Morgunblaðið - 16.09.2000, Blaðsíða 68
68 LAUGARDAGUR 16. SEPTEMBER 2000
MORGUNBLAÐIÐ
BRÉF
TIL BLAÐSINS
Smáfólk
Einn, tveir, þrír, fjórir,
sjáum til hvað gerist að ári!
l'0NE,TU)0, TMREE „YALL HEAR"?
„Einn, tveir, þrír, sjáum til“.
Knnglunni 1 103 Reykjavík • Sími 569 1100 • Símbréf 569 1329
Um umsögn
Braga um bókina
um Gest
Frá Ragnheiði Gestsdóttur heimilisstörfum sem ekki fara hátt
og Þorgrími Gestssyni: ... eins og Bragi tekur til orða.
Móðir okkar vann alla tíð utan
VIÐ UNDIRRITUÐ þökkum skrif
Braga Asgeirssonar um bókina
Steinsnar - Gestur Þorgrímsson
myndhöggvari, sem birtist í Morg-
unblaðinu miðvikudaginn 30. ágúst
síðastliðinn.
Þegar bók er gagnrýnd virðist á
stundum að rýnirinn sé í raun að
biðja um allt aðra bók en þá sem
prentuð var; þannig er í þessu til-
felli þegar Bragi biður um ítarlegri
upplýsingar og umfjöllun um ýmsa
þætti sem aðeins er fjallað stutt-
lega um. Eins og kunnugt er verða
menn að sníða sér stakk eftir vexti
og í hundrað blaðsíðna bók er ekki
svigrúm til að tína til smáatriði
eins og þau sem hann lýsir eftir.
Við vildum koma á bók frásögn af
lífshlaupi drengsins frá Laugar-
nesi sem varð myndlistarmaður og
völdum - í fullu samráði við hann
sjálfan - þá þætti sem mestu
skiptu um þroskaferil hans og ævi-
starf. I því sambandi er til dæmis
mikilvægara að segja frá fyrstu
kynnum hans af myndlistinni í
æsku og baráttunni við berklaveik-
ina en eyða iöngu máli í frásagnir
af lífi listnema í Kaupmannahöfn.
Þetta er bókin um Gest, föður
okkar, og því er megináherslan
lögð á störf hans þó vitanlega sé líf
og störf foreldra okkar samofln.
Vonandi leyfist okkur einhvern
tíma að skrifa bókina um Rúnu
líka. Hinsvegar getum við ekki lát-
ið hjá líða að leiðrétta strax þann
misskilning að hún hafi verið ...á
afmarkaðra sviði í list sinni, fjöl-
hæfni hennar eðlilega meira tengd
heimilis, við leirmunagerð, mynd-
listarkennslu og myndskreytingar
og síðustu áratugina hefur hún
eins og flestir þekkja unnið mynd-
verk bæði á leirflísar og pappír,
auk þess að vinna með föður okkar
að mörgum stórum myndverkum.
Auðvitað vann hún að heimilis-
störfum jafnframt öllu þessu eins
og listakonur hafa alla tíð gert og
gera enn. Síðast en ekki síst verð-
um við að leiðrétta þá ranghug-
mynd sem Bragi virðist hafa um
vinnu myndhöggvara, sem fram
kemur í þessum orðum: „Nú eru
og blessunarlega komin fram tæki
sem gera steinhöggið til stórra
muna auðveldara viðfangs, hægast
er að labba inn í steinsmiðju og fá
sniðin verk eftir uppdrætti og
bæta kannski einhverju smálegu
við á eftir.“ Sjálfsagt væri hægt að
vinna á þennan hátt og ef til vill er
einhver sem gerir það. En þessi
lýsing á engan veginn við um
vinnubrögð föður okkar. Eini mun-
urinn á steinhöggi hans og meist-
ara fyrri tíma er sá að hann á loft-
knúin verkfæri sem gjarnan eru
notuð til að grófmóta formin en þá
taka hamar og meitill við og hver
sentimetri yfirborðs, hvort sem
það er grófhöggvið eða gljáfægt,
er árangur þrotlausrar vinnu. Það
sem hann hefur fengið sagað eftir
máli í steinsmiðju eru stöplarnir
undir höggmyndirnar.
Með kveðju,
RAGNHEIÐUR GESTSDÓTTIR,
ÞORGRÍMUR GESTSSON.
Sigur Austur-
ríkismanna
Frá Guðmundi Jónasi
Kristjánssyni:
ÞAÐ ER vert að samgleðjast
Austurríkismönnum eftir að
Evrópusambandið (ESB) aflétti sjö
mánaða pólitískri einangrun þeirra
12. sept. sl. Stjórnin í Vín fagnaði
þessari ákvörðun og lýsti henni sem
sigri fyrir Austurríkismenn.
Sem kunnugt er ákváðu fjórtán
ríki ESB í febrúar sl. pólitískar refsi-
aðgerðir gegn Austurríki eftir að ný
en umdeild ríkisstjórn mið- og
hægriflokka tók þar við völdum. Að-
gerðunum var nú aflétt að ráði
þriggja „vitringa" sem ESB fól að
gera úttekt á stöðu mannréttinda-
mála í Austurríki. Þeir komust að
því, eins og allir vissu reyndar fyrir,
að vernd minnihlutahópa, flótta-
manna og innflytjenda væri að
minnsta kosti eins góð og í öðrum
hinna fjórtán ESB-landa, og jafnvel
að sumu leyti betri.
Allt þetta mál er með ólíkindum og
hlýtur að teljast mikill áfellisdómur
yfir hinni pólitísku yfirstjórn ESB,
sem nær alfarið er skipuð sósíal-
demókrötum. Það að hlutast til um
innanríkismál aðildarríkis með þeim
hætti sem hér hefur verið gert er
einsdæmi hér í Vesturheimi í dag.
Það að ESB skuli lítilsvirða lýðræð-
islega ákvörðun kjósenda aðildarrík-
is í lýðræðislegum kosningum segir
margt um það lýðræði og það sam-
starf þjóða sem Evrópusambandið
segist standa fyrir. Því eins og sagði
í forystugrein í Morgunblaðinu 13.
september sl.: „Refsiaðgerðirnar
hafa ekki orðið til að styrkja Evrópu-
sambandið heldur grafa undan því.“
Vonandi verður þetta Evrópu-
sambandssinnum á íslandi umhugs-
unarefni og öðrum enn meiri hvatn-
ing til að fara sér hægt í
Evrópumálum.
GUÐMUNDUR JÓNAS
KRISTJÁNSSON,
Funafold 36,112 Reykjavík.
Allt efni sem birtist í Morgunblaðinu og Lesbók er varðveitt í uppiýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.