Morgunblaðið - 19.03.1998, Blaðsíða 11

MORGUNBLAÐIÐ
FIMMTUDAGUR 19. MARZ 1998 11
FRÉTTIR
Hörð barátta milli stærstu netþjónustufyrirtækjanna í landinu
Tveir aðilar segj-
ast hafa keypt
Skímu/Miðheima
MIKIL barátta stendur nú yfir
milli tveggja af stærstu netþjón-
ustufyrirtækjum í landinu. Sam-
kvæmt upplýsingum Morgunblaðs-
ins telja bæði Landssíminn hf og
Islandia Internet sig hafa gert
bindandi samning um kaup á þriðja
fyrirtækinu á þessum markaði,
Skímu/Miðheimum, fyrir 160 millj-
ónir króna. Samkvæmt upplýsing-
um Morgunblaðsins ætluðu for-
svarsmenn Islandia Internet með
málið til dómstóla fengju þeir
hlutabréf í fyrh'tækinu ekki afhent
í gær. Deilur um forkaupsrétt hlut-
hafa Skímunnar/Miðheima bland-
ast inn í málið.
Þarna takast meðal annars á Jón
Olafsson, stjórnarformaður Is-
lenska útvarpsfélagsins, sem er
eigandi Islandia Internet, Þórarinn
V. Þórarinsson, stjórnarformaður
Landssímans hf og framkvæmda-
stjóri VSÍ, Eyjólfur Sveinsson,
stjórnarformaður Frjálsrar Fjöl-
miðlunar og Skímu/Miðheima hf. og
Frosti Bergsson, forstjóri Opinna
kerfa hf, hluthafa í Skímu/Mið-
heimum.
Heimildir Morgunblaðsins
hei-ma að eigendur Islandia Inter-
net telji að eftir fundi á mánudag
hafi verið kominn á bindandi samn-
ingur við Skímu/Miðheima um að
Islandia Internet keypti fyrirtækið
fyrii' 160 milljónir króna. Helming-
ur kaupverðsins átti að greiðast út
en helmingur á átta mánuðum.
Þessi samningur hafi átt sér a.m.k.
fjögurra mánaða aðdraganda.
Allt fram undir hádegi á þriðju-
dag töldu eigendur Islandia Inter-
net að verið væri að vinna við skjöl
og undirbúa undirritun samnings-
ins. Síðdegis á þriðjudag fengu þeir
svo fréttir af því að búið væri að
ganga frá kaupum Landssímans á
fyrirtækinu.
Heimildir innan Landssímans
herma að það tækifæri hafí boðist í
skyndingu. Landssíminn hafi nú
gert skriflegan samning um kaup
fyrirtækisins, sem stjórn fyrirtæk-
isins hefur fjallað um og sam-
þykkt. Forsaga kaupanna sé sú að
forsvarsmenn Skímu/Miðheima
hafi snúið sér til Landssímans og
boðið fyrirtækið til sölu á sama
verði og áður hafði verið samið um
við Islandia Internet. Morgunblað-
ið fékk staðfest að kaup Landssím-
ans á Skímu/Miðheimum hefðu
verið rædd og ákveðin á stjórnar-
fundi.
Þórarinn V. beggja
vegna borðsins?
Heimildarmenn Morgunblaðsins
úr báðum herbúðum telja að andúð
á umsvifum Jóns Olafssonar hafi
ráðið miklu um það að eigendur
Skímu/Miðheima vildu heldur selja
Landssímanum en Islandia Inter-
net.
Viðmælandi sem þekkir til innan
Landssímans segir að ákveðnir
starfsmenn innan Skímu/Miðheima
hafi ekki viljað starfa fyrir fyrir-
tæki i eigu Jóns. Starfsfólk fyrir-
tækisins mun þó ekki hafa vitað
hvaða hræringar voru í gangi fyrr
en í gær.
Islandia Internet-megin borðsins
er litið með tortryggni á þátt Þór-
arins V. Þórarinssonar í málinu.
Þrjú stærstu íyrirtæki
landsins í netþjónustu
teng;jast harðri við-
skiptadeilu sem komin
er upp, segir í grein
Péturs Gunnarssonar.
Bæði Islandia Internet
og Landssíminn telja
sig hafa gert samning
um kaup á Skímu/Mið-
heimum.
Auk þess að vera stjórnarformaður
Landssímans, situr hann í stjórn
Þróunarfélagsins, sem er hluthafi í
Skímu/Miðheimum. Aðrir hluthafar
þar eru Frjáls Fjölmiðlun, Dagný
Halldórsdóttir, framkvæmdastjóri
Skímu/Miðheima, Opin kerfi, Arn-
þór Jónsson og Ingi Þór Björnsson.
Heimildir Morgunblaðsins
herma að Þórarinn V. Þórarinsson
hafi vikið sæti við afgreiðslu máls-
ins bæði innan Landssímans og
Þróunarfélagsins en engu að síður
er kenning útvarpsfélagsmanna sú
að staða hans beggja vegna borðs-
ins hafi ráðið mestu um það að
Landssíminn kom í spilið.
Auk þess sem Islandia Internet
vill líta svo á að bindandi samning-
ur hafi í raun verið kominn á um
kaupin áður en samningur
Skímu/Miðheima og Landssímans
var undirritaður, hefur Morgun-
blaðið upplýsingar um að Islandia
Internet hafi náð samkomulagi við
tvo síðasttöldu hluthafana, Arnþór
og Inga Þór, sem voru stofnendur
Miðheima og eiga 8% í Skímu/Mið-
heimum.
Vilja neyta for-
kaupsréttar
Sagt er að ekkert samráð hafi
verið haft við þá um viðskiptin við
Landssímann en þeir séu nú skuld-
bundnir Islandia Internet.
Ekki náðist tal af þeim tvímenn-
ingum í gær, en þeir eru sagðir
hafa ráðið sér lögfræðinga sem
ætla að gera kröfu um að þeir fái að
neyta forkaupsréttar á hinu selda
hlutafé í fyi'irtækinu. Þann for-
kaupsrétt telja þeir ótvíræðan sam-
kvæmt samþykktum Skímu/Mið-
heima og jafnframt að réttminn
hafi orðið virkur þegar gerður var
samningur milli Landssímans og
Skímu/Miðheima.
Landssímamenn sem Morgun-
blaðið ræddi við véfengja hins veg-
ar rétt tvímenninganna til að beita
forkaupsrétti og úr herbúðum
Landssímans heyrist að sú ki'afa
byggist á misskilningi á hlutafé-
lagalögum. Símamenn segja enn-
fremur að kaup á Skímunni/Mið-
heimum hafi umfram annað verið
eðlilegt framhald af mótaðri stefnu
fyrirtækisins um að hasla sér enn
frekar völl í netþjónustu, mestu
vaxtargreininni innan símþjónust-
unnar. Þessi stefna sé löngu mörk-
uð og það hafi t.d. verið í samræmi
við hana sem fyrirtækið keypti á
sínum tíma 25% hlut í Margmiðlun
hf.
Aðilar málsins voru varir um sig í
gær og vildu lítið láta hafa eftir sér
um málið í gær. Samkvæmt upplýs-
ingum Morgunblaðsins sátu Lands-
símamenn og fulltrúar Skímu/Mið-
heima á fundi í húsakynnum Op-
inna kerfa fram á kvöld í gær. Með-
al annars munu þeir þar hafa fjallað
um kröfu Islandia Internet að fá
90% hlutabréf í Skímu/Miðheimum
afhent í gær, annars yrði málið bor-
ið undir dómstóla.
Fyrirtækin þrjú sem aðild eiga
að málinu eru þau stærstu í net-
þjónustu hér á landi. Islandia
Internet er talið með um 18%
markaðarins, Skíma með 10% og
Landssíminn um 14%. Samanlagt
voru þau í upphafi vetrar talin hafa
a.m.k. 13-15.000 notendur af um
35.000 notendum Netsins hér á
landi.
Næst á markaðnum koma Marg-
miðlun, með 25% eignaraðild
Landssímans, Hringiðan og Ný-
herji.
Skíma og Miðheimar sameinuð-
ust í febrúar á síðasta ári. Við sam-
eininguna var haft eftir Arnþóri
Jónssyni, þáverandi framkvæmda-
stjóra Miðheima, að heildarvirði
sameinaða fyrirtækisins væri um
80 milljónir króna.
Morgunblaðið/Kristinn
Vanar hendur á bryggjunni
ÞRÁTT fyrir að það gengi á með éljum og atkvæðagreiðslur, um miðl-
unartillögur ríkissáttasemjara í sjómannadeilunni, stæðu yfir gekk allt
sinn vanagang við uppskipun úr Þerney við Grandagarð f gær.
Kaffí Kjarkur að
missa húsnæðið
ALLT bendir nú til þess að Kaffi
Kjarki, athvaifi Félags óvirkra fíkla,
verði lokað 23. mars vegna vangold-
innar húsaleigu. Steindór Halldórs-
son, formaður félagsins, hefur sent
nokkrum borgarfulltrúum, þing-
mönnum, ráðherrum og aðstoðar-
mönnum þeirra bréf þar sem farið er
fram á aðstoð.
Steindór segir aðstandendur fé-
lagsins hafa lagt sig alla fram. Einnig
hafi einstaklingar lagt sitt af mörkum
en nú sé svo komið að án aðstoðar yf-
irvalda verði ekki hægt að halda
starfinu áfram. „Við höfum áður snú-
ið okkur til yfirvalda en þrátt fyrir
fjölmargar umsóknir höfum við
hvorki fengið styrki frá ríki né bæ,“
segir hann. „Nú hafa hins vegar bæði
borgar- og félagsmálayfii'völd lofað
að taka málið til athugunar en ég ótt-
ast að þau séu að falla á tíma.“
Steindór segir að Kjarkur, félag
óvirkra fikla, hafi verið stofnaður fyr-
ir einu og hálfu ári. „I upphafi stóð
einungis til að félagið starfaði með
þeim sem væru að koma úr meðferð,
en þar sem fjölmargir virkir fíklar og
aðstandendur þeirra sóttu til okkar í
leit að hjálp hlóð starfið smám saman
upp á sig.“
Athvarf félagsins, Kaffi Kjarkur,
var opnað í Þingholtsstræti 5 í lok síð-
asta árs. Þar eru auk skrifstofu kaffi-
hús fyrir þá sem ekki nota fíkniefni
og aðstaða til námskeiðahalds. Stein-
dór segir félagið skulda 600 þúsund
krónur í húsaleigu auk þess sem
skuldir vegna stofnkostnaðar séu
annað eins. Takist félaginu hins vegar
að losna við þessar skuldir telji hann
rekstrargrundvöllinn mjög góðan.
AMERISKU UniORAKREMim
ÞAU VIRKAE
ARANGURINN SEST A N0KKRUM D0GUM!
• Amerísku undrakremin frá INSTITUTE-FOR-SKIN- THERAPY
jafna, slétta, mýkja, næra, stinna, hindra hrukkumyndun, minnka
svitaholur, deyfa brúna aldursbletti, varöveita raka, verja fyrir
utanaðkomandi áhrifum og veita húðinni heilbrigðan og ferskan
blæ.
• Ótrúlegt en satt - árangur af notkun snyrtivara frá INSTITUTE-
FOR-SKIN-THERAPYer sýnilegur á örfáum dögum, enda kremin
framleidd í Hollywood, Kaliforníu þar sem fólk hefur hvorki tíma til
né áhuga á að bíða eftir árangri, vill og verður að sjá hann
STRAX!
• Snyrtivörur fyrir allar húðgerðir, ilmefnalausar, náttúrulegar,
ofnæmisprófaðar, með og án ávaxtasýru.
Dagkrem, næturkrem, augnkrem, hand- og húökrem, sem heldur niöri psoriasis, hreinsigel,
hreinsikornakrem, einstök bólumeöferö fyrir unglingana og magnaðir andlitsmaskar sem VIRKA!
KYNNINGARAFSLATTUR 20%
Gildir til 26. mars
Fást aðeins á völdum snyrtistofum í Kaliforníu og nú á
íslandi hjá:
Snyrtistofunni MAJU, Bankastræti 14, R,
Snyrtistofu DÍU, Bergþórugötu 5, R,
Snyrtistofunni LaRosa, Garðatorgi 7, Garðabæ,
Snyrtistofunni Dönu, Hafnargötu 41, Keflavík og hjá
KOSMETU ehf, Síðumúla 17, 108 R.
Sendum vandaðan, litprentaðan, íslenskan
upplýsingabækling ásamt verðlista ef óskað er!

e.h.f.
Síðumúla 17 • 108 R • Sími: 588-3630 • Fax: 588-3731
Opið frá kl. 17:00-19:00 daglega.