Morgunblaðið - 18.03.1997, Blaðsíða 42

42 ÞRIÐJUDAGUR 18. MARZ 1997
MORGUNBLAÐIÐ
y
Morgunblaðið/Jón Svavarsson
ÍSAK og Halldóra gerðu það gott á laug-
ardaginn og unnu til bronsverðlauna í
standard og gullverðlauna í latin.
GUÐNI Rúnar og Helga Dögg sigruðu
tvöfalt á laugardaginn.
GUNNAR Hrafn og Ragnheiður dansa
hér paso doble.
Jón Pétur og Kara sigr-
uðu í sinni síðustu keppni
PANS
í þróttahúsið við
Strandgötu
ÍSLANDSMEISTARA-
KEPPNI í SAMKVÆM-
ISDÖNSUM
íslandsmeistarakeppni í samkvæm-
isdönsum, með fijálsri aðferð, var
haldin síðastliðinn laugardag í
íþróttahúsinu við Strandgötu í
Hafnarfirði. Keppt var annarsveg-
ar í sígildum samkvæmisdönsum
og í suður-amerískum dönsum
hinsvegar. A annað hundrað pör
voru skráð til leiks og fjöldi áhorf-
enda, til að fylgjast með og hvetja
sitt fólk.
Unglingar I (12-13 ára)
Þessi flokkur keppti í 4 sígild-
um samkvæmisdönsum og 4 suð-
ur-amerískum dönsum. Þetta er
yngsti hópurinn sem keppir með
frjálsri aðferð og mörg hver á sínu
fyrsta keppnisári í þeim keppnis-
flokki. Eg var mjög ánægður með
þann grunn sem flest þessara
para höfðu og verður gaman að
fylgjast með þeim á komandi
árum.
Þessi flokkur dansaði suður-
amerísku dansana fyrst og gerði
það með miklum sóma og er ljóst
að þarna er margt góðra dansara.
Athugið þið fótaburðinn svolítið
betur; þið hafíð sterka og góða
fætur, notið þá! Sigurvegarar í
þessum flokki voru Guðni Rúnar
og Helga Dögg; ákaflega heillandi
par. Þau áttu frábæran dag og
sigruðu örugglega að mínu mati,
og hjálpaðist þar að góður dans
og mikil innlifun. Það var hrein
unun að horfa á rúmbuna þeirra,
eins var samban sérstaklega vel
útfærð.
í öðru sæti voru Árni og Aðal-
heiður. Þau náðu betur saman
núna og unnu betur með fótunum
en þau hafa gert og skilaði það
þeim öðru sætinu, sérstaklega
fannst mér jive-ið þeirra fjörugt
og vel dansað.
Guðni Rúnar og Helga Dögg
sigruðu líka í sígildu samkvæmis-
dönsunum og gerðu ekki síður
góða hluti þar en í suður-amerísku
dönsunum. í öðru sæti voru Hilm-
ir og Jóhanna Berta, sem áttu
góðan dag, þau hafa sýnt miklar
framfarir á tiltölulega stuttum
tíma. Fannst mér enski valsinn
HILMIR Jensson og Jóhanna
Berta Bernburg urðu í 2.
sæti í standard dönsum í
unglingaflokki I.
þeirra bezti dans; mjúkur og góð-
ar línur.
Unglingar II (14-15 ára)
Þessi flokkur dansaði alla 10
dansana og byrjaði á sígildu sam-
kvæmisdönsunum. Að mínu mati
voru þetta ein jöfnustu undanúr-
slit sem ég hef séð hér á landi
og hefur eflaust verið mjótt á
mununum. Sigurvegarar í þessum
flokki voru Hafsteinn og Laufey
Karítas. Þau voru mjög glæsileg
á gólfínu og gerðu góða hluti.
Flestar línur voru hreinar og ve]
útfærðar og dansinn fallegur. í
öðru sæti urðu Gunnar Hrafn og
Ragnheiður. Þetta er einnig mjög
glæsilegt par og vinnur ákaflega
vel með fótum sínum og hafa þau
eflaust verið fast á hæla Hafsteins
og Laufeyjar.
í suður-amerísku dönsunum
sigruðu ísak Nguyen og Halldóra
Ósk. Þau voru hreint út sagt frá-
bær. Það má svo með sanni segja
að dansinn komi innan frá hjá
þessu danspari. Það var mikill
kraftur í þeim og þau gerðu sér
mikinn mat úr hverri einustu
hreyfingu. Haldiði áfram á sömu
braut! I öðru sæti voru Hafsteinn
og Laufey Karítas. Þau hafa oft
dansað betur, það var eins og þau
væru eilítið kærulaus. Þetta er
SNORRI Engilbertsson og
Doris Ósk Guðjónsdóttir
dansa hér tangó af innlifun.
engu að síður gott par, sem getur
gert enn betur með meiri einbeit-
ingu og betri notkun á fótum.
Ungmenni (16-18 ára)
Einungis var keppt í flokki 16
ára og eldri á laugardaginn, en í
þessum flokki þurfti að velja tvö
pör til að vera fulltrúar íslands á
Evrópu- og heimsmeistaramótum
á næsta ári. Keppnin stóð að mínu
mati á milli tveggja frábærra
para, og sú varð raunin. I fyrsta
sæti, í báðum greinum, urðu
Benedikt og Berglind, stórkost-
legir dansarar. Þeim hefur farið
geysilega mikið fram að undan-
förnu, sérstaklega í sígildu sam-
kvæmisdönsunum. í öðru sæti
urðu Brynjar Örn og Sesselja,
ekki síður stórkostlegir dansarar
og hefur eflaust verið mjótt á
mununum. Bæði þessi pör eru að
fara utan á næstunni; Benedikt
og Berglind til Blackpool og
Brynjar Órn og Sesselja á heims-
meistaramót ungmenna í Slóve-
níu. Bæði þessi pör verða okkur
íslendingum, án efa, til mikils
sóma.
Áhugamenn 16 ára og eldri
Þessi flokkur byrjaði á sígildu
samkvæmisdönsunum og dansaði
nokkuð vel. Þó finnst mér að hér
mætti leggja meiri vinnu í fóta-
burðinn, það má gera meiri kröfur
um hann hjá þetta góðum dönsur-
um! Fyrstu tvö sæti féllu í skaut
sömu para og í flokknum hér á
undan; þeim Benedikt og Berg-
lindi og Brynjari Erni og Sesselju.
Mikil spenna ríkti er þessi
flokkur keppti í suður-amerisku
dönsunum. Var keppnin þar mjög
jöfn og spennandi. Að lokum fór
svo að Víðir og Magda báru sigur
úr býtum eftir harða_ og tvísýna
keppni við systkinin Árna Þór og
Erlu Sóley. Mér fannst Víðir og
Magda dansa mun betur í undan-
úrslitunum heldur en í úrslitunum,
sérstaklega þó jive-ið, það var
eins og það vantaði svolítinn kraft
í þau i úrslitunum. En glæsileg
eru þau, því verður ekki neitað!
Mér fannst Árni Þór og Erla eiga
nokkuð góðan dag, voru afslöppuð
og dönsuðu vel, sérstaklega í úr-
slitunum. í þessum flokki voru svo
fleiri ákaflega sterk pör sem voru
að blanda sér í toppbaráttuna.
Fullorðnir 35 ára og eldri
Einungis eitt par keppti í flokki
fullorðinna, 35 ára og eldri, þau
Bjöm og Bergþóra María. Þetta
var í fyrsta sinn sem keppt var í
þessum flokki, með fijálsri aðferð,
hér á íslandi.
Atvinnumenn
Það voru svo atvinnumenn sem
luku keppninni og voru 4 pör
mætt til leiks. Jón Pétur og Kara
fóru með sigur af hólmi og Hauk-
ur og Esther Inga unnu til silfur-
verðlauna. Að verðlaunaafhend-
ingu lokinni var lesin upp yfirlýs-
ing frá Jóni Pétri og Köru, þar
sem þau tilkynntu að þessi keppni
hafi verið sú síðasta sem þau
tækju þátt í. Áhorfendur og kepp-
endur þökkuðu þeim fyrir ánægju-
legar stundir á dansgólfinu með
langvinnu lófataki.
í keppni sem þessari, þar sem
keppnispör eru svo sterk, sem
raun ber vitni, skiptir dagsformið,
að mínu mati, öllu máli. í tækni
eru flest paranna svo jafnsterk
að vart má á milli sjá.
Eins og fyrr sagði var einnig
boðið uppá keppni með grunn-
sporum og var það í upphafi
keppnisdags. Stóðu þeir keppend-
ur sig með stakri prýði, sem
endranær.
Dómarar keppninnar voru 7;
Bo og Helle Loft Jensen frá Dan-
mörku, Kirsten Dan Jensen frá
Danmörku, Freddie Boultwood,
Graham Oswick og Pamela McGill
frá Englandi og Sigurður Há-
konarson frá íslandi. Held ég að
flestir hafí verið sáttir við þeirra
störf!
Dagurinn gekk vel fyrir sig,
að mínu mat, og sýndist mér ,
keppendur og áhorfendur vera í
hátíðarskapi, enda voru þarna á
ferðinni glæsilegustu dansarar
okkar íslendinga. Ég geri orð
Freddie Boultwood að mínum, en
að lokinni keppni sagði hann: „Ég
hef komið hingað til lands 4 sinn-
um á síðastliðnum 12 árum og
hef ég sjaldan eða aldrei séð aðr-
ar eins framfarir í dansi eins og
hér, á svona stuttum tíma ...
hvaða land sem er gæti verið stolt
af því að eiga þessa frábæru dans-
ara!“
Keppendur eru skráðir frá þeim
félögum sem þeir tilheyra en þau
eru: Gulltoppur (GT) úr Dans-
skóla Jóns Péturs og Köru, Hvönn
(HV) úr Dansskóla Sigurðar Há-
konarsonar, Nýja dansfélagið úr
Nýja dansskólanum, Kvistir (KV)
úr Danssmiðju Hermanns Ragn-
ars, Pálmar (PM) úr Dansskóla
Auðar Haraldsdóttur og Ýr (Ýr)
úr Dansskóla Heiðars Ástvalds-
sonar.
ÚRSLIT
Unglingar I, sígildir samkv.
1. Guðni R. Kristinsson/Helga D. Helgad. HV
2. Hilmir Jensson/Jóhanna B. Bemburg KV
3. Ámi Traustason/Aðalheiður Sigfúsdóttir GT
4. GuðmundurHafsteinss./ÁstaSigvaldad. HV
5. SturlaugurGarðarsson/DíanaGuðmundsd. ND
6. Hrafn Davíðsson/Anna Claessen GT
7. AndreasBoysen/HugrúnÓ.Guðiónsd. ND
Unglingar I,
suður-amerískir d.
1. Guðni R. Kristinsson/Helga D. Helgad. HV
2. Ámi Traustason/Aðalheiður Sigfúsdóttir GT
3. HilmirJensson/Jóhanna Berta Bemburg KV
4. Hrafn Davíðsson/Anna Claessen GT
5. Páll Kristjánss./Steinunn Þ._ Sigurðard. KV
6. Guðmundur F. Hafáeinss./Ásta Sigvaldad. HV
Unglingar II, sígildir samkv.
1. Hafsteinn Jónass./Laufey K. Einarsd. GT
2. GunnarH.Gunnarss./RagnheiðurEiríksd. GT
3. ísak N. Halldórss./Halldóra Ó. Halldórsd. HV
4. Oddur A. Jónss./Kristín M. Tómasd. HV
5. Haraldur A. Skúlas./Sigrún Ýr Magnúsd. PM
6. Snorri Engilbertss./Dóris Ósk Guðjónsd. ND
Unglingar II, suður-amerískir
1. ísak N. Halldórss./Halldóra Ó. Halldórsd. HV
2. Hafsteinn Jónass./Laufey K. Einarsd. GT
3. GunnarH.Gunnarss./RagnheiðurEiríksd. GT
4. Snorri Engilbertss./Dóris Ó. Guðjónsd. ND
5. Haraldur A. Skúlas./Sigrún Ýr Mapúsd. PM
6. Skapti Þóroddss./Ingveldur Lárasdóttir ND
7. Sigurður H. Hjaltas./Linda Heiðarsdóttir HV
Ungmenni (16-18 ára),
báðar greinar
1. Benedikt Einarss./Berglind Ingvarsd. GT
2. Brynjar Ö. Þorleifss./Sesselja Sigurðard. KV
Áhugamenn 16 ára og eldri,
sígildir samkv.
1. Benedikt Einarsson/Berglind Ingvarsd. GT
2. Brynjar Ö. Þorleifsson/Sesselja Sigurðard. KV
3. Davíð Arnar Einarsson/Berglind Petersen GT
4. ÞorvaldurS.Gunnarss./JóhannaE.Jónsd. ND
5. Hinrik Ö. Bjamason/Þórunn Óskarsd. ND
6. Hjörtur Hjartarson/Elín B. Skarphéðinsd. KV
7. Daníel Traustason/Ásta S. Snorrad. KV
Áhugamenn 16 ára og eldri,
suður-amerískir
1. Víðir Stefánsson/Magda Pozarska GT
2. Ámi Þ. Eyþórsson/Erla S. Eyþórsdóttir KV
3. Benedikt Einarsson/Berglind Ingvarsd. GT
4. Brynjar Ö. Þorleifsson/Sesselja Sigurðard. KV
5. ÞorvaldurS.Gunnams./JóhannaE.Jónsd. ND
6. Daníel Traustason/Ásta S. Snorradóttir KV
7. Hjörtur Hjartarson/Elín B. Skarphéðinsd. KV
8. Hafsteinn V. Guðjónsson/Nína Haraldsd. Ý r
Fullorðnir, 35 ára og eldri
1. Bjöm Sveinsson/Bergþóra M. Bergþórsd. GT
Atvinnumenn, sígildir samkv.
1. Jón P. Úlfljótsson/Kara Amgrimsdóttir
Atvinnumenn,
suður-amerískir
1. Jón P. Úlfljótsson/Kara Amgrimsdóttir
2. Haukur Raparsson/Esther I. Níelsdóttir ND
3. Ólafur M. Guðnason/María D. Steingrímsd.
4. Logi Vígþórsson/Gréta B. Blængsdóttir
JóhannGunnar Arnarsson