Gefn - 01.01.1871, Page 80

80
í maimánuði 1868 fór þýskt skip í norðurleit, hét sá
Koldewey er stýrði; það komst ekki einusinni að austur-
strönd Grænlands og snéri þá yfir til Spíssbergs; komu þeir
aptur um haustið og sögðust hafa fundið margt og mikið,
en ekki vitum vér meir um það. Koldewey fór aptur á
stað 1869 í júlí og hafði tvö skip, er hétu Germanía og
Hansa; þar voru og margir lærdómsmenn í förinni, en svo
óheppilega tókst til, að Hansa festist í ísnum strax í sept-
ember — Hansa var seglskip en Germanía gufuskip —
þetta var eitthvað á 75ta mælistigi norðl. hr. J>egar ekki
sást annað fyrir en skipið mundi liðast í sundur, þá voru
öll faung þaðan flutt og út á ísinn; í októher fór sem menn
varði, að skipið liðaðist allt í sundur; var nú skipshöfnin
þar á stórum jaka og hafði 3 báta af skipinu, en jakann
rak með allt saman til og frá um hafið. Um Germauíu
vissu menn ekkert. þeir bygðu sér þar kofa á jakanum úr
steinkolum og vouuðust til að þá mundi bera suður eptir
og að landi, eptir því sem kunnugt var um sjávarföll; en
um öndverðan janúarmánuð vildi það til sem þá hafði ávallt
óað fyrir: jakinn klofnaði í tvo hluti og einmitt undir kof-
anum, en til allrar lukku varð meginhluti kofans eptir öðru-
megin og menn allir; þar með fylgdi feiknastormur og
blindöskubylur, náttmyrkur og allt ógurlegt. þeir bygðu þá
minni kofa úrrústunum af hinum, en sumirlágu í bátunum.
En sífelt brotnaði af jakanum, er sjór næddi á röndunum
og hann varð allt af minni og minni. Samt voru þeir um
vorið komnir suður að 61. mælistigi og hafði þárekið meir
en 200 mílur, og aldrei nær landi en 5 míluf, svo þeir vissu
lítt af því; loksins komust þeir á bátunum að landisunnar-
lega á Grænlandi, og þykir þetta einhver merkilegust hrak-
níngsferð manna, sem von er. Einn þeiira gekk frá vitinu.
Svíar hafa og á seinni tímum mannað sig upp og gert
ýmsar atreiðir norður eptir á árunum 1858, 1864 og 1868
og hafa þeir verið fyrir förinni Torell og Nordenskjöld. 25.
september 1869 komust Svíar að 82° 42' nordl. br. og er