Morgunblaðið - 28.04.2000, Síða 23

HÁSKÓLANÁM I
Á BIFRÖST

Samvinnuháskólinn á Bifröst er alhliða viðskiptaháskóli. Við
ieggjum áherslu á hagnýta menntun í rekstri og viðskiptum,
raunhæf verkefni og náin tengsi við innlent og erlent atvinnulíf.
Öll helstu svið rekstrar, viðskipta og stjórnunar eru kennd á
tveimur árum. Fiestir nemendur Ijúka einnig þriðja árinu með
B.S. gráðu í rekstrarfræðum sem einnig er hægt að taka í
fjarnámi.
Háskólinn leggur sérstaka áherslu á aö nýta upplýsingatækni í
námi. Þráðlaust tölvukerfi stenst samanburð við það sem best
gerist í erlendum háskólum. Fartölvur allra nemenda og kennara
tengjast Netinu og innra neti skólans hvar sem er í byggingum
háskólans, nemendagörðum, kennarabústöðum og jafnvel
utanhúss.
í háskólaþorpinu á Bifröst búa á þriðja hundrað manns við nám
og störf í einstöku umhverfi. Bókasafn, vinnuherbergi og tölvukerfi
eru opin allan sólarhringinn. Yngstu íbúarnir ganga í leikskóla
við hlið háskólans en eldri börnin í einsetinn grunnskóla á
Varmalandi. í háskólaþorpinu er kaffihús og líkamsræktarstöð
með baðsvæði.
Við leggjum áherslu á nemenda- og kennaraskipti við erlenda
háskóla og náin tengsl við alþjóðlegt viðskiptaumhverfi. Nemendur
geta stundað hluta námsins við erlendan háskóla og á hverju ári
kemur hópur erlendra nemenda til að stunda nám á Bifröst. Hluti
náms á síðasta ári fer fram á ensku. Við störfum með evrópskum
háskólum innan SOCRATES-ERASMUS og tökum þátt í
NORDPLUS-samstarfi Norðurlandanna. Alþjóðavæðingin á Bifröst
mun halda áfram með frekari samningum við háskóla í Evrópu
og Ameríku.
Atvinnurekstur og viðskipti eru drifkraftar velferðarþjóðfélagsins.
Samvinnuháskólinn á Bifröst vill styrkja samfélagið í heild með
eflingu íslensks atvinnulífs. Betri menntun eykur hæfni þess og
arðsemi og færir þjóðarbúinu efnahagslegan ávinning.
Opið hús laugardaginn 29. apríi
Á morgun verður opið hús á Bifröst frá kl. 13 -17. Námsframboð
og upplýsingakerfi háskólans verða kynnt, leikskólinn opinn
almenningi og íbúðarhúsnæði í Nemendagörðum til sýnis.
Væntanlegum umsækjendum gefst kostur á viðtali við rektor
eða aðstoðarrektor. Allir eru velkomnir á opið hús og gamlir
Bifrestingar eru sérstaklega hvattir til að láta sjá sig.
Útskriftarfélag nemenda sér um veitingar á Kaffi Bifröst.
Umsóknir
Við leitum að sköpunargleði, frumkvæði og samskiptahæfni hjá
þeim sem fá inngöngu í Samvinnuháskólann á Bifröst. Við viljum
veita fólki tækifæri til að beina sköpunargleðinni á svið viðskipta
og rekstrar og nýta athafnafrelsi sitt til að skapa sér framtíð að
námi loknu. Við inntöku nemenda er tekið mið af námsárangri,
starfsreynslu, meðmælum og viðtölum við umsækjendur.
Háskólinn leitast við að veita jöfn tækifæri til náms, óháð kynferði,
aldri, efnahag eða búsetu.
Afgreiðsla umsókna fyrir næsta skólaár er hafin. Allar nánari
upplýsingar um umsóknir og meðferð þeirra er að finna á
www.bifrost.is.
SAMVINNUHÁSKÓLINN
Á B I F R Ö S T
www.bifrost.is