Morgunblaðið - 02.12.2000, Qupperneq 20

20 LAUGARDAGUR 2. DESEMBER 2000
LANDIÐ
MORGUNBLAÐIÐ
Frá kvöldvökunni Morgunblaðid/Jenný Jensdóttir
Viskubrunnur Galdrasýn-
ing*ar aðgengilegur á netinu
Drangsnesi - Opnaður hefur verið á
heimasíðu Galdrasýningar á
Ströndum viskubrunnur Galdrasýn-
ingarinnar. Til þessa hefur Visku-
brunnur Galdrasýningarinnar ein-
göngu verið opinn þeim sem
staldrað hafa við á sýningunni á
Hólmavík. Með opnun hans á vefn-
um gefst öllum þeim sem áhuga
hafa á að fræðast um galdraöldina á
íslandi tækifæri til þess á einfaldan
og fljótlegan hátt.
Viðar Hreinsson bókmenntafræð-
ingur opnaði Viskubrunninn form-
lega. Vonir standa til að aðgangur
að Viskubrunninum á vefnum auki
aðsókn á Galdrasýninguna enn frek-
ar og verði ekki síður hvatning til
menntastofnana að fjalla um þetta
tímabil Islandssögunnar. Parna er á
aðgengilegan hátt hægt að nálgast
umfjöllun um þau galdramál sem
upp komu á tímabilinu, stór og smá.
Sama kvöld stóð Strandagaldur
fyrir annarri kvöldvöku vetrarins á
Cafe Riis á Hólmavík. Flutti Viðar
Hreinsson þar fyrirlestur um Jón
lærða Guðmundsson, ævi hans og
fræðastörf og svaraði fyrirspurnum
að erindi loknu.
Morgunblaðið/Jenný Jensdóttir
Sagnamennimir Sigurður Atlason, Arnar Jónsson og Magnús Rafnsson.
Á kvöldvökunni komu einnig fram
sagnamenn af Ströndum og rifjuðu
upp fomar sagnir og sögur af Oddi
presti á Felli í Kollafírði og sonum
hans og þá einkanlega ævintýralegu
lífshlaupi Jóns Oddssonar í upphafi
17. aldar.
Viðar Hreinsson bókmcnntafræðingur opnaði vefsíðuna.
„Stríðum, vinn-
um vorri þjóð“
Blönduósi - Nemendur Grunn-
skólans á Blönduósi komu saman
í kirkjunni sinni í morgun og
minntust fullveldisdagsins. Nem-
endur fluttu frumsamin ljóð sem
nánast öll fjölluðu um vináttuna,
skólakórinn söng og sfðast en
ekki sist sungu krakkarnir ætt-
jarðarlög af miklum móð. Ljóðin
sem flutt voru eru afrakstur af
hálfsmánaðarverkefni og án þess
að ætlunin væri að fjalla sérstak-
lega um vináttuna var hún börn-
unum efst í huga. Samkomunni
lauk með því að nemendur sungu
saman af miklum krafti „Oxar
við ána“ með sérstaka áherslu á
„stríðum, vinnum vorri þjóð“.
Fyrirhugaðar framkvæmdir kynntar
Morgunblaðið/GPV
Jón Valgeir Sveinsson, tæknifræðingur hjá Vegagerðinni, útlistar kosti
og galla fyrirhugaðra framkvæmda.
Suðurstrandarvegur
Grindavík- Fundur um fyrirhug-
aðan Suðurstrandarveg var haldinn
í Grindavík nú í blálok mánaðarins.
Allir bæjarstjórnarmenn ásamt
bygginganefnd og öðrum þeim sem
koma að málinu af hálfu Grindavík-
urbæjar voru mættir til að hlýða á
áætlanir Vegagerðarmanna.
Lagðar eru til þrjár hugsanlegar
veglínur sem bornar verða saman í
greinargerð um mat á umhverfis-
áhrifum þessa nýja vegar í febrúar.
Verkefnisstjórinn með Suður-
strandarvegi af hálfu Vegagerðar-
innar, Valtýr Þórisson, kynnti fyrir
fundarmönnum leiðirnar þrjár. Jón-
as Snæbjörnsson, umdæmisstjóri
Vegagerðarinnar, reiknaði með að
bygging vegarins tæki 4-8 ár.
„Opnun vegarins er ekki ljós á
þessari stundu, ræðst af fjárveiting-
um. Erfiðustu hjallarnir verða opn-
aðir fyrst og líklega byrjað frá Por-
lákshöfn," sagði Jónas. Jafnframt
voru þau Gunnar Ingi Ragnarsson
og Valdís Bjarnadóttir frá Vinnu-
stofunni Þverá mætt til að kynna
bæjaryfirvöldum vinnu sína við að-
alskipulag bæjarins.
Samstaða var meðal fundar-
manna um hvaða leið væri best en
það er sú leið sem liggur næst sjón-
um. Vegargerðarmenn gátu ekki
gert upp á milli þessara þriggja
leiða sem nefndar eru til sögunnar.
Fundarmönnum bar saman um að
rökin með leiðinni næst sjónum
væru sterkari en með hinum leiðun-
um, þ.e. öryggi sjófarenda ef um
sjóslys yrði að ræða og svo væri sú
leið líka snjóléttari. Þá liggur þessi
leið nær helstu náttúruperlunum á
leiðinni. Helstu rök gegn leiðinni
eru þau að hún er 500-1.000 metr-
um lengri og liggur um viðkvæm
svæði sem m.a. eru á náttúruminja-
skrá.
Fram kom í máli Vegagerðar-
manna að allar framkvæmdirnar
eru vel framkvæmanlegar og að í
erfiðustu hjöllunum liggja fyrirhug-
aðar leiðir saman.
Morgunblaðið/Jón Sigurðsson
oroblu@sokkar.is www.sokkar.is
skrefi framar
Vetrarlínan
2000-2001 ________
Kynning í dag frá ki. 12-16.
20% afsláttur af öllum OROBLU sokkabuxum.
Smára
Smáratorgi 1
sími 564 5600

Morgunblaðið/Ágúst Blöndal
Líkbill keyptur
til Neskaupstaðar
Neskaupstað - Nýlega var keypt
sérútbúin bifreið til notkunar við út-
farir í Neskaupstað. Það voru áhuga-
mannafélög nokkurra einstaklinga
sem stóðu að kaupunum á bifreiðinni
sem mun vera sú fyrsta sem keypt er
til staðarins til þessara nota.
Bíllinn er af gerðinni Mercedes
Benz og var keyptur notaður frá
Danmörku þar sem hann gegndi
sama hlutverki. Kaupin á á bílnum
eru fjármögnuð með frjálsum fram-
lögum og öll vinna við rekstur hans
verður unnin í sjálfboðavinnu.