Morgunblaðið - 07.12.1991, Blaðsíða 67

MQRQíUNBMfilí) LAiUGARQAGiUiB .7. (DBSBMBER. 1991
ri--------
Þórður Orn Karls-
son - Minning
Fæddur 2. ágúst 1959
Dáinn 28. október 1991
Það er með söknuði sem við
starfsmenn á Líffræðistofnun Há-
skólans kveðjum télaga og vini sem
reyndist okkur vel á alla lund. Okk-
ur er ljúft að minnast Þórðar Arnar
Karlssonar, skipstjóra á rann-
skókna- og skólabátnum Mími RE
3, sem fórst ásamt félaga sínum,
Bjarna Jóhannssyni vélstjóra, við
skyldustörf þann 28. október sl.
Við nutum þess að taka þátt í
rekstri Mímis RE 3 og kynntumst
Þórði í gegnum þá starfsemi.
Þórður Órn kom til starfa sem
skipstjóri Mímis snemma árs 1986.
Hann var valinn úr 30 manna hópi
þrautreyndra skipstjóra og stýri-
manna. Þrátt fyrir ungan aldur
hafði Þórður þá þegar talsverða
reynslu sem skipstjóri á Jóni Bjarn-
asyni og Happasæl og sem stýri-
maður hjá Landhelgisgæslunni, Vit-
amálastofnun og á millilandaskip-
um. Ekki spillti fyrir að Þórður
hafði framúrskarandi námsferil og
hafði lokið stúdentsprófi með ágæt-
is árangri og skipstjóraprófum 1.
til 3. stigs með ágætiseinkunn.
Það var mikið lán fyrir sjóvinnu-
og rannsóknastarfsemi á Mími að
fá Þórð til starfa. Þórður sinnti
starfi sínu af miklum áhuga og trú-
mennsku. Snyrtimennska hans og
áreiðanleiki varð öllum strax ljós.
Ymis veiðarfæri notuð við rann-
sóknir eru ólík hefðbundnum veið-
arfærum, en Þórður var fljótur að
tileinka sér rétta tækni og sýndi
einstaka lipurð við stjórnun á Mími.
Geðprúður var hann með afbrigðum
og sagði aldrei styggðarorð, þótt
stundum gehgi hægt við rannsókn-
irnar. Undir bjó þó eflaust kröftugt
skap.
Reyndar held ég að Þórður hafi
haft mjög gaman af því að kýnnast
lífríki sjávar í gegnum starfsemi
okkar. Þórður var mjög fróðleiksfús
að eðlisfari og var orðinn mjög fróð-
ur um ýmsar sjávarlífverur, sem
sjómenn þekkja ekki að öllu jöfnu.
Sjálfur hafði hann yndi af því að
miðla þekkingu til þeirra er um
borð komu og hafði afburða góða
þekkingu á strandlengjunni við ís-
land og kom það sér vel við rann-
sóknir okkar víða um land.
Þó Mímir væri fjarri Reykjavík
var auðvelt að leita til Þórðar um
útvegun á efni til rannsókna og
kennslu. Þórður var vel kynntur
víða og leitaði eftir aðstoð hjá vinum
sínum og gat þannig leyst okkar
mál, þó fjarri væri.
Þórður lagði áherslu á að fyllsta
öryggis væri sífellt gætt og gerði
m.a. þá kröfu til nemenda í sjó-
vinnukennslu að þeir væru alltaf
með björgunarvesti. Þetta hefur
eflaust bjargað lífi nemendanna
fimm, sem voru um borð í Mími
þegar hinir' hörmulegu atburðir
gerðust.
Ég vil votta fjölskyldu Þórðar
samúð mína og félaga minna við
Líffræðistofnun Háskólans.
F.h. vina á Líffræðistofnun
Háskólans,
Jörundur Svavarsson.
Aldrei er svo bjart
yfir öðlingsmanni,
að eigi geti syrt
eins sviplega og nú,
aldrei er svo svart
yfír sorgar rahni,
að eigi geti birt
fyrir eilífa trú.
(Matthías Jochumsson)
Elsku drengurinn okkar er farinn
af þessum heimi. Þó að við eigum
erfítt með að skilja hví Guð tekur
frá okkur svo ungan mann sem líf-
ið virtist blasa við svo bjart og við-
burðaríkt, þá trúum við því að hon-
um hafi verið ætlað annað og æðra
hlutverk handan móðunnar miklu.
Þórður ólst upp hjá móðurforeldr-
um sínum Sólveigu Ólafsdóttur og
Guðjóni Jónssyni á Heiðarvegi 19a
í Keflavík, en þau útbjuggu hann
með slíkt veganesti að þeim verður
seint þakkað hlutverk sitt. Sam-
bandið milli hans og móður hans
Rúnu var mikið og gott og við fund-
um alltaf ástina sem hann bar til
hennar. Einnig reyndist Þorsteinn
Árnason, eiginmaður móður hans,
honum eins og besti faðir.
Þórður var í gegnum alla sína
skólagöngu fyrirmyndarnemandi
og átti mjög auðvelt með nám, sem
sýndi sig vel því Þórður varð eftir-
sóttur til ábyrgðarstarfa eins og
þeirra sem hann gegndi er hann
var tekinn frá okkur. Hann fór
ekki um með hávaða í lífinu. alltaf
yfii-vegaður og traustur. Hógværðin
og lítillætið var hans aðalsmerki.
Stærilæti þekkti hann ekki og aldr-
ei heyrðum við hann halla orði á
nokkurn mann. Ungur kynntist
Þórður konu sinni Sigurbjörgu Guð-
mundsdóttur, fallegri og góðri
stúlku, og var hjónaband þeirra
traust og farsælt þennan' stutta
tíma sem þau fengu að vera saman.
Þau eignuðust tvö börn. Þau
Hafþór Örn, sem er 13 ára, og
Heiðrúnu Rós, sem er 6 ára. Það
var aðdáunarvert að fylgjast með
því hvað hann var natinn og elsku-
legur við börnin sín og er missir
konu hans og barna því mikill.
Þórður reyndist okkur einstak-
lega vel í þrengingum sem við geng-
um í gegnum fyrir nokkru. Þá sann-
aðist einu sinni sem oftar hve góður
drengur hann var.
Hann var okkur og ástvinum sín-
um öllum sannur gleðigjafi meðan
hann lifði og minningarnar eru
bjartar og fagrar. Hann var dáða-
drengur.
Elsku Beggý - Hafþór og Heið-
rún, Rúna og Steini, afar og ömm-
ur, Jón Ágúst uppeldisbróðir hans,
bræður, systur og tengdaforeldrar:
þið hafíð öll okkar dýpstu samúð.
Guð blessi drenginn okkar og
leiði hann til eilífrar sælu.
Pabbi og Halla Ingólfs.
Br sárasta sorg okkur mætir
og söknuður huga vor grætir,
þá líður sem leiftur úr skýjuin
ljósgeisli af minningum hlýjum.
(Hallgrímur I. Hallgrímsson)
Fyrstu viðbrögð okkar bræðra
er við fréttum af hinu válega slysi
sem varð er Mími RE 3 hvolfdi í
Hornáfjarðarósi voru vantrú og efi.
En á leið okkar til leitar austur var
eins og við gerðum okkur hægt og
bítandi grein fyrir því sem orðið
var, hann Þórður bróðir væri far-
inn. Okkur hafði þó alltaf verið ljóst
að svona gæti hugsanlega farið, því
Þórður hafði fyrir löngu ákveðið að
gera sjómennskuna að ævistarfi
sínu og ættingjar sjómanna vita
innst inni af hættum hafsins. Það
er þó alltaf sviplegt þegar menn
eins og Þórður bróðir fara á þennan
hátt.
Öryggismál sjómanna var eitt
helsta baráttumál Þórðar, og með
skólaskipinu Mínii gafst honum
kostur á að kenna ungum og upp-
rennandi sjómönnum réttu hand-
tökin við stjórnun skipa og með-
höndlun öryggistækja.
Við áttum þess kost fyrir nokkr-
um misserum að fara í sjóferð með
Þórði á Mími; í stutta sjóferð útí
Garðsjó og sjóferð úr Stykkishólmi
útí Flatey á Breiðafírði. í þessum
sjóferðum fann maður til sérstakrar
öryggistilfinningar vitandi af Þórði
við stýrið. Siglingaleiðir á Breiða-
firði eru margar og varhugaverðar
en Þórður virt.ist þekkja þær eins
og handarbak sitt þótt ungur væri.
Er við hugsum til þess hve öryggið
sat ávallt í fyrirrúmi hjá Þórði, þá
reynist okkur oft erfitt að skilja
hvers vegna menn eins og Þórður
bróðir eru kallaðir brott svona ung-
ir að árum. Öll erum við kölluð en
enginn veit hinsvegar sinn vitjunar-
tíma, en við getum verið viss um
að Þórði hefur verið ætlað annað
og meira hlutverk annars staðar, í
öðrum tíma, í öðru rúmi.
Á stundu sem þessari flæða fram
minningar og einna helst minningar
um samverustundir sem okkur
hlotnaðist að eiga með Þórði í jeppa-
ferðalögum um landið. Þar var
Þórður samur við sig, virtist þekkja
allar leiðir, vissi hvað átti að varast
og hvar'bestu leiðirnar lágu. Það
fylgdi Þórði alltaf sama öryggistil-
m
fínningin sem erfitt er að koma í
orð, okkur leið einfaldega vel að
vita af honum í bílalest okkar
bræðra og annarra kunningja, vor-
um örugg um okkur.
Þórður hafði mikið yndi af ferða-
lögum, hvort sem var innanlands
eða utan. Ekki var farin sú jeppa-
ferð að ekki yæri farið í gönguferð
einnig. Hann vissi alltaf hvar hang
var, kort og áttaviti var ávallt við
hendina, aldrei tekin óþarfa áhætta.
Hann Þórður var sannur gleðigjafi
hvar sem hann kom. Hann kunni
að skemmta sjálfum sér og öðrum
sem í kringum hann voru. Fróð-
leiksbrunnur hans virtist á stundum
vera ótæmandi.
Þú skalt ekki luyggjast, þegar þú skilur
við vin þinn, því að það, sem þér þykir
vænst um í fari hans, getur orðið þér ljósara
í fjarveru lians, eins og fjallgöngumaður sér
fjallið best af sléttunni.
(Kahlil Gibram)
Þegar maður hugsar til baka við
tækifæri sem þessi og hripar niður
fátækleg orð til að minnast kærs
bróður þá spyr maður sig óvart
hvort allar minnningar okkar um
Þórð bróðir séu góðar og ljúfar.
Getur einhver verið algóður? Þótt
ótrúlegt megi virðast þá verðum við
í þessu tilviki að svara spurning-
unni játandi. Minningin um Þórð,
allt frá því að við munum eftir okk-
ur, er eingöngu tengd gleði- og
ánægjustundum.
Við kveðjum Þórð bróðir því mefr
miklum söknuði, en hin ljúfa minn-
ing hans mun lýsa skært í hugum
okkar bræðra sem eftir erum, þar
til okkar tími kemur og við hittum
Þórð á ný.
Beggý mín, við bræðurnir og
mágkonur vottum þér og börnunum
þínum Hafþóri og Heiðrúnu okkar
dýpstu samúð. Einnig vottum við
samúð okkar Rúnu móður hans,
Sollu og Gauja, svo og i'öður okkar
Karli. Megum við öll njóta gæfu
og styrks til að halda um alla franr
tíð minningu góðs manns hátt á
lofti.
Þó í okkar feðra fold
falli allt sem lifir,
enginn getur mokað mold
minningamar yfir.
(Björn Jónsson frá Gröf.)
Rúnar, Einar, Ingólfur
og Bjarni Karlssynir og
mágkonur.
Sigurveig H. Jóns-
dóttir — Minning
Harmsár helfregn
á hljóms öldum
ómar mér I eyrum
áður en skyldi,
það er dánarfregn
dýrrar konu
gestljúfrar bæði
og göfuglyndrar.
(Guðm. Guðm.)
Það var að morgni sunnudagsins
24. nóvember sem ég heyrði um
það í morgunfréttum útvarpsins að
bifreiðaslys hefði orðið í Hafnarfirði
um nóttina og tvær konur höfðu
slasast alvarlega. Mér varð við eins
og flestum sem heyra um alvarleg
slys í fjölmiðlum. Nokkru seinna
hringir síminn og i símanum er
Þorlákur yfirmaður minn og til-
kynnir mér að Sigurveig hafi látist
í þessu slysi. Ég varð sem þrumu
lostinn og hugsaði, gat þetta verið
satt að hún Sigurveig væri ekki
lengur meðal okkar. Ég vonaði innst
inni að þetta væri einhver misskiln-
ingur en þegar ég mætti til vinnu
minnar hjá SKÝRR morguninn eft-
ir og Pétur samstarfsmaður minn
spurði hvort ég vissi um Sigurveigu
varð mér ljóst að ekki var um mis-
skilning að ræða, og við blasti blá-
kaldur raunveruleikinn, hún Sigur-
veig var dáin.
I gegnum vinnu mína hjá SKÝRR
hafði ég nánast daglegt samband
við Sigurveigu en Sigui’veig var
deildarstjóri í tekjudeild Ríkisbók-
halds og sá hún um daglegan rekst-
ur og þjónustu við notendur tekju-
bókhaldskerfisins, eða TBI eins og
það er kallað, ásamt margvísíegum
öðrum störfum. Mér er minnisstætt
hversu samviskusöm, hugmyndarík
og áhugasöm hún var í starfí. Þetta
varð mér strax ljóst þegar ég hóf
samstarf við hana í árslok 1987.
Alltaf var hægt að leita til hennar
þegar mig vantaði upplýsingar um
TBI því hún hafði mjög góða og
viðamikla þekkingu á kerfinu. Dag-
lega hafði hún því samband við
fjölda notenda kerfisins víðsvegar
um landið, því alltaf var gott að
leita til hennar með spurningar.
Mér eru einnig minnisstæð okkar
löngu símtöl þegar við spjölluðum
almennt um tekjubókhaldskerfið og
kviknuðu þar oftar en ekki hug-
myndir um það hvernig betrumbæta
mætti kerfið og gera vinnu við það
einfaldari og öruggari, því hún var
einstaklega áhugasöm, og hug-
myndarík. Ég tel það vera mjög
mikilvægt að milli þjónustuaðila og
viðskiptamanna myndist góð og
persónuleg sambönd og aðilar geti
treyst hvor öðrum. Þetta átti við
um Sigurveigu alltaf var hægt að
treysta úttektum á keyrslum sem
hún hafði gert því hún var með
afbrigðum samviskusöm sem sést
best á því að hún vann oft langan
vinnudag. Átti þettá sérstaklega við
á sumrin en þá var hvað mest að
gera hjá okkur og mikilvægt að
allt gengi snurðulaust og vel fyrir
sig,
Eg tel mig hafa verið lánsaman
að fá að kynnast og eiga samstarf
við manneskju eins og Sigurveigu.
Fyrir hönd samstarfsmanna minna
hjá SKÝRR vil ég senda eigin-
manni, börnum og barnabörnum
innilegustu samúðarkveðjur og
biðja algóðan Guð að vernda þau
og styrkja.
Hún dæmdi ei hart, hún vildi vel
í vinskap, ætt og kynning.
Hún bar það hlýja, holla þel,
sem hverfur ekki úr minning.
(E. Ben.)
Agnar Björnsson
t
Kveðjuathöfn um móður okkar, tengdamóður, ömmu
og langömmu,
JÓIMU JÓNSDÓTTUR
frá Ísafirðí,
til heimilis l Álfheimum 25,
Reykjavík,
verður í Fossvogskapellu mánudaginn 9. desember kl. 10.30.
Jarðarförin ferfram frá ísafjarðarkapellu fimmtudaginn 12. desem-
ber kl. 14.00.
Ása Fanney Þorgeirsdóttir, Páll Lúðvíksson,
Ólafur Þorgeirsson,
Jóhann Þorgeirsson, Ingibjörg Magnúsdóttir.
Þorgeir Pálsson, Hildur Pálsdóttir,
Páll Reynir Pálsson
og barnabarnabörn.
t
Alúðarþakkir til allra, sem vottuðu okkur samúð og hlýhug vegna
andláts eiginmanns míns og föður okkar,
ÞORVARÐAR JÚLÍUSSONAR
frá Söndum.
Kristín Jónsdóttir og börn.
t
Þökkum auðsýnda samúð við andlát og útför eiginmanns míns,
föður, tengdaföður og afa,
GÍSLA KRISTJÁNSSONAR
skólastjóra á Hvolsvelli.
Guðrún Ormsdóttir,
Kristín Helga Gísladóttir, Vilmundur Árnason,
Ásgeir Gislason, Angela Kellý Abbott,
Jóhanna L. Gisladóttir, Valgeir Guðmundsson,
Gísli Freyr, Trausti Már og Heiðrún Ýr.