Morgunblaðið - 18.03.1997, Blaðsíða 4

4 ÞRIÐJUDAGUR 18. MARZ 1997
MORGUNBLAÐIÐ
■
FRÉTTIR
Tillaga á Alþingi
Gróðurhúsa-
lofttegundir
nýttar
LÖGÐ hefur verið fram á Alþingi
þingsályktunartillaga um að kann-
að verði hvort hægt sé að nýta
gróðurhúsalofttegundir til fram-
Ieiðslu á eldsneyti og til nota í iðn-
aði í ljósi að útblástur þeirra hér
landi muni aukast vegna stóriðju.
Flutningsmenn eru íjórir þingmenn
Sj álfstæðisflokks
í greinargerð með tillögunni
benda þingmennimir á að nota
megi koltvíoxíð ásamt vetni til
framleiðslu metanóls, sem sé hent-
ugs eldsneyti fyrir bíla og skip.
Þeir segja einnig að í athugunum
fyrirtækisins ískem hafí komið
fram möguleikar á nýtingu gróður-
húsalofttegunda í ýmsum iðnaðar-
ferlum. Loks benda flutningsmenn-
imir á að margar gróðurhúsaloft-
tegundir séu nú þegar fluttar inn
til landsins til ýmissa nota og að
rétt væri að kanna hvort hægt
væri að framleiða þær hér á landi,
sem aukaafurðir annarrar fram-
leiðslu eða með því að vinna þær
úr útblæstri.
-----*-♦ ♦--
Tamningamað-
ur slasaðist
MAÐUR um fertugt höfuðkúpu-
brotnaði eftir að hafa fallið af baki
hests sem hann var að temja í hest-
húsabyggð skammt frá Hvolsvelli á
sunnudagsmorgun.
Maðurinn var fluttur á sjúkra-
húsið á Selfossi samkvæmt upplýs-
ingum frá lögreglunni á Hvolsvelli
og þaðan áfram til Reykjavíkur.
Hann er ekki talinn lífshættulega
slasaður.
Opinber heimsókn Davíðs Oddssonar forsætisráðherra til Færeyja hafin
Dimmalætting/Kalmar Lindenskov
EDMUND Joensen, lögmaður Færeyja, tók á móti Davíð Odds-
syni forsætisráðherra og Astríði Thorarensen á flugvellinum í
Vogum við komu þeirra í opinbera heimsókn til landsins.
TVÆR færeyskar yngismeyjar færðu Ástríði blóm í móttöku
sem bæjarfélagið í Vogum hélt til heiðurs forsætisráðherrahjón-
unum í nýrri skólabyggingu í gærdag.
Möguleikar á
viðskiptum þjóð-
anna eru miklir
OPINBER heimsókn Davíðs
Oddssonar forsætisráðherra og
konu hans Ástríðar Thorarensen
til Færeyja í boði landsljórnar-
innar hófst í gær. Forsætisráð-
herra mun í ferð sinni heim-
sækja Iögþing Færeyja og eiga
viðræður bæði við þingmenn og
ráðherra landstjómar.
Davíð kvaðst í samtali við
Morgunblaðið i gærkvöldi búast
við að einkum þrennt yrði efst á
dagskrá viðræðna í dag. „ Við
munum í fyrsta lagi ræða hug-
myndir um að breyta tvihliða frí-
verslunarsamningi í fjölþjóða-
samning EFTA-ríkjanna. Við
munum einnig ræða óleyst vanda-
mál vegna Iögsögumáls sem snýst
um Hvalbak en það mál tengist
aftur deilum okkar við Grænlend-
inga um Koibeinsey. Loks munum
við ræða síldarsamninga og mis-
munandi afstöðu þjóðanna til
veiða á sameiginlegum fiskistofn-
um,“ sagði Davíð.
Forsætisráðherra segir að
rætt verði vítt og breitt um
möguleika á auknum samskipt-
um þjóðanna. Segir hann að
möguleikar á viðskiptum þjóð-
anna sín í milli séu miklir vegna
þess hve markaðir þeirra séu
svipaðir.
Davíð hyggst kynna sér sér-
staklega olíuáform Færeyinga
en auk þess verður farið í ýmis
fyrírtæki og stofnanir áður en
opinberri heimsókn lýkur á mið-
vikudag.
Endurgoldin heimsókn
Davið endurgeldur með för
sinni heimsókn Edmund Joensen,
lögmanns Færeyja og konu hans,
Edfríð, til Islands í fyrra en að
sögn forsætisráðherra var tilefni
þeirrar heimsóknar fyrst og
fremst að fylgja eftir stórmerkri
söfnun Færeyinga fyrir þá ís-
lendinga sem áttu um sárt að
binda vegna snjóflóða.
Lögmannshjónin tóku á móti
forsætisráðherrahjónunum í
gærmorgun á flugvellinum í
Vogum en í móttökunefnd voru
m.a. K. O. Kappel, ríkisumboðs-
maður, sendiherra Dana á Is-
landi og Poul Mohr, konsúll Is-
lendinga í Færeyjum.
I gærkvöldi sátu Davíð og
Ástríður ásamt fylgdarliði kvöld-
verðarboð lögmannsins í gamalli
reykstofu í Kirkjubæ. Þar af-
henti Davíð gjöf til Færeyinga
frá íslensku þjóðinni, málverk
eftir Gunnlaug Blöndal, sem sýn-
ir sðdarlöndun á Siglufirði.
í kvöld verður efnt til kvöld-
verðarboðs og menningardag-
skrár í Hótel Færeyjum en þang-
að hefur færeyska landsljómin
boðið öllum íslendingum sem
búsettir em í Færeyjum.
í för með forsætisráðherra-
hjónunum em Ólafur Daviðsson,
ráðuneytissljóri, og Snjólaug 01-
afsdóttir og Guðmundur Ama-
son, skrifstofusljórar í forsætis-
ráðuneytinu.

I
Sjónvarpsþáttur um forræðismál Sophiu Hansen og
Isaks Halims AI vekur mikla athygli í Tyrklandi
„Mikil andleg hjálp“
SOPHIA Hansen og ísak Halim
A1 sátu fyrir svörum í tyrkneska
sjónvarpsþættinum Arena sl.
fimmtudagskvöld þar sem saga
forræðisdeilu þeirra var rakin.
Meðal þess sem fram kom í
þættinum var að Halim A1 hefði
íhugað að láta ráða Sophiu af
dögum þannig að hann gæti einn
farið með forræði dætra þeirra,
Dagbjartar Vesile og Rúnu Ay-
segiil.
Sophia sagði í samtali við
Morgunblaðið í gær að þátturinn
hefði vakið mikla athygli í Tyrk-
landi og almenningsálitið væri
mjög að snúast henni í vil. „Þjóð-
in hefur orðið vitni að því að hér
eru mikil og alvarleg mannrétt-
indabrot í gangi. Mér er vel tekið
af fólki á götunni og hvar sem
ég kem. Fólk lýsir yfir hryggð
sinni yfír því hvemig er búið að
fara með dætur mínar og lýsir
stuðningi sínum við mig. Það
segir að ég verði að vera sterk
áfram og megi ekki gefast upp.
Þetta er auðvitað mikil andleg
hjálp fyrir mig og ég hresstist
heilmikið við þetta.“
„Þær voru mjög harðar
við mig“
Til stóð að þær systur Dag-
björt og Rúna yrðu í sjónvarpssal
ásamt foreldrum sínum en úr því
varð ekki. Þess í stað var haft
samband við þær í gegnum síma.
„Þetta var óskaplega erfitt til-
finningalega. Ég byrjaði á því að
segja hvað mér þætti vænt um
að heyra raddir þeirra og hvað
mér þætti vænt um þær. Ég sagði
þeim að ég kæmi til að hitta þær
á hveijum föstudegi og spurði
hvers vegna þær væru ekki heima
þegar ég kæmi. Þá sögðu þær
að þær væru hjá vinkonum sínum
vegna þess að þær vildu ekki
hitta mig, ég hefði ekki verið
þeim góð móðir og ég hefði verið
vond við föður þeirra, ævinlega
úti að skemmta mér á diskótek-
um með öðrum karlmönnum,
þannig að þær vildu ekkert með
svona móður hafa. Þær voru mjög
harðar við mig, sérstaklega Dag-
björt,“ sagði Sophia.
„Ég fann að það kom örlítil
þögn þegar ég fór að minna þær
á gamla daga og þann tíma þeg-
ar við hittumst síðast og vorum
einar á hótelinu í Bakirköy. Þeg-
ar ég fór meira inn á það tilfinn-
ingalega og minntist á hvað við
hefðum haft það gott þá og okk-
ur þótt vænt hverri um aðra, þá
fann ég að það varð erfiðara fyr-
ir þær að tjá sig.“
Endurskoðað álit
áfrýjunarréttar væntanlegt
Nú líður að því að dómarar
áfrýjunarréttarins í Ankara leggi
fram endurskoðað álit sitt í for-
ræðismáli þeirra Sophiu Hansen
og Halims Al. Það hefur tafist
alllengi sökum þess að sakadóm-
arinn í Istanbúl sem dæmdi í
umgengnisréttarbrotamáli Hal-
ims A1 7. mars sl. óskaði eftir
að fá til sín öll gögn forræðis-
málsins. Eftir að dómur var kveð-
inn upp og Halim A1 var dæmdur
til þriggja mánaða og tuttugu og
sex daga fangelsisvistar hafa
gögnin nú verið send gegnum
undirréttinn í Bakirköy til áfrýj-
unarréttarins í Ankara.
Tvö ný sakamál hafa verið
höfðuð af saksóknara í Bakirköy
eftir kærur vegna áframhaldandi
umgengnisréttarbrota Halims Al.
Þau verða að sögn Ólafs Egils-
sonar sendiherra tekin fyrir 10.
og 25. apríl nk. Hann segir gert
ráð fyrir að sakadómur komist
að sömu niðurstöðu og áður um
sekt Halims A1 í þessum nýju
málum þannig að fangelsisrefs-
ing sem hann hlýtur þá bætist
við þann tíma sem kveðið er á
um í dómnum frá 7. mars sl.
Mikill vilji til þess að ná
árangri
Ólafur hefur verið í nánu sam-
bandi við skrifstofu Tansu Ciller,
utanríkisráðherra Tyrklands, frá
því að ráðherrann og Halldór
Ásgrímsson utanríkisráðherra
áttu viðræður um mál Sophiu
Hansen i Brussel 18. febrúar sl.
„Frá skrifstofu ráðherrans hefur
verið unnið í málinu með ýmsum
hætti og það hefur verið ánægju-
legt að finna hversu mikils vilja
hefur gætt þar til þess að ná
árangri," sagði Ólafur.
Ásakanir gegn fíkniefnalögreglunni i
Ríkissaksóknari
rannsaki málið
ÞORSTEINN Pálsson dómsmála-
ráðherra segist ekki sjá aðra leið
til að upplýsa þær ásakanir sem
komið hafa fram að undanfömu
um starfsaðferðir fíkniefnalögregl-
unnar en að ríkissaksóknara verði
falið að rannsaka málið. Hann vill
þó ekki tilkynna um endanlega
ákvörðun sína fyrr en tillögur um
þetta efni hafa verið ræddar í ríkis-
stjóm. Þetta kom fram við utan-
dagskráramræðu sem fram fór að
beiði Margrétar Frímannsdóttur,
Alþýðubandalagi, á Alþingi í gær
um þær ásakanir sem komið hafa
fram í tímaritinu Mannlíf um meint
óeðlilegt samstarf fíkniefnalög-
reglunnar við þekktan fíkniefna-
sala.
Ráðherrann hafði það eftir lög-
reglustjóranum í Reykjavík að eng-
ir sérstakir samningar hafí verið
gerðir til að hlífa einstökum af-
brotamönnum við refsingum í
skiptum fyrir upplýsingar. Þor-
steinn sagði enga ástæðu til að
vefengja lögreglustjóra í þessu
efni.
Trúnaður lögreglu og
almennings í hættu
Margrét Frímannsdóttir, og aðr-
ir stjórnarandstæðingar, lýstu
miklum áhyggjum vegna ásakan-
anna sem fram hafa komið og
sögðu þær stefna trúnaði milli al-
mennings og lögreglu f hættu.
Þeir kölluðu á það reglur yrðu sett-
ar um hvort leyfa ætti upplýsinga-
kaup lögreglu vegna afbrotamála
og þá hvemig að þeim yrði staðið. |
Sérstaklega var bent á ábyrgð lög- ,
reglusljóra á hugsanlegum brotum |
undirmanna sinna. 1
Ráðherrann sagði að árið 1983
hafí ráðuneytisstjóri dómsmála-
ráðuneytisins veitti lögreglustjór-
anum í Reykjavík munnlega heim-
ild til að greiða uppljóstranar-
mönnum fyrir upplýsingar sem
Ieiddu til þess að lagt væri hald á
fíkniefni. Heimildin var veitt með ■
því skilyrði að hófs yrði gætt við 1
ákvörðun upphæðanna og að þ®r )
færu éftir mati lögreglustjóra í
hveiju sinni.
Samkvæmt upplýsingum ráð-
herra frá lögreglunni hafa greiðsl-
uraar verið fátíðar og f samræmi
við þau fyrirmæli sem gefín voru
upphaflega. Hann sagðist nú hafa
falið ríkislögreglustjóra að gera
tillögur um hvort leyfa eigi slíkar
greiðslu og hvaða reglum eigi að \
fylgja varðandi þær.
Strangari vopnalög í |
undirbúningi f
Margrét gagnrýndi einnig það
að lögreglan hefði árið 1991 selt
24 skammbyssur, sem hætt var
að nota, á almennum markaði.
Dómsmálaráðherra sagði að við
söluna hefði ströngum reglum
verið fylgt. Hann sagði einnig að ,
frumvarp til vopnalaga væri til \
meðferðar í ríkisstjórn þar sem |
stefnt væri að vopn sem þessi c
yrðu ekki seld á almennum mark- "
aði.