Morgunblaðið - 25.10.1995, Side 56

V í K
L§TT#
alltaf á
Miövikudögami
MORGUNBLAÐIÐ, KRINGLAN 1, 103 REYKJAVÍK, SÍMl 569 1100, SÍMBRÉF 569 1181,
PÓSTHÓLF 3040, NETFANG MBUSCENTRUM.IS / AKUREYRI: HAFNARSTRÆTI 85
MIÐVIKUDAGUR 25. OKTÓBER 1995
VERÐ í LAUSASÖLU 125 KR. MEÐ VSK
Morgunblaðið/Valdimar Kristinsson
Þey bjargað á þurrt
RÖÐ tilviljana varð til þess að
það tókst að bjarga gæðingnum
Þey frá Borgarnesi upp úr
skurði í Mosfellsdal. Maður sem
var að leita að týndum hesti í
dalnum rambaði af hreinni til-
viljun á Þey. Sett voru bönd á
hestinn og reynt að ná honum
upp með handafli en þegar það
tókst ekki var náð í dráttarvél
og lánaðist þá að ná Þey á
þurrt.
■ Röð tilviIjana/5
Vetur konungur gengur heldur snemma í garð
Á níunda tug íbúa
rýmdu hús sín
Á NÍUNDA tug íbúa í Hnífsdal, á
ísafirði og Flateyri yfirgáfu heimili
sín vegna snjóflóðahættu í gær-
kvöldi. Langflestir gistu hjá vinum
og ættingjum. Aðrir fengu inni í
Framhaldsskóla Vestfjarða á ísafirði.
Slæmt veður veldur mörgum ugg
fyrir vestan og þykir vetur konungur
ganga heldur snemma í garð. Þak-
plötur fuku af þökum og bíll fauk til
í ofsaveðri á Siglufírði í gærkvöldi.
Almannavamanefnd ísafjarðar
kom saman til fundar síðdegis í
gær. Á fundinum var ákveðið að
rýma flórtán íbúðarhús við Smára-
teig, Fitjateig og Heimabæ 3, 4 og 5
í Hnífsdal og einbýlishúsin Græna-
garð og Seljaland á ísafirði. Öll
umferð um hesthúsasvæðið við Búð-
artún í Hnífsdal, söluskálann Brúar-
nesti og Steiniðjuna á ísafirði var
bönnuð. Á sjötta tug íbúa býr í hús-
unum.
Hvassviðri án mikillar ofankomu
var á Isafirði í gærdag. Ofankoma
jókst með meiri vindhraða um kvöld-
ið. Veðurspá gerði ráð fyrir 10 til
12 vindstigum liðna nótt og í dag.
Menn vestra eru því í viðbragðs-
stöðu.
Magnea Guðmundsdóttir, oddviti
Flateyrarhrepps og starfandi sveitar-
stjóri, sagði að almannavarnamefnd
hefði ákveðið að rýma öll íbúðarhús
við Ólafstún og Goðatún 14 á fundi
sínum í gærkvöldi. Hún sagði að
ekki hefði verið hægt annað en að
taka ákvörðun um að rýma húsin í
ljósi þess að snjóflóð hefðu verið að
falla víða á Vestfjörðum. Um 30 íbú-
ar eru í húsunum og gistu þeir hjá
ættingjum og vinum. Almannavarna-
nefnd ákvað að koma aftur saman
kl. 9 í morgun.
Ekki ástæða til aðgerða í
Súðavík
Ágúst Kr. Bjömsson, sveitarstjóri
í Súðavík, sagði að Almannavarna-
nefnd Súðavíkur hefði ekki talið
ástæðu til aðgerða að svo stöddu.
„Það er hvöss norðaustanátt hér en
lítill snjór í hlíðinni fyrir ofan þorpið
og því teljum við ekki ástæðu til að
rýma hús að svo stöddu. Við munum
fylgjast vel með veðri í nótt og koma
saman til fundar um leið og þurfa
þykir,“ sagði hann.
■ Þakplötur fuku/2
BETUR fór en á horfðist
Morgunblaðið/RAX
þegar hópferðabifreið full af ungmennum rann út af veginum í Kjósinni í illviðrinu í gær. Rútan var strax dregin upp og hélt áfram ferð sinni.
Skip Evrópusambandsríkja ná litlu sem engu af karfakvóta sínum við ísland
Samið um að stækka
- veiðisvæði ESB-skipa
ÍSLAND og Evrópusambandið sömdu um það á
viðræðufundi í Reykjavík í gær að stækka veiði-
svæði skipa frá Evrópusambandinu fyrir suðaust-
an landið. Útgerðarmenn skipa frá ESB, sem
gerðu út á karfa við Island í fyrra, hafa kvartað
um að erfitt sé að ná kvótanum.
Samið var um 3.000 tonna karfakvóta ESB í
íslenzkri lögsögu gegn 30.000 tonna loðnukvóta
Isiendinga við Grænland, samhliða gerð samn-
ingsins um Evrópska efnahagssvæðið. í samn-
ingnum eru sett mörg og ýtarleg skilyrði um
karfaveiðarnar. Þannig mega skip ESB aðeins
veiða á tveimur svæðum fyrir suðvestan og suð-
austan landið. Aðeins mega átján skip hafa veiði-
leyfi í íslenzkri lögsögu ár hvert og þar af mega
fimm vera á veiðum hverju sinni. Skipin verða
að hafa íslenzkan eftirlitsmann um borð, þau
mega ekki veiða annað en karfa í túrnum, ekki
má taka hausinn af karfanum, landa verður í
p*. ákveðnum höfnum o.fl.
í samningunum eru ákvæði um árlegar við-
ræður samningsaðila á borð við þær, sem nú
hafa farið fram í Reykjavík, og um að séu ein-
hver atriði samningsins erfið í framkvæmd eða
óhagkvæmt reynist að veiða karfann á hinum
ákveðnu veiðisvæðum, megi endurskoða samn-
ingana.
ESB vildi rýmkuð skilyrði
Af hálfu Evrópusambandsins var lögð fram á
fundinum skýrsla, sem Þjóðverjar hafa tekið sam-
an vegna karfaveiða þýzkra skipa við ísland í
fyrra, en það var fyrsta árið sem samningurinn
um gagnkvæmar veiðiheimildir var í gildi. Þijú
skip reyndu þá fyrir sér, en fengu samtals aðeins
110-120 tonn af karfa. Auk þýzkra skipa hafa
frönsk, brezk og belgísk skip fengið karfakvóta
við ísland. Þýzkir útgerðarmenn töldu ekki svara
kostnaði að senda skip aftur á íslandsmið í ár
og hafa skip frá hinum ríkjunum þremur ekki
reynt fyrir sér heldur.
Evrópusambandið óskaði á fundinum eftir því
að ýmis skilyrði fyrir veiðunum yrðu rýmkuð.
Niðurstaðan varð hins vegar að lokum sú að
stækka suðaustursvæðið til austurs og norðaustur
um 10-20 sjómílur, að sögn Kristjáns Ska.rphéð-
inssonar, sjávarútvegsfulltrúa í sendiráði íslands
í Brussel, sem tók þátt í viðræðunum.
Loðnukvótinn ekki kláraður
Kristján segist þeirrar skoðunar að Evrópusam-
bandið sé sátt við breytinguna og að einhver
skip þaðan muni reyna fyrir sér að nýju á næsta
ári. Líklegt sé að þýzku skipin reyni þá að veiða
í flottroll, likt og stór hluti íslenzkra skipa á karfa-
veiðum, en í fyrra hafi Þjóðveijarnir notað botn-
vörpu.
Loðnukvóti sá, sem Islendingar fengu í græn-
lenzkri lögsögu á móti karfakvótanum, hefur
ekki orðið til að auka loðnuveiðar íslendinga frá
því fiskveiðisamningurinn gekk í gildi í bytjun
seinasta árs, enda hafa íslenzk skip ekki fullnýtt
þann kvóta, sem stjórnvöld gefa út.
Fylgst með
veikum
sjómanni
LANDHELGISGÆ SLUNNI
barst beiðni í gær um að sækja
veikan sjómann um borð í eist-
neskan togara sem staddur var
300 sjómílur suðvestur af land-
inu. Vont veður var á þessum
slóðum og tvísýnt talið að senda
þyrlu Landhelgisgæslunnar af
stað í myrkri. Talið er að mað-
urinn hafi fengið snert af heila-
blóðfalli. Togarinn er á leið til
lands og fylgdust starfsmenn
Landhelgisgæslunnar með tíðan
sjómannsins í gærkvöldi.
Ók á kyrr-
stæða bíla
KONA á fimmtugsaldri ók bíl
sínum á fjóra kyrrstæða bíla á
Gunnarsbraut við Kjartansgötu
í gær. Síðan ók hún bílnum á
umferðarmerki og lauk öku-
ferðinni á fimm metra stein-
vegg við Gunnarsbraut 32.
Ökumaðurinn náðist og er hann
grunaður um að hafa verið ölv-
aður undir stýri.