Morgunblaðið - 18.09.1999, Blaðsíða 72

'72 LAUGARDAGUR 18. SEPTEMBER 1999
MORGUNBLAÐIÐ
TR mætir Rússum
í fyrstu umferð
SKAK
Reykjavfk
Evrdpukeppni taflfélaga
24.-26.9.1999
TAFLFÉLAG Reykjavíkur
mætir hinni gríðarsterku sveit
Síberíu frá Tomsk í fyrstu um-
ferð Evrópukeppni taflfélaga
sem fram fer í Hellisheimilinu
um næstu helgi. Eins og fram
kom í síðasta skákþætti teflir
fjórði stigahæsti skákmaður
heims, Alexander Morozevich
(2.758), á fyrsta borði sveitar Sí-
beríu.
Ef að líkum lætur kemur það í
hlut Margeirs Péturssonar að
etja kappi við Morozevich í
fyrstu umferð. TR þarf greini-
lega að tefla fram
sínu sterkasta liði til
þess að eiga mögu-
leika á sigri. Þeir
munu meðal annars
freista þess að fá
Guðmund Sigur-
jónsson, stórmeist-
ara, til þess að tefla
með liðinu, en ekki
er ljóst hvort hann
gefur kost á sér. Þá
er einnig einn er-
lendur stórmeistari,
Igors Rausis, skráð-
ur í liðið. Hvernig
svo sem lið TR
verður skipað munu
íslenskir skáká-
hugamenn fylgjast
spenntir með viðureigninni.
Taflfélagið Hellir teflir við
Oslo Sehakselskap í fyrstu um-
ferð. Ljóst virðist að sterkasti
maður þeirra, Simen Agdestein,
verði ekki með í liðinu. Hellir
ætti því að eiga nokkuð góða sig-
urmöguleika gegn norska liðinu.
Norðmenn lentu í vandræðum
með að fá flugfar til íslands, en á
síðustu stundu tókst að bjarga
málinu eftir krókaleiðum. Röðun
í fyrstu umferð verður þessi:
Hellir - Oslo Schakselskap
Crumlin - Invicta Knights
Síbería - Taflfélag Reykjavíkur
Cardiff Chess Club - SK34
Nykobing
Svo framarlega sem ekki
verða fleiri vandamál með flug
og gistingu er ljóst að bæði
Rússar og Englendingar munu
stilla upp sínum sterkustu liðum
og ætla sér sigur í riðlinum. Is-
lensku liðin ætla sér að sjálf-
sögðu að koma í veg fyrir það,
enda hafa bæði TR og Hellir áð-
ur staðið sig vel í Evrópukepn-
inni.
Brekkuskóli
fær bronsið
Norðurlandamót grunnskóla-
sveita í skák var haldið 10.-12.
september í Skara í Svíþjóð.
Sveit Brekkuskóla á Akureyri
var fulltrúi Islands í keppninni
að þessu sinni. Sveitin lenti í 3.
sæti og fékk 10V4 vinning af 20
mögulegum. Lokastaðan á mót-
inu varð þessi:
1. Svíþjóð I 14'/a/20 v.
2. Danmörk 12/2 v.
3. Brekkuskóli 1014 v.
4. Noregur 10/2 v.
5. Svíþjóð II 71/- v.
6. Finnland 4V4 v.
Sveit Brekkuskóla skipuðu:
1. Stefán Bergsson i'h v. af 5
2. Halldór B. Halldórsson 314 v. af 5
3. Egill Öm Jónsson 2 v. af 5
4. Ágúst B. Bjömsson 0 v. af 1
vm.'Pétur B. Árnason 2’/2 v. af 4
Fararstjóri og liðsstjóri sveit-
ar Brekkuskóla var Þór Valtýs-
son.
Anand - Kasparov aflýst
Ekkert verður af einvígi
þeirra Anands og Kasparovs
sem fyrirhugað var að halda í
október. Búið var að fínna
styrktaraðila íyrir einvígið, en
Margeir
Pétursson
hann dró sig í hlé þar sem hon-
um mislíkaði sú mikla athygli
sem Microsoft fær um þessar
mundir vegna skákar Kasparovs
gegn heiminum.
Þetta veldur skákáhugamönn-
um miklum vonbrigðum og An-
and nagar sig örugglega í hand-
arbökin fyrir að hafa orðið af
miklum tekjum að undanfömu.
Hann hætti t.d. við þátttöku í
heimsmeistarakeppni FIDE til
þess að geta sinnt undirbúningi
fyrir einvígið við Kasparov. Þá
hefur hann einnig afþakkað boð
um þátttöku í ýmsum sterkum
mótum á næstunni.
Undanrásir vegna íslands-
móts í atskák
Undanrásir vegna Islands-
mótsins í atskák árið 2000 verða
tefldar um helgina
og hefjast í dag, 18.
september. Teflt
verður í Reykjavík,
á Akureyri og á
Vestfjörðum. I
Reykjavík verður
teflt laugardaginn
18. og sunnudaginn
19. september og
hefst taflið báða
dagana kl. 13 í hús-
næði Taflfélags
Reykjavíkur í
Faxafeni 12.
Mótshaldarar á
Akureyri og á Vest-
fjörðum munu aug-
lýsa tímasetningar
á sínum mótum.
Þátttökugjald fyrir fullorðna
er kr. 1.500, en kr. 800 fyrir ung-
linga 15 ára og yngri.
Verðlaun í Reykjavík:
1. verðlaun 15.000
2. verðlaun 10.000
3. verðlaun 5.000
Akvörðun um verðlaun á
Akureyri og Vestfjörðum er í
höndum mótshaldara.
Fullorðinsmót
á mánudag
Taflfélagið Hellir hleypti af
stokkunum nýjum þætti í starf-
semi félagsins síðastliðið vor
með því að bjóða upp á skákmót
fyrir skákmenn 25 ára og eldri.
Sjötta fullorðinsmót Hellis og
það fyrsta eftir sumarfrí verður
haldið mánudaginn 20. septem-
ber klukkan 20. Teflt verður í
Hellisheimilinu, Þönglabakka 1 í
Mjódd.
Tefldar verða sjö skákir eftir
Monrad-kerfi þar sem hvor
keppandi hefrn- 10 mínútna um-
hugsunartíma. Ekkert þátttöku-
gjald er á fullorðinsmótum Hell-
is.
Eins og áður sagði eru mótin
aðeins hugsuð fyrir 25 ára og
eldri.
Garðbæingar styrkjast
enn frekar
Eins og greint var frá í síðasta
skákþætti bættist Taflfélagi
Garðabæjar nýlega liðsstyrkur
þar sem eru hjónin Ian og Cathy
Rogers. Listi erlendra félags-
manna Taflfélags Garðabæjar
hefur nú lengst enn frekar, en
stórmeistarinn Igor Glek var að
ganga í félagið auk alþjóðlegu
meistaranna Fernando Braga og
Jesper Hall ásamt Vassallo frá
Argentínu. Alþjóðlegi meistar-
inn Slavco Cicak er einnig á fé-
lagaskrá Taflfélags Garðabæjar
frá fyrri tíð.
Skákmót
á næstunni
17.9. Norðurlandamót framhalds-
18.9. Grand-Rokk. Hraðskák kl. 14
18.9. íslandsmót í atskák, undanr.
20.9. Heilir. Fullorðinsmót kl. 20
24.9. Hellir & TR. Evrópukeppnin
Daði Örn Jónsson
í DAG
VELVAKMDI
Svarað í síma 569 1100 frá 10-12 og 13-15
frá mánudegi til föstudags
Eyjabakkar
ÞAð hefur trúlega ekki
farið framhjá neinum um-
ræðan um fyrrnefnda
Bakka. Ég er í þeim hópi
er finnst að eigi að láta
þetta svæði í friði og ég
held að álver á Reyðarfirði
skapi ekki þær aðstæður
að það hefti brottflutning
af þessum landshluta. Ég
hefi þá trú á Austfirðing-
um að þeir skapi sér önnur
atvinnutækifæri til að fást
við. Ég minnist þess að á
síðsta vori voru mennt-
skælingar á Egilsstöðum
spurðir um framtíðaráætl-
un. Þeir sögðust ekki vera
að mennta sig til að fara í
álver á Reyðarfirði.
Ég held að Austfirðing-
ar ættu að þakka Ómari
fyrir hans frábæru kynn-
ingar á landinu, ekki síst
Austfjörðum, sem hann
hefur verið ötull að kynna.
Þakka þér, Ómar, fyrir þitt
framlag.
Þökk sé biskupi fyrir
hans orð til verndar þessu
landsvæði. Ég segi því
bara: Látið Eyjabakkana í
friði með sína fuglum og
hreindýr.
Brottfluttur
Austfirðingur.
Tapað/fundið
Nokia gsm-týndur
FYRIR u.þ.b. tveimur vik-
um hvarf Nokia gsm-sími
8110 úr bíl sem stóð við
sundlaugina á Laugum í
Sælingsdal skammt frá
Búðardal. Síminn er svart-
ur með renndu slíðri. For-
eldrar og forráðamenn eru
vinsamlega beðnir um að
gæta að símanum og hafa
samband við írisi í síma
554 6027.
Hjartalaga gullmen
týndist
GULLMEN, hjartalaga
með steinum, týndist fyrir
nokkru, líkast til í Kringl-
unni eða á leiðinni á Sel-
tjarnarnes. Menið hefur
mikið tilfinningalegt gildi
fyrir eiganda. Skilvis finn-
andi hafi samband í síma
553 6682 eða 588 1578.
Fundarlaun.
Flíspeysa týndist í
Laugardal
FLÍSPEYSA, grá og svört
og rennd, týndist á gervi-
grasvellinum á Laugardal
sl. þriðjudag, 14. sept. Inni
í peysunni stendur EÞS.
Skilvís finnandi hafi sam-
band í síma 557 2234 eða
567 2026.
Dýrahald
Kettlingar óska
eftir heimili
ÞRÍR kettlingar, kassa-
vanir og mjög fallegir,
óska eftir góðu heimili.
Upplýsingar í síma
868 4906 eða 554 2314.
Kanínuungar
fást gefíns
FJÓRIR fallegir kanínu-
ungar, 7 vikna gamlir, fást
gefins. Upplýsingar í síma
564 3927.
Kettlingur fæst gefins
TVEGGJA mánaða falleg-
ur kassavanur kettlingur
fæst gefins á gott heimili.
Upplýsinar í síma 588 0262
og 695 1066.
Kettlingur
fæst gefins
KETTLINGUR, blending-
ur af skógarketti, fjögurra
mánaða gamall, fæst gef-
ins. Upplýsingar í síma
552 8585.
Mosi er týndur
MOSI sem er silfurgrár
týndist frá Ljósaklifi í
Hafnarfirði sl. sunnudag.
Þeir sem hafa orðið hans
varir hafi samband í síma
555 0535.

Morgunblaðið/Ómar
I Laugardalnum
Víkverji skrifar...
VÍKVERJI er þjóðhollur íslend-
ingur og sannfærður um að við
stöndum öðrum þjóðum á sporði á
fjölmörgum sviðum. Þó örlar enn á
sveitamennskunni hjá landanum og
aulaháttur og vanþroski skýtur af og
til upp kollinum við ólíklegustu að-
stæður. Til dæmis virðist okkur
seint ætla að lærast að umgangast
ökutæki með tilhlýðilegri virðingu og
umferðarmenningu á Islandi er
mjög ábótavant í samanburði við sið-
aðar þjóðir. Víkverji nefnir þetta hér
því að litlu munaði að hann lenti í
umferðarslysi nú í vikunni, fyrir
þjösnaskap og tillitsleysi annars
ökumanns, sem raunar er dæmi-
gerður íslendingur undir stýri.
Málsatvik voru þau að Víkverji
þurfti að skipta um akrein, frá
vinstri til hægri, á fjölfarinni um-
ferðargötu til að komast út af ak-
brautinni og inn á hliðarveg. Eins og
lög gera ráð fyrir gaf Víkverji
stefnumerki til hægri og leit í bak-
sýnisspegilinn og sá að bfllinn á rein-
inni til hægri var nokkuð fyrir aftan
þannig að lag var fyrir Víkverja að
skipta um akrein. Þá bregður svo við
að ökumaðurinn í hægri reininni gef-
ur í og er á einu örskoti kominn upp
að hlið Víveija, brúnaþungur mjög
og með fylda grön. Um leið og hann
ók framhjá leit hann manndrápsaug-
um til Víkveija og gaf dónalegt
merki með löngutöng, eins og Vík-
veiji hefði gert honum eitthvað.
Þessum ökumanni og öðrum hans
nótum á íslenskum vegum er hér
með vinsamlegast bent á að svona
framkoma og tillitsleysi í umferðinni
þekkist hvergi meðal siðaðra menn-
ingarþjóða. Þar þykir það sjálfsögð
kurteisi að hleypa mönnum milli
akreina og raunar óskráð lög að
draga úr ökuhraða um leið og aðrir
ökumenn gefa merki um að þeir vflji
skipta um akrein. Hvað það er í ís-
lenskri þjóðarsál sem gerir menn
svona illvíga og tillitslausa um leið og
þeir setjast undir stýri veit Víkverji
ekki, enda er það rannsóknarefni
fyrir sálfræðinga og félagsvísinda-
menn.
xxx
TALANDI um umferðarmenn-
ingu hér á landi má benda á
sitthvað fleira sem betur mætti
fara. Sumir íslenskir ökumenn virð-
ast til dæmis ekki hafa gert sér
grein fyrir að í velflestum bifreiðum
eru svokölluð stefnuljós. Ef til vill
vita þeir að þessi tækjabúnaður er
tfl staðar, en gera sér bara ekki
grein fyrir því hvernig á að nota
hann. Eða stafar það kannski bara
af leti og meðfæddu kæruleysi að
ökumenn nota ekki stefnuljós þegar
þeim ber að gera svo?
Virðingarleysi margra íslenskra
ökumanna gagnvart lífi og limum
samborgara sinna kemur meðal
annars fram í glannaskap og lífs-
hættulegum hraðaakstri. Á þetta
einkum við um unga karlkyns öku-
menn, sem líklega eru að sanna
karlmennsku sína með þessu hátt-
arlagi. Þessum ungu ökuníðingum
skal bent á að það er ekkert töff eða
„kúl“ við það að aka hratt. Slíkt ber
aðeins vott um dómgreindarskort
og hreinan og kláran fábjánahátt.
Að lokum skal farið hér nokkrum
orðum um símaaulana í íslensku
umferðinni. Hvergi nokkurs staðar
á byggðu bóli sjást ökumenn á ferð
tala í síma í sama mæli og hér á
landi. Það liggur nærri að annar
hver maður undir stýri sé jafnframt
að tala í síma þegar hann ætti með
réttu að vera með hugann við um-
ferðina. Hvernig það hefur komist
inn hjá Islendingum að bfllinn sé
heppilegasti staðurinn tfl að slá á
þráðinn tfl kunningjanna er hulin
ráðgáta. Einna helst dettur manni í
hug að það hljóti að vera eitthvað
mikið að heima hjá þessu fólki?