breyting er fyrir löngu
tímabær. Ennþá er samt pottur
brotinn í þessum efnum, því með
lögum og reglugerðum hefur
stjórnvöldum verið fært vald, þar
sem réttur borgarans og jafnræði
við ríkisvaldið er fyrir borð borið.
Um þetta vitnar dómur Hæsta-
réttar í máli sjávarútvegsráðu-
neytisins og Jökuls hf. á Hellis-
sandi.
Sjávarútvegsráðuneytið úr-
skurðaði 1987 um upptöku á 120
tonnum af þorski hjá Jökli hf.
vegna meints misræmis á fram-
leiðslumagni og lönduðum afla hjá
fyrirtækinu árið 1986. Mikið
íjaðrafok varð út af máli þessu á
sínum tima, enda átti í hlut alþing-
ismaður, Skúli Alexandersson.
Hann mótmælti málsmeðferðinni
og úrskurði ráðuneytisins og höfð-
aði að lokum mál fyrir bæjarþingi
Reykjavíkur, sem staðfesti úr-
skurðinn. Málinu var þá skotið til
Hæstaréttar og dómur var kveð-
inn upp 5. nóvember sl., meira en
fjórum árum eftir málatilbúnað
sjávarútvegsráðuneytisins. Hæsti-
réttur hratt úrskurðinum og dómi
héraðsdóms. í dómi Hæstaréttar
segir m.a.:
„Sérstök þörf er á rökstuðningi
stjórnsýsluákvarðana, þegar þær
eru íþyngjandi og fela í sér refsi-
kennd viðurlög. Eins og hér stend-
j ur á, þar sem ráðuneytinu er falið
bæði rannsóknarvald og úrskurð-
arvald og um mikla hagsmuni er
að ræða, er sérstök nauðsyn á
vandaðri málsmeðferð, bæði um
undirbúning og gagnaöflun, svo
og úrskurðinn sjálfan. Samkvæmt
framansögðu fullnægir úrskurður
sjávarútvegsráðuneytisins 7. ág-
úst 1987 ekki þeim kröfum, sem
gera verður til rökstuddra- úr-
skurða í slíkum málum. Ber því
að fella hann úr gildi svo og hinn
áfrýjaða dóm.”
I Hæstaréttardómnum segir,
að málsmeðferð ráðuneytisins hafi
verið um margt áfátt, m.a. að
þrátt fyrir lagaákvæði hafi það
ekki gefið seljendum aflans kost
á að gera grein fyrir máli sínu
áður en úrskurður hafi verið kveð-
inn upp.
Sjávarútvegsráðuneytið bar
málsaðila mjög alvariegum sök-
um, rannsakaði málið og kvað ein-
hliða upp úrskurð án þess að
gæta réttar sakbominga. Slíkri
valdbeitingu er að sjálfsögðu ekki
hægt að una og hún hefur valdið
málsaðilum þungum búsifjum.
Skúli Alexandersson sagði eftir
uppkvaðningu dóms Hæstaréttar,
að málið hafi haft mjög neikvæð
áhrif á sig, fjölskyldu sína og
starfsfólk, sem hafi orðið fyrir
aðkasti, svo og starfsemi fyrir-
tækisins. Hann kvað málatilbún-
aðinn hafa að vissu leyti orðið til
þess, að hann dró sig í hlé sem
þingmaður. Þetta er vafalaust
rétt, því það hlýtur að vera þung-
bært að liggja undir alvarlegri
ákæru og hljóta ekki sýknu fyrr
en á fimmta ári. Deilur Skúla og
þáverandi sjávarútvegsráðherra,
Halldórs Ásgrímssonar, vegna
málsins hafa vafalaust verið slít-
andi. En það má jafnframt velta
því fyrir sér, hvort þingmaðurinn
hafí ekki notið þekkingar sinnar
á stjórnkerfinu í baráttunni við
það og hvort almennur borgari
hefði ekki einfaldlega gefist upp
fyrir úrskurði ráðuneytisins og því
ekki leitað réttar síns fyrir dóm-
stólum. Þá kröfu verður að gera,
að löggjafinn ráði hér bót á hið
fyrsta. Vonir standa til að svo
verði gert, því Þorsteinn Pálsson,
núverandi sjávarútvegsráðherra,
sem jafnframt er dómsmálaráð-
herra, sagði eftir dóm Hæstarétt-
ar, að þörf væri á að breyta stjórn-
sýslunni í sjávarútveginum, auka
réttaröryggið þannig að unnt
væri að skjóta úrskurði lægra
stjórnsýslustigs til æðra stigs.
Ráðherrann kvaðst vinna að þessu
máli, því nauðsynlegt væri að
koma skipulagsbreytingum á sem
fyrst.
í byijun þessarar viku ritaði
Gunnar Jóhann Birgisson lögmað-
ur grein hér í blaðið, þar sem
hann segir, að dómur Hæstaréttar
sé áfellisdómur yfir íslenskri
stjórnsýslu og segir, að vinnu-
brögð ráðuneytisins séu ekkert
einsdæmi innan stjórnsýslunnar.
Lögmaðurinn skorar á stjórnmála-
menn að lögfesta skýrar og ljósar
stjórnsýslureglur. Tilgangur
þeirra eigi að vera að gera réttar-
stöðu borgaranna tryggari gagn-
vart stjórnvöldum, bæta málsmeð-
ferð og skilvirkni.
Af dómi Hæstaréttar í málinu
gegn Jökli hf. má ráða, að full
þörf er á endurbótum til að
tryggja rétt borgarans gagnvart
ríkisvaldinu og koma í veg fyrir
misbeitingu þess, annaðhvorí, fyrir
handvömm eða ásetning. Ákæra
er ekki dómur og enginn er sekur
fyrr en sekt er sönnuð.
Frumvarp um efnahagsaðgerðir
Útgjöld ríkisins eiga að
lækka um 1,9 milljarða
Frekari lagabreytingar eiga að spara 2 milljarða í viðbót
ÚTGJÖLD ríkissjóðs verða 1,9 milljörðum minni en fjárlagafrum-
varp næsta árs gerir ráð fyrir, verði frumvarp ríkisstjórnarinnar
um efnahagsaðgerðir að lögum á Alþingi. Þá er talið að frekari
lagabreytingar, sem ráðgerðar eru, geri ríkinu kleift að spara tæpa
2 milljarða króna til viðbótar á næsta ári til að ná því markmiði
fjárlagafrumvarpsins að halli á rekstri ríkissjóðs verði innan við 4
milljarða króna á næsta ári.
Davíð Oddsson forsætisráðherra
mælti fyrir frumvarpi um efnahags-
aðgerðir á Alþingi í gær og eru
helstu atriði frumvarpsins eftirfar-
andi:
► Frestað verður tilteknum út-
gjaldaþáttum sem nýja grunnskóla-
frumvarpið gerir ráð fyrir. Þar á
meðal er frestað að lengja kennslu-
tímann, fækka nemendum í bekkj-
um, að ráða námsráðgjafa og ein-
setja skóla.
► Jarðræktarlögum er breytt til
að taka af allan vafa um að þau
fjárframlög, sem ákveðin eru á fjár-
lögum hveiju sinni, takmarki
greiðsluskyldu ríkissjóðs til bænda
vegna framsræslu og túnræktar.
TIL athugunar er, að afhenda
Landsbanka íslands kröfur at-
vinnutrygingardeildar Byggða-
stofnunar að verulegum hluta til
eignar.
Davíð Oddsson forsætisráðherra
sagði á Alþingi í gær, að slík rástöf-
un muni breyta eiginijárstöðu
Landsbankans strax, og jafnframt
greiðslustöðu hans þegar fram í
sæki.
► Innheimt verður 80,7 milljónir
króna veiðieftirlitsgjald, sem veiði-
leyfishafar greiða, í stað 40,4 millj-
óna sem núgildandi lög gera ráð
fyrir, og mun gjaldið þá standa
undir öllum kostnaði af rekstri
Veiðieftirlits sj ávarútvegsráðuneyt-
isins.
► Verulega verður dregið úr aug-
lýsingakostnaði vegna alþingis-
kosninga.
► Stofnaður verður sérstakur
ábyrgðarsjóður vegna gjaldþrota til
að standa undir ábyrgð af vinnu-
launakröfum sem launþegi á hjá
vinnuveitenda við gjaldþrot. Allir
vinnuveitendur eiga að greiða í sjóð-
inn, þar á meðal ríki og sveitarfé-
Forsætisráðherra sagði þetta
þegar hann ræddi um þær aðgerð-
ir, sem stjórnvöld yrðu að grípa til
vegna fyrirsjáanlegs aflasamdrátt-
ar og erfiðleika í sjávarútvegi.
Hann sagði, að annars vegar yrðu
aðgerðirnar að miðast við að jafna
afkomumöguleika í veiðum og
vinnslu, m.a. með eflingu fiskmark-
aða og aðgerðum til að bæta sam-
keppnisstöðu fiskvinnslu í landi
miðað við útflutning á óunnum fiski
lög. Verði gjaldstofninn fullnýttur
á næsta ári mun ríkið greiða 73
milljónir í sjóðinn, sveitarfélög 23
milljónir og aðrir atvinnurekendur
278 milljónir.
Jafnframt er gert ráð fyrir að
réttindi launþega við gjaldþrot verði
þrengd, meðal annars með því að
fella niður ábyrgð á kröfum lífeyris-
sjóða, miða við almenna vexti í stað
dráttarvaxta, þak verði sett á
greiðslur til lögmanna og heildar-
greiðslur til hvers launþega.
► Heimilt verður að veija allt að
þriðjungi af ráðstöfunarfé Fram-
kvæmdasjóðs fatlaðra til meiri hátt-
ar viðhalds á byggingum stofnana
og heimila fatlaðra.
► Gert er ráð fyrir nokkrum breyt-
ingum á lögum um Húsnæðismála-
stjórn. Sveitarfélög þurfa að leggja
fram óafturkræft framlag, sem
nemi 3,5% af kostnaðarverði hverr-
ar félagslegrar íbúðar. Þá er lagt
til að almennum lánveitingum úr
Byggingarsjóði ríkisins til einstakl-
og fiskvinnslu á hafi úti. Og hins
vegar yrðu allar aðgerðir stjórn-
valda til skafnms tíma, svo sem
hugsanlegar lánalengingar og
frestun á afborgunum lána, að taka
mið af því að þær torveldi ekki
óhjákvæmilega hagræðingu í sjáv-
arútvegi þar sem atvinnugreinin
lagi sig að afkastagetu fiskimið-
anna með því að fækka fiskiskipum
og vinnslustöðvum.
inga verði hætt um næstu áramót,
nema til þeirra sem þegar hafa
fengið lánsloforð. Þeir sem hafa
fengið svör almenns eðlis um láns-
rétt fá ekki lán.
► Nokkrar breytingar verða á lög-
um um almannatryggingjar. Hætt
verður að greiða fyrir tannréttingar
nema í sérstökum undartekningar-
tilfellum. Þá er gert ráð fyrir að
sjúkratryggingar greiði framvegis
90% af kostnaði við tannlækningar
barna og unglinga 15 ára og yngri.
Nú er allur kostnaður greiddur
vegna barna 6-15 ára en 75% af
kostnaði vegna barna 5 ára og
yngi'i. Þá felur frumvarpið í sér að
á svæðum þar sem skólatannlækn-
ingar eru skipulagðar, einkum í
Reykjavík, taki sjúkratiyggingar
ekki þátt í almennum tannlækning-
um barna á aldrinum 6-15 ára utan
skólatannlækninganna.
Gert er ráð fyrir að daggjalda-
nefnd verði lögð niður og daggjalda-
ákvöi'ðun fyrir sjúkrahús verði færð
í hendur ráðherra. Þá er gert ráð
fyrir að sjúkratryggingardeild
Tryggingarstofnunar fái almenna
heimild til að leita útboða um þá
þjónustu ssem henni ber að veita,
samkvæmt almannatryggingalög-
unum. Sem dæmi um þjónustu eru
nefnd utanspítalarannsóknir og
tannlækningar, og einnig komi til
greina að bjóða út rekstrarvörur
og lyf.
► Lögum um fasteignamat verður
breytt til að treysta í sessi heimild
til gjaldtöku fyrii' þjónustu. Á Fast-
eignamat ríkisins að fjármagna 80%
af rekstri sínum með slíkum gjöld-
um í stað 55% nú.
► Dregið verður úr kostnaði rík-
isins vegna refa og minnkaveiða
og afmarkað hver sá kostnaður
verður og hlutur ríkisins verði
greiddur sveitarfélögunum sama ár
og veiðarnar eiga sér stað.
Atvinnutryggingardeild:
Rætt um að gefa Landsbanka kröfur

Davíð Oddsson forsætisráðherra mælir fyrir frumvarpi um efnahagsaðgerðir á Alþingi í gær.
Morgunblaðid/Ámi Sæberg
Davíð Oddsson forsætisráðherra:
Raunvextir gætu lækk-
að í upphafi næsta árs
Skilyrði er stöðugt verðlag og lægri verðbólga en í nágrannalöndunum
DAVÍÐ Oddsson forsætisráðherra segir að raunvextir ríkisskuldabréfa
geti lækkað i upphafi næsta árs þar sem Ijóst sé að ríkissjórninni
muni takast að draga verulega úr lánsfjárþörf hins opinbera og lækka
ríkisútgjöld. Hins vegar nái vaxtalækkunin því aðeins fram að ganga
að h'óst sé að verðlag verði stöðugt og verðbólga lægri en í nálægum
löndum.
Forsætisráðherra sagði á Alþingi
í gær, þegar hann mælfi fyrir frum-
varpi um efnahagsaðgerðir, að
leggja yrði höfuðáherslu á að draga
enn úr verðbólgu þannig að hún
verði til frambúðar minni en í helstu
viðskiptalöndunum, en lág verðbólga
væri veigamesta forsendan til að
skapa smám saman forsendur fyrir
vexti í sem flestum atvinnugreinum.
Þá yrði að draga úr viðskiptahalla
sem áætlaður er að verði rúmir 18
milljarðar, eða um 4,9% af lands-
framleiðslu, á næsta ári með því að
minnka þjóðarútgjöld, einkum
neysluútgjöldum í skeijum, en hag-
vöxtur á þessu ári stafar einöngu
af mikilli aukningu einkaneyslu.
Davíð sagði að öflugasta tækið til
að viðhalda sem minnstri verðbólgu
væri stöðugt gengi og stöðugleiki í
gengismálum yrði áfram einn af
hornsteinum í efnahagsstefnu ríkis-
stjórnarinnar. Með stöðugleika í
gengismálum væri jafnframt skap-
aðar forsendur fyrir því að launþeg-
ar og atvinnurekendur geti gert kja-
rasamninga sem treysti stöðugleika
í þjóðarbúskapnum.
Síðar í ræðu sinni sagði Davíð,
að á næsta ári ætti hrein lánsfjár-
þörf ríkissjóðs að geta minnkað úr
13,5 milljörðum í ár niður í 4 millj-
arða, sem væri mikilvæg forsenda
þess að raunvextir geti lækkað.
Hann sagði að ríkissjórnin myndi
fylgja því fast eftir, að nafnvextir
víxla og óverðtryggrða skuldabréfa
lækki mjög ört á næstunni, í sam-
ræmi við lækkandi verðbólgu, enda
sé það ein forsenda þess að kjara-
samningar geti tekist.
Síðan sagði forsætisráðherr;
„Raunvextir hér á landi eru um þes:
ar mundir hærri en algengt er í n;
grannaríkjum, Þar sem nú virði:
ljóst, að fjármálai'áðherra og ríl-
isstjórnin munu ná markmiðum sír
um um lækkun ríkisútgjalda og a
draga verulega úr lánsfjárþörf hin
opinbera, munu skapast skilyrði þes
að í upphafi næsta íjárlagaárs ven
hægt að lækka raunvexti á þeii
pappírum sem ríkissjóður hefur up
á að bjóða hverju sinni. Sú aðger
nær þó aðeins fram ef jafnvægi ríli
ir, og ljóst sé að verðlag sé stöðug
og verðbólga lægri en í nálægui
löndum.”
Reglugerð um hlutdeild sjúkratryggðra í kostnaði vegna heilbrigðisþjónustu:
Erfiðar en nauðsynlegar aðgerð-
ir til varnar velferðarkerfinu
-segir Sighvatur Björgvinsson heilbrigðisráðherra
AÆTLAÐ er að a.m.k. 550-600 milljónir króna muni sparast í heil-
brigðiskerfinu á ári með setningu reglugerðar um hlutdeild sjúkra-
tryggðra í kostnaði vegna heilbrigðisþjónustu sem sett var í gær.
Reglugerðin tekur gildi 15. janúar næstkomandi og samkvæmt Iaus-
legri spá Hagstofu Islands mun hún leiða til 0,2-0,3% hækkunar fram-
færsluvísitölu. Með reglugerðinni er sjúkratryggðum einstaklingum
gert að greiða beint hluta kostnaðar vegna komu á heilsugæslustöð,
til heimilislæknis, á göngudeild, slysadeild eða bráðamóttöku, vitjana
lækna, sérfræðilæknishjálpar, rannsókna og röntgengreininga. Þó
skal hver sjúkratryggður einstaklingur ekki greiða meira en 12.000
krónur samanlagt á ári vegna þessarar þjónustu og elli- og örorkulíf-
eyrisþegar ekki meira en 3.000.
„Hin aukna kostnaðarhlutdeild
almennings í heilbrigðiskerfinu
mun hvetja til aukins aðhalds varð-
andi þjónustu þess. Með slíku að-
haldi eru þjóðinni hugsanlega spör-
uð óþörf útgjöld en einnig gerir það
mögulegt að draga úr kostnaði rík-
issjóðs í hinni erfiðu stöðu sem ríkj-
andi er í fjármálum þjóðarinnar.
Það hriktir í stoðum velferðarkerfis-
ins vegna síaukins kostnaðar við
það og með þessum erfiðu en bráð-
nauðsynlegu aðgerðum er verið að
koma í veg fyrir hrun þess,” sagði
Sighvatur Björgvinsson er hann
kynnti umrædda reglugerð í gær.
Heilbrigðisráðherra sagði enn-
fremur að ekki yrði krafist gjalda
af neinni þjónustu sem gjald hefði
ekki verið tekið af áður. Að hluta
væri því um að ræða afturhvarf tii
reglna um gjaldtöku í heilbrigðis-
kerfinu sem giltu fyrir tveimur
árum. Einnig væri kappkostað að
ívilna barnaijölskyldum og elli- og
örorkulífeyrisþegum sérstaklega
með reglugerðinni, og væri að sumu
leyti um gjaldskrárlækkun að ræða
til þessara aðila.
1 reglugerðinni er kveðið á um
að fyrir komu á heilsugæslustöð eða
til heimilislæknis skuli greiða 600
krónur ef heimsóknin er á dag-
vinnutíma en 1.000 kr. utan hans.
Andvirði fjárhæðarinnar rennur til
rekstur heilsugæslustöðvarinnar
eða stofureksturs læknisins. Slíkar
greiðslur tíðkuðust áður en voru
afnumdar í ársbyijun 1990.
Greiðsla fyrir læknisvitjun hækkar
úr 400 kr. í 1.000 á dagvinnutíma
en úr 1.000 í 1.500 kr. utan hans.
I reglugerðinni ríkir sú meginregla
að elli- o g örorkulífeyrisþegar greiði
þriðjung venjulegs gjalds vegna
heilbrigðisþjónustu. Þannig munu
elli- og örorkulífeyrisþegar greiða
200 krónur fyrir komu á heilsu-
gæslustöð eða til heimilislæknis.
Komur vegna mæðra- og ungbarna-
verndar auk heilsugæslu í skólum
verða hins vegar undanþegnar
gjaldskyldu.
Fyrir komu til sérfræðings, á
göngudeild, slysadeild eða bráða-
móttöku sjúkrahúss skal greiða
1.500 krónur. Elli- og örorkulífeyr-
isþegar þurfa að greiða 500 kr.
Fyrir hverja komu á rannsóknastofu
eða vegna röntgengreiningar þarf
að greiða 600 krónur en elli- og
örorkulífeyrisþegar 200 kr.
Samkvæmt reglugerðinni skal
hver einstaklingur aldrei greiða
meira en tólf þúsund krónur sam-
tals á einu ári vegna heimsókna á
heilsugæslustöð eða til heimilis-
læknis, vitjana lækna, sérfræði-
læknishjálpar, komu á göngudeild,
slysadeild, bráðamóttöku, rann-
sókna og röntgengreininga. Elli- og
örorkulífeyrisþegar skulu hins veg-
ar aldrei greiða meira en 3.000
krónur vegna þessara þátta. Gert
er ráð fyrir því að einstaklingar
safni saman kvittunum fyrir útlögð-
um kostnaði, framvísi þeim hjá
Tryggingastofnun ríkisins þegar
umræddri upphæð hefur verið náð,
og fái þá sérstakt skírteini sem
undanþiggi þá frekari greiðslum
vegna afnota af heilbrigðisþjónustu
út almanaksárið. Áætlað er að um
tvö til þrjú þúsund manns nái kostn-
Sighvatur Björgvinsson
aðarhámai'kinu árlega.
Kostnaður við meðferð á glasa-
fijóvgunardeild Landspítalans er
200.000 krónur. I reglugerðinni er
kveðið á um að hlutdeild hjóna í
kostnaði skuli vera 105.000 krónur
fyrir fyrstu meðferð, 60.000 krónur
fyrir aðra og þriðju meðferð en fyr-
ir meðferðir umfram það þarf að
greiða fullt gjald.
Samkvæmt frumvarpinu er há-
mai'ksfjárhæð sem sjúklingur greið-
ir fyrir sjúkraflutninga hækkuð úr
2.100 krónum í 2.400.
Ríkið:
Dregið úr launa- og ferða-
kostnaði á næsta ári
DAVÍÐ Oddsson forsætisráð-
herra boðaði í gær á Alþingi, að
á næsta ári verði ríkisstarfs-
mönnum fækkað um 600, yfir-
vinna skorin niður, verulega
dregið úr ferðakostnaði ríkisins
á næsta ári og dagpeningar-
greiðslur lækkaðar og reglum
um ráðherrabíla breytt þannig
að tryggt verði að ráðherrar
greiði skatta af einkaafnotum
þeirra.
Forsætisráðherra tilkynnti þetta
þegar hann mælti fyrir frumvarpi
um efnahagsaðgerðir. Hann sagði,
að risna og kostnaður vegna utan-
landsferða yrði skorin niður. Hert
yrði stórlega eftirlit með ferða-
kostnaði ríkisins, meðal annars með
því að skikka ríkisstofnanir til að
skila mánaðarlega skýrslum til við-
komandi ráðuneytis með uppiýsing-
um um íjölda ferða og kostnað.
Fjármálaráðuneytið muni síðan
draga reglulega saman yfirlit yfir
þennan lið og kynna í ríkisstjórn.
Þá hafi verið tekin ákvörðun um
að bjóða út kaup ríkisins á farseðl-
um hjá ferðaskrifstofum og daggjal-
dagreiðslur í utanferðum ráðherra,
alþingismanna og embættismanna
verði lækkaðar.
Þá verður reglum um ráðherrabif-
reiðar breytt til að tryggja að ráð-
herrar greiði skatta af einkaafnol
um slíkra bifreiða. Loks verður að
keypt sérfræðiþjónusta skorin niðu
sem og sérstakt ráðstöfunarfé rikis
stjórnarinnar.
Búnaðarbankinn
seldur á næsta ári
Búnaðarbanka Islands verður breytt í lilutafélag þegar í upphafi
næsta árs, og hafin sala á hlut ríkisins í honum, að sögn Davíðs Oddsson-
ar forsætisráðherra. Hann sagði á Alþingi í gær, að fleiri ríkisfyrirtæki
yrðu seld á næstunni.
Forsætisráðherra sagði að verið
væri að undirbúa sölu á Ferðaskrif-
stofu Islands, Bifreiðaskoðun Is-
lands, Enduivinnslunni hf., Guten-
berg hf. og Sementsverksmiðjunni,
auk Búnaðarbanka íslands.
Sérstök ráðherranefnd forsætis-
ráðherra, viðskiptaráðherra og fjár-
málaráðhera rnun hafa yfirumsjón
með einkavæðingu ríkisfyrirtækja
og skýra frá tillögum um heildar-
áætlun einkavæðingar í upphal
næsta ars. Framkvæmdanefm
einkavæðingar verður skipuð fulltrú
um forsætisráðuneytis, iðnaðar- 05
viðskiptaráðuneytis, fjármálaráðun
eytis og viðkomandi fagráðuneyti:
og 2-3 starfsmenn fjármálaráðun
eytisins munu annast ýmsa undir
búningsvinnu við framkvæmd einka
væðingarinnar.