Morgunblaðið - 18.03.1997, Blaðsíða 20

20 ÞRIÐJUDAGUR 18. MARZ 1997
NEYTENDUR
MORGUNBLAÐIÐ
ÚRVERINU
Á LOÐNUVEIÐUM undir Jökli.
Morgunblaðið/Muggur
Loðnuveiði ennþá góð
MJÖG GÓÐ loðnuveiði var í Faxa-
flóa um helgina og voru flest skip
á veiðum um 30 mílur vestur af
Garðskaga í gær.
„Það var mokveiði héma á sunnu-
daginn en ekki eins mikill kraftur í
þessu í morgun,“ sagði Ægir Sveins-
son, skipstjóri á Jóni Sigurðssyni
GK, í samtali við Morgunblaðið í gær
þegar hann var á leiðinni til hafnar
með fullfermi. „Skipin voru mörg
að fá upp í 400 tonna köst á sunnu-
daginn en það eru margir bátar í
þessu núna og ekki mikið að fínna
eins og er, menn að taka 100-200
tonn í kasti, en veiðin skánar þó
vanalega eftir því sem líður á dag-
inn. Þetta er ágætis loðna og full
af hrognum ennþá en menn era al-
mennt sammála um að nú sé stutt
eftir. Vonandi endist þetta fram að
páskum," sagði Ægir.
Þá voru nokkur skip að veiðum
norðvestur af Snæfellsnesi í gær
og fyrradag en bræla hamlaði veið-
um á því svæði eftir hádegið í
gær. Örn KE náði þó þokkalegu
kasti þar í gærmorgun. Maron Öl-
afsson, skipstjóri á Guðmundi Ólafi
ÓF, sagðist hafa fengið fengið 150
tonna kast á svæðinu á sunnudag,
loðnan væri góð og ekki búin að
hrygna ennþá.
Formaður Sjómannafélagsins Jötuns í Vestmannaeyjum
Þorski landað sem ýsu
á erlendum mörkuðum
ÚTVEGSBÆNDAFÉLAG Vest-
mannaeyja hefur farið þess á leit
við Fiskistofu að rannskað verði
sannleiksgildi ummæla Elíasar
Björnssonar, formanns Sjómanna-
félagsins Jötuns, sem höfð voru
eftir honum í bæjarblaðinu Frétt-
um í Vestmannaeyjum. Þar full-
yrðir Elías að töluverðu af þorski
sem fluttur er í gámum frá ís-
landi sé landað sem ýsu á mörkuð-
um í Englandi. Fiskistofa mun að
öllum líkindum fara fram á það
við sýslumannsembættið í Vest-
mannaeyjum að tekin verði ná-
kvæm skýrsla af Elíasi vegna
ummælanna.
Elías segist í samtali við Morg-
unblaðið hafa rökstuddan grun um
að þorski frá íslandi sé landað sem
Fiskistofa
rannsakar um-
mælin að beiðni
útvegsmanna
ýsu á erlendum mörkuðum en vill
þó ekki nefna einstök dæmi. „Þetta
viðgengst auðveldlega ef búið er
að selja gáminn áður en hann fer
af stað og kaupandinn tekur við
honum á bryggjunni í Bretlandi.
Öll mín vitneskja kemur beint frá
sjómönnunum sjálfum og ég get
því ekki nefnt einstakar útgerðir
eða skip. Þetta tíðkast á erlendum
mörkuðum, alveg eins og hér
heima og sýnir að kerfið er kolvit-
laust og handónýtt eins og það er
í dag,“ segir Elías.
Á stjórnarfundi í Útvegsbænda-
félagi Vestmannaeyja í síðustu
viku var einróma samþykkt að
óska eftir því við Fiskistofu að
rannsaka sannleiksgildi orða for-
manns Sjómannafélagsins Jötuns.
Magnús Kristinsson, formaður út-
vegsbændafélagsins, segir mikinn
vilja innan raða útgerðarmanna
fyrir að þeir verði hreinsaðir af
þessum athugasemdum. „Þetta eru
mjög alvarlegar ásakanir. Þær ná
ekki aðeins til okkar útgerðar-
manna, heldur er hér verið að
ásaka stóran hóp manna, bæði
umboðsmenn og viktarkerfið er-
lendis. Við könnumst alls ekki við
að svona hafi verið staðið að mál-
um en ef sú er raunin yrði það
áfellisdómur fyrir markaðinn í
heild,“ segir Magnús.
Ekki fengið fullnægjandi
skýringar
Þórður Ásgeirsson fiskistofu-
stjóri segir að haft hafi verið sam-
band við Elías um leið og beiðni
útvegsbænda barst. Ekki hafi feng-
ist fullnægjandi skýringar á um-
mælunum af hans hálfu og því
verði hann að öllum líkindum beðinn
um að gefa nánari skýrslu. Að sögn
Þórðar hafa ekki komið upp mál
af þessu tagi í áraraðir. Fiskistofa
hafí eftirlitsmenn á mörkuðum í
Bretlandi sem gefi skýrslur um all-
an afla, sem fari um markaðina,
bæði í Hull og Grimsby, sem séu
svo bornar saman við útflutnings-
áælanir. „Sá samanburður gefur
okkur ekki tilefni til að halda að
þessi ummæli eigi við rök að styðj-
ast,“ segir Þórður.
Þorski landað
sem ufsa
FISKISTOFA hefur hafið rann-
sókn á tveimur kvótamisferlis-
málum á Suðumesjum þar sem
þorski var landað úr skipum sem
ufsa.
Fiskistofa hefur rannsakað
kvótamisferli ákveðinna aðila á
Suðurnesjum um nokkurn tíma
og hófst lögreglurannsókn vegna
málanna í gær. Hilmar Baldurs-
son, lögfræðingur Fiskistofu,
vildi ekki tjá sig um rannsóknina
að svo stöddu en eftir því sem
Morgunblaðið kemst næst er hér
um tvö mál að ræða og leikur
grunur á að í báðum tilfellum
hafi ufsi verið skráður á löndun-
arskýrslur þar sem raunverulega
var um þorsk að ræða. Mun ann-
að málið vera nokkuð umfangs-
mikið þar sem þorski var landað
sem ufsa úr togaranum Hauki
GK í Sandgerði í frystihúsi á
staðnum sem er í eigu sömu
aðila. í hinu tilfellinu var um
1.900 kílóum af þorski landað
með öðram afla, einkum ufsa,
úr bát í eigu Nesfisks hf. í Garði.
Bergþór Baldvinsson, fram-
kvæmdastjóri Nesfísks hf., telur
ekki ástæðu til að tjá sig um
málið.
Fríkort fimm fyrirtækja
Punktum safnað
fyrir málsverði
eða utanlandsferð
ÞESSA dagana
fá landsmenn
eldri en átján
ára sent nýtt
kort í pósti, svo-
kallað Fríkort.
Notkun þess fel-
ur í sér umbun
til þeirra sem
era í viðskiptum
við þau fyrirtæki sem að kortinu
standa, Skeljung, Flugleiðir, Hag-
kaup, Húsasmiðjuna og íslands-
banka.
í fréttatilkynningu frá fyrirtækj-
unum segir að ef kortið er notað við
kaup á vörum og þjónustu hjá þess-
um fimm fyrirtækjum safni fólk
punktum sem hægt er að taka út í
flugferðum, í leikhúsferðum eða fara
út að borða. Með því að nota debet-
eða kreditkort frá Islandsbanka fást
punktar hvar sem verslað er. Fjöl-
skyldur geta safnað í sameiginlegan
ferðasjóð því punktar hjóna og fólks
í sambúð safnast á einn sameiginleg-
an reikning. Hægt er að sækja um
sérkort fyrir börn yngri en 18 ára.
Af og til verða fyrirtækin með tilboð
og þá bjóðast fleiri punktar en venju-
lega fyrir kaup á tiltekinni vöru.
Tvöfaldur punktafjöldi
til mánaðamóta
Fyrsta tilboðið er þegar ákveðið
en það felst í að öll notkun Fríkorts-
ins mun til næstu mánaðamóta skila
tvöföldum punktafjölda inná korta-
reikninga.
Sem dæmi um punktafjölda sem
fæst í hvert skipti má nefna að sé
keypt í Húsasmiðjunni fyrir 1.000
krónur færast
50 punktar inn á
kort viðkomandi.
Sé keypt mat-
vara í Hagkaupi
fyrir 1.000 krón-
ur færast 5
punktar inn á
reikning og sé
keypt í sérvöru-
deild Hagkaups fyrir 1.000 krónur
eru það 25 punktar sem fást. Þá eru
veittir 50 punktar hjá Skeljungi sé
keypt fyrir 1.000 krónur í sérvöru-
deild fyrirtækisins og fyrir hveija
10 lítra af bensíni fást 15 punktar.
Sé keypt pakkaferð hjá Flugleiðum
fást 10 punktar fyrir hveijar þúsund
krónur og ef um almennt fargjald
er að ræða fást 25 puntkar fyrir
hveijar þúsund krónur. Að lokum
má nefna að ef fólk greiðir fyrir
vörar og þjónustu með debet- eða
kreditkorti frá íslandsbanka fást 2
punktar fyrir hveijar þúsund krónur.
50.500 punktar til
Kaupmannahafnar
- En hversu mörgum punktum
þarf að safna til að eiga fyrir úttekt?
Samkvæmt fréttatilkynningu frá að-
standendum Fríkortsins þarf að eiga
54.000 punkta til að komast til París-
ar að sumri til en 38.000 punkta ef
um vetrarferð er að ræða. Freisti
Kaupmannahöfn Fríkortshafa þurfa
þeir að eiga inni 50.500 punkta ætli
þeir að ferðast að vetri til en 67.000
punkta sé um sumarferð að ræða.
Leikhúsferð krefst 3.500 punkta og
eigi að fara út að borða þurfa punkt-
amir að vera 7.500.
Samkeppnisstofnun
Banna auglýsingar
frá Japis, Bræðrunum
Ormsson og Islensku
Au Pair þjónustunni
Á FUNDI samkeppnisráðs hinn 13. tækjum að veita ófullnægjandi upp-
mars var ákveðið að banna auglýs-
ingar frá þremur fyrirtækjum.
Ákveðið var að banna Bræðrunum
Ormsson að auglýsa að Pioneer
hljómtæki væra ^mest seldu hljóm-
flutningstæki á íslandi þar til full-
yrðingin hefði verið sönnuð með full-
nægjandi hætti. í fréttatilkynningu
frá Samkeppnisstofnun segir að ráð-
ið hafi talið að þar sem hvergi kæmi
fram í auglýsingum við hvaða tíma-
bil fullyrðingin miðaðist, hefði fyrir-
tækið brotið gegn því ákvæði sam-
keppnislaga sem m.a. bannar íyrir-
IMýtt
Axe herra-
snyrtivörur
FARIÐ er að selja herrasnyrtivörur
frá Axe hér á landi. Til er rak-
spíri, líkamsúði og svitalyktareyðir
með ijórum ilmtegundum, Marine,
Musk, Oriental og Mirage.
Axe snyrtivörurnar eru breskar
og það er Ásgeir Sigurðsson ehf.
sem sér um innflutning og dreif-
ingu. Vörurnar fást í matvöruversl-
unum.
lýsingar í auglýsingum.
Efnið sótt í bækling
keppinautarins
Þá var lagt bann við dreifingu á
auglýsingabæklingnum „Ég fer sem
Au Pair“ frá íslensku Au Pair þjón-
ustunni. Talið var að útgáfa bækl-
ingsins bryti í bága við góða við-
skiptahætti í atvinnustarfsemi. Bann
var lagt við dreifingunni þar sem
ljóst þótti að efnið hefði verið sótt
beint í bækling keppinautarins, au
pair-þjónustunnar Vistaskipta og
náms.
Vörurnar aldrei seldar
á upprunalegu verði
Að lokum var Japis bannað að
auglýsa stórútsölu og tilboð á vörum
sínum nema um raunverulega verð-
lækkun væri að ræða. Ástæða
bannsins eru auglýsingar fyrirtæk-
isins á útsölum og margs konar til-
boðum sem birst hafa í fjölmiðlum
að undanförnu. í auglýsingunum er
bæði getið um upprunalegt verð og
tilboðsverð á ýmsum vörum. Svo
virðist sem vörurnar hafi aldrei ver-
ið seldar á því verði sem auglýst
hefur verið sem upprunalegt verð.
Samkeppnisráð ákvað því að banna
auglýsingarnar á þeim forsendum
að með þeim væri verið að bijóta
gegn því ákvæði samkeppnislaga
sem bannar auglýsendum að veita
rangar og villandi upplýsingar í aug-
lýsingum sínum.
!
I

t
t
l
I
L
I
t
■
.