Morgunblaðið - 18.03.1997, Blaðsíða 8

8 ÞRIÐJUDAGUR 18. MARZ 1997
MORGUNBLAÐIÐ
FRÉTTIR
r ■ -
VILTU ekki fá eitt Denni minn? Ertu ekki orðin hundleiður á að allir séu með nefið ofan
í þínum launakoppi?
871 tengdist fíkni-
efnamálum áríð 1996
Á SÍÐASTA ári höfðu lögreglu-
menn afskipti af fíkniefnafólki í 529
tilvikum. Um var að ræða 871 ein-
stakling, þ.a. 87 konur. Af þessum
hópi þótti ástæða til að handtaka
193.
Leitir voru gerðar á 784 aðilum
eftir að stöðvuð höfðu verið 210
ökutæki, farið inn í 96 hús eða leit-
að á gangandi vegfarendum. Þjófa-
góss fannst á 34 stöðum, áhöld til
fíkniefnaneyslu á 42 stöðum og nál-
ar eða sprautur á 39 stöðum.
Lagt var hald á amfetamín í 114
tilvika, 93 sinnum fannst hass og
13 sinnum maríjúaná.
Flestir 16-24 ára
í einu tilviki fundu lögreglumenn
skammt af LSD, en þeir lögðu ný-
lega hald á 50 slíka skammta við
húsleit. Tólf sinnum var lagt hald á
kókaín, 7 sinnum E-töflur og í 12
tilvikum var um sveppi að ræða. Auk
þess var í 22 tilvikum lagt hald á
önnur ætluð fíkniefni.
Hlutfallslega flestir sem afskipti
voru höfð af voru á aldrinum 16-24
ára. Margir á þeim aldri komu og
ítrekað við sögu slíkra mála.
C/vicl-5 LSiVTEC
715 hestöfl eyð'r
a «/ h 100 km.
aöeins 4.8ia
Er að skrifa bók um Laugarnes
Sagan austan
við Fúlalæk
LAUGARNES er efni
bókar sem Þorgrím-
ur Gestsson vinnur
að og er reyndar langt
kominn með. Hann er fyrst
spurður um ástæðuna fyrir
því að þessi staður vakti
áhuga hans.
„Upphaflega hóf ég
verkið vegna þess að ég á
rætur í Laugamesi. Afi og
amma, Þorgrímur Jónsson
og Ingibjörg Þóra Krist-
jánsdóttir sem áttu sex
börn, fengu jörðina 1915
og héldu henni til æviloka
afa. Þau voru síðustu
bændur í Laugarnesi. Sig-
urður Ólafsson söngvari
leigði hjá þeim og bjó þar
lengi með fjölskyldu sinni.
Húsið er byggt 1885 ári
eftir að bærinn keypti jörð-
ina.“
- Hver var þá kveikjan að bók-
inni?
„Ég fór að tala við Ólaf Þor-
grímsson, föðurbróður minn, fyrir
átta árum og fékk þá hugmynd-
ina. Eftir að hafa forvitnast um
margt hjá Ólafi og tekið upp eft-
ir honum vaknaði í mér blaðamað-
urinn og ég fór að bera saman
munnlegar og skjalfestar heimild-
ir. Ég datt ofan í Laugarnes- og
Kleppsskjöl í Borgarskjalasafni
og fékk sumt staðfest, annað
ekki. Margt hef ég eftir Ólafi sem
hvergi er til á prenti. Segja má
að ég hafi sokkið ofan í heimild-
asjóinn. Bók mín er saga Reykja-
víkur fyrir austan Fúlalæk."
- Ekki er víst að allir lesendur
kannist við Fúlalæk.
„Þetta eru aldagömul landa-
merki milli Rauðarár og Laugar-
ness. Lækurinn kom úr Kringlu-
mýri. Veitingahúsið Klúbburinn
stóð á bakka Fúlalækjar, tjömin
um það bil þar sem þvottaplan
Þróttar er. Én Laugarnesjörðin,
sögusvið bókarinnar, náði suður
í Fossvog og austur að Bústöðum
og Kleppi.“
- Þetta heimildahaf, sjórinn
sem þú segist hafa dottið ofan í?
„Ég rakti fljótlega Laugarnesið
til Hallgerðar langbrókar og
Ragabræðra. Bókin byijar á
landnámi. Ingólfur og Hallveig
og fylgdarfólk koma ríðandi aust-
an af heiði. Ég reyni að lýsa
Nesinu eins og það blasti við þeim
og ét mig síðan fram eftir öldum,
en allan þann tíma, fram á 18.
öld, var Laugarnes í eigu sömu
ættarinnar, afkom- -----------
emda svonefndrar
Hólmsættar og Möðru-
vallamanna í Eyjafirði.
Fornbréfasafnið hefur
nýst mér vel. Frá átj-
ándu öld er til mikið um kirkjuna
í Laugarnesi, en vitað er að hún
var risin um 1200. Það mótar enn
greinilega fyrir kirkjugarði og
kirkjan hefur verið inni í miðjum
garðinum. Samkvæmt lýsingum
hefur verið eilíf barátta að halda
svona kirkjum í lagi, m.a. vegna
vatnságangs og fúa.“
- Bókin er öðrum þræði fjöl-
skyldu- og ættarsaga.
„Hún er um fleira en mínar
rætur. Ég hef tekið ein 40 viðtöl
við fólk sem átti heima í Laugar-
nesi. Ég fjalla um fólk- og
byggðaþróun. Fiskverkunar-
stöðvar voru settar á stofn í
kringum aldamót 1926-27, og
reis byggð á árunum 1926 og ’27
öðrum megin við Laugarnesveg
og íbúafjöldi margfaldaðist. Til
hliðar við aðalsögu er saga sund-
lauganna, biskupsseturs í Laug-
Þorgrímur Gestsson
►Þorgrímur Gestsson er
fæddur 1947. Hann lauk kenn-
araprófi 1967 og nam við
Blaðamannaskólann í Ósló
1977-78. Blaðamennsku hefur
hann stundað lengst af frá
1968, fyrst á Alþýðublaðinu,
Helgarpóstinum og fleiri blöð-
um og verið kennari í nokkur
ár. Hann var fréttamaður á
Ríkisútvarpinu um árabil.
Hann var ritstjóri Vinnunnar
frá 1991-95 og hefur fengist
við ritstörf síðan. Kona hans
er Guðbjörg Árnadóttir flug-
freyja hjá Atlanta og eiga þau
tvær dætur, Þuríði Björgu og
Sigrúnu Völu.
Reyni að hafa
frásagnar-
gieði í bókinni
arnesi og Holdsveikraspítalans.
Ég segi frá lista- og mennta-
mönnum sem bjuggu þar, til
dæmis Ásmundi Sveinssyni og
Guðmundi Bárðarsyni kennara. “
- Hvar ætlarðu að enda?
„Ég er að undirbúa lendingu,
en ég rakst á ýmislegt forvitni-
legt í þessu grúski mínu sem
gæti verið gaman að athuga nán-
ar síðar. Ekki hefur verið gengið
frá því hver verður útgefandi. Eg
er í óformlegu samstarfí við Ár-
bæjarsafn og hef fengið styrki frá
Reykjavíkurborg. Þeir urðu til
þess að ég gat sagt upp starfí
mínu sem ritstjóri og helgað mig
eigin ritstörfum. Ég hoppaði að
vísu út í óvissuna.“
Þorgrímur segir að gríðarlegur
barnafjöldi hafí verið í byggðinni
við Laugarnes. Þessi börn séu
gkmalt fólk nú. Hon-
um er umhugað um
að fá sem flestar
myndir í bókina og
leitar eftir aðstoð
þeirra sem eiga mynd-
ir, einkum af byggðinni, húsum
og götum, til dæmis búðinni sem
stóð á horni Laugamesvegar og
Sundlaugavegar, en þar var líka
einn af fyrstu bensíntönkum
landsins með bensíni frá Standard
Oil. Til er mikið af myndum frá
sundlauginni og fískbreiðslu, af
Laugamesbænum og Holdsveik-
raspítalanum, en myndir vantar
frá sjálfu þorpinu og einnig
mannlífsmyndir því að margir eru
nefndir til sögu.
Þorgrímur segir að í bókinni
berist leikurinn víða um holt og
mýrar Reykjavíkur: „Ég hugsa
mér fyrst og fremst aðgengilega
og læsilega sögu, byggða á heim-
ildum. Blaðamennska í fjölda-
mörg ár hefur sín áhrif, en ég tek
tillit til bókmenntaþátta og reyni
að hafa frásagnargleði í bókinni,"
segir Þorgrímur Gestsson.