Skírnir - 01.12.1913, Blaðsíða 90

Útlendar fréttir.
Balkanmálin. Þegar friðurinn var saminn við Tyrki í sumar,
i Lundúnum og París, og sambandsþjóðirnar áttu að fara að skifta
milli sín herfanginu, hófst að nýju stríð á Balkanskaganum, engu
vægara en hið fyrra. Búlgarar ætluðu að verða svo ráðríkir við
skiftin, að bandamenn þeirra, Serbar og Grikkir, þoldu það ekki.
TJt úr þeirri misklíð gaus svo upp blóðugt stríð milli sambandsþjóð-
anna. B-úmenir höfðu setið hjá í fyrra stríðinu, en nú komu þeir
einnig fram á vígvöllinu. Þetta stríð hófst í byrjun júlímánaðar.
Áður en stríðið hór'st gegn Tyrkjum, höfðu Búlgarar og Serbar
gert með sér einhverja samningsnefuu um það, hvernig herfanginu
skyldi skift, er þeir kynnu að ná frá Tyrkjum. Aftur á móti voru
engir samningar til um þetta milli Grikkja og hinna sambandsþjóð-
anna, að eins lans ummæli, er fóru í þá átt, að hver um sig skyldi
eiga tilkall til hluttöku i herfanginu eftir þeim tilkostnaði, sem
hún legði fram til ófriðarins, og tjóninu, sem hún yrði fyrir af
honum. Eu nú var herfangið orðið miklu meira en ráð hafði verið
fyrir gert í byrjun, og svo voru utanaðkomandi áhrif orðin því til
fyrirstöðu, að farið yrði eftir samningum þeim, sem Búlgarar og
Serbar höfðu gert. Þar hafði verið gert ráð fyrir, að Búigarar fengju
tnikinn hluta Makedóníu, en Serbar Albaníu og Nóvíbasar. Grikkj-
um muu þá lítil landaukning hafa verið ætluð á meginlandinu, enda
gerðu hinir ekki ráð fyrir öflngri framgöngu þar af þeirra hálfu.
En nú var Albanía tekin af sambandsþjóðunum, eins og frá var
skyrt í síðasta hefti Skírnis, og falin umsjá stórveldanna. Hins
vegar var nú nær öll Þrakía á valdi sambandsþjóðanna, en fyrir
því hafði ekki verið gert ráð í upphafi. Yildu nú Serbar ekki halda
sór við samninginn, heldur fá í stað Albaníu vesturhluta Makedóníu,
enda höfðu þeir tekið öll þau héröð í stríðinu, höfðu þar herstöðv-
ar og alt á sínu valdi. Búlgarar héldu þvi aftur á móti fram, að
samninguriim væri í fullu gildi, vildu ekkert hliðra til fyrir Serb-