Morgunblaðið - 23.04.1998, Blaðsíða 88

S3.Lausnir
Nýharja fyrir
Lotus Notes
Premlum Partnor
www.nyherji.is

Það besta
úr báðum heimum!
unix og NT = hp
OPINKERFIHF
W/p% hewlett
mLfíÆ PACKARD
MORGUNBLAÐIÐ, KRINGLAN 1,103 REYKJAVIK, SÍMI5091100, SÍMBRÉF 5691181
PÓSTHÓLF 3040, NETFANG: RITSTJ@MBL.IS, AKUREYRI: KAUFVANGSSTRÆTI1
FIMMTUDAGUR 23. APRÍL 1998
VERÐ í LAUSASÖLU 125 KR. MEÐ VSK
Orsök matareitrunar-
innar fundin
Sami sýkill
~ og veldur
ferða-
manna-
veiki
BAKTERÍAN, sem olli hópmatar-
eitrun á höfuðborgarsvæðinu um
páskana, er væntanlega fundin.
Þessi baktería er ein helsta orsök
svonefnds ferðamannaniðurgangs
sem helst verður vart í heitari lönd-
i_* um, en hefur aldrei áður valdið hóp-
sýkingu hér á landi.
Karl Kristinsson, sýklafræðingur
á Landspítalanum, segir bakteríuna,
enterotoxigenic E.coli, hafa fundist í
þremur af fjórum saursýnum sem
send voru til rannsóknar í Dan-
mörku. Bakterían, sem á íslensku
nefnist þarmeitursmyndandi E.coli,
gefur frá sér eiturefni og passa ein-
kenni eitrunarinnar mjög vel við þau
einkenni sem komu upp.
Hópsýking af völdum þessarar
bakteríu hefur aldrei greinst á Is-
—~"^Mandi áður og þar sem óvenjulegt
þykir að hún komi upp á Vesturlönd-
um hefur til þessa ekki verið leitað
sérstaklega að henni við hópsýking-
ar hér á landi. Margir íslendingar
hafa hins vegar smitast af henni á
ferðalögum til heitari landa.
Karl segir bakteríuna þurfa að
vera í miklu magni í matvælunum til
að valda sýkingu og eins og aðrar
þarmasýkingar komi hún helst upp
þar sem hreinlæti er ábótavant.
Um 150 gestir í fimm fermingar-
veislum á skírdag fengu matareitr-
un. Stöðvaði Heilbrigðiseftirlit
Reykjavíkur starfsemi veitingahúss-
ins Arbergs við Armúla vegna gruns
um að sýkinguna mætti rekja til
veislufanga sem þaðan voru fengin.
Beindist grunurinn einkum að
brúnni sósu eða nautakjöti.
----------------
Sjávarútveg'sráðherra
um auðlindanefnd
Styður til-
lögu Alþýðu-
bandalags
ÞORSTEINN Pálsson sjávarútvegs-
ráðherra leggur til að Alþingi sam-
_ þykki þingsályktunartillögu þing-
manna Alþýðubandalagsins um að
skipuð verði nefnd til að fjalla um
eignarhald á auðlindum og gjaldtöku
vegna nýtingar auðlinda.
Þorsteinn sagði í gær að í umsögn
ráðuneytisins til umhverfisnefndar
Alþingis hefði hann lagt til að hún
yrði samþykkt. „Ég tel að það sé
skynsamlegt að gera slíka úttekt,“
sagði Þorsteinn.
„Nefndinni er ætlað að kanna þetta
mál á breiðum grundvelli varðandi
allai- náttúruauðlindir, þar á meðal
varðandi raforku og landnýtingu. Eg
held að það sé einfaldlega skynsam-
legt að gera slíka úttekt á samkeppn-
ishæfni þessara atvinnugreina og
hvaða áhrif slík gjaldtaka hefði.“
Morgunblaðið kemur næst út
laugardaginn 25. apríl.
Morgunblaðið/Golli
Lúxemborg
Kaupþing
stofnar
fyrirtæki
KAUPÞING hefur stofnað
fjármagnsfyrirtæki í Lúxem-
borg og hyggst hefja þar
rekstur í júní næstkomandi.
Með þessu framtaki hyggst
fyrirtækið efla þjónustu við
viðskiptavini sína, hvort sem
þeir eru búsettir hér á landi
eða erlendis, auk þess sem
verið er að mæta harðnandi
samkeppni erlendra aðila sem
sótt hafa í auknum mæli inn á
íslenskan markað. Forsvars-
menn fýrirtækisins segja mik-
ilvægt að Islendingar stýri og
ráðstafi sjálfir innlendum
spamaði og ávöxtun hans,
hvort sem það er gert á er-
lendum fjármagnsmörkuðum
eða heimamörkuðum.
Stofnfé verður 100 milljónir
króna. Framkvæmdastjóri fyr-
irtækisins er Magnús Guð-
mundsson.
■ Kaupþing stofnar/Bl
Kíkí bjargað
úr klípu
SLÖKKVILIÐIÐ í Reykjavik
bjargaði páfagauknum Kíkí úr
sjálfheldu sem hann lenti í við
hús við Fjólugötu um klukkan 15
x gær. Fuglinn hafði komist út af
heimili sínu og sest á grein, en
ekki vildi betur til en svo að
keðja sem hann hafði um fótinn
kræktist í tréð þannig að hann
komst hvorki lönd né strönd.
Slökkviliðsmenn fóru á vettvang
með stigabíl, fóru hægt að
honum og töluðu til hans svo
óttinn yrði ekki skynseminni
yfirsterkari. Fuglinn, nafni
páfagauksins fræga í
Ævintýrabókum Enids Blyton,
mun vera vanari friðsælla og
heitara umhverfí.
Staða Sparisjóðs Ólafsfjarðar verri en gert var ráð fyrir
388 milljónir lagðar á
afskriftareikning útlána
Gert ráð fyrir að endurreisa
fjárhaginn með sölu hlutabréfa
SPARISJÓÐUR Ólafsfjarðar var
rekinn með 316 milljóna króna tapi á
síðasta ári. Stafar það aðallega af því
að nauðsynlegt þótti að leggja 388
milljónir kr. í afskriftareikning út-
lána, 100 milljónum kr. meira en
gert var ráð fyrir í björgunaraðgerð-
um síðastliðið haust. Akveðið hefur
verið að styrkja fjárhagsstöðu spari-
sjóðsins með sölu hlutabréfa í hlut-
deildarfélögum.
Sparisjóður Ólafsfjai-ðar lenti í
miklum erfiðleikum á síðasta ári
þegar í Ijós kom að kröfur sem voru í
eigu sjóðsins eða hann hafði verið í
ábyrgð fyrir voru ekki nægjanlega
tryggðar. Leiddi það til hárra fram-
laga í afskriftareikning og taprekst-
urs á fyrri hluta ársins. Sparisjóðs-
stjórinn sagði af sér og bankaeftirlit
Seðlabankans kærði hann til ríkis-
lögreglustjóra fyrir meintar óheimil-
ar lánveitingar.
Tryggingasjóður sparisjóða, spari-
sjóðir og aðilar þeim tengdir ákváðu
að endurreisa fjárhag Sparisjóðs
Ólafsfjarðar síðastliðið haust. Stofnfé
var aukið um 200 milljónir auk þess
sem Sparisjóðabanki íslands veitti 50
milljóna kr. víkjandi lán. Við uppgjör
ársins hefur nú komið í ljós að af-
skriftaþörf var vanmetin um 100
milljónir kr. og varð tap ársins 316
milljónir kr., að því er fram kom á að-
alfundi sparisjóðsins í gærkvöldi.
Eigið fé var komið niður í 53 milljónir
í árslok og eiginfjárhlutfall sem lægst
má vera 8% var 2,1% um áramót.
Selja
hlutabréf
Fram kom á fundinum að stjórn
sjóðsins hafði ákveðið að styrkja
fjárhagsstöðu hans á nýjan leik með
sölu hlutabréfa úr hans eigu, meðal
annars í fyrirtækjum sem sparisjóð-
irnir eiga saman, svo sem Spari-
sjóðabankanum og Kaupþingi. Sjóð-
urinn heldur þó kauprétti að þessum
eignum, að sögn Magnúsar D.
Brandssonar sem tók við stöðu
sparissjóðsstjóra í vetur. Eftir þess-
ar ráðstafanir mun eiginfjái'hlutfall
verða 8,4%.
Magnús telur að umræddar ráð-
stafanir dugi til að tryggja áfram-
haldandi rekstur Sparisjóðs Ólafs-
fjarðar. Bendi hann á hvað sparisjóð-
irnii' séu ákveðnir í aðgerðum sínum
til að hjálpa honum yfir erfiðleikana.
„Þrátt fyrir þetta mikla tap á síðasta
ári tel ég að sparisjóðuimn hafi alla
burði til að skila eigendum sínum
viðunandi arði í framtíðinni. Spari-
sjóðurinn hefur hlutfallslega lágan
rekstrarkostnað, háa framlegð og
ekki er ástæða til að ætla að framlag
í afskriftareikning Sparisjóðs Ólafs-
fjarðar verði hærra en hjá öðrum
peningastofnunum,“ segir Magnús.