Árbók Hins íslenzka fornleifafélags - 01.01.1893, Blaðsíða 33

33
Fornmannasögur II, 197, segja á sama hátt, að Þangbrandr hafi
komið skipi sínu í Selvoga í Alftafjörð nyrðra. Enn fremr segir
þar, að Síðu-Hallr átti ferð norðr í Fljótsdal »at skyldum erind-
um«, enn er hann fór suðr aftr, gekk Þangbrandr fyrir liann og
bar honum kveðju Olafs konungs, og bað hann veita sér ásjá og
koma skipi sínu til hafnar. Leiruvogr er þar líka nefndr, og
»Þangbrandshöfn« (»-naust« hefir eitt hdr.), svo og tjaldið, sem
þeir bjuggu í, þar sem Þangbrandr söng messu.
Þegar þessar frásagnir eru athugaðar og bornar saman, þá
skilr þær ekki svo mikið sem 1 fljótu bragði virðist, því að hver
bætir aðra upp, enn mótsagnir eru engar verulegar. Njálss.
segir, að Þangbrandr kom út í Gautavík, skamt fyrir innan Beru-
nes, þar sem bræðr tveir bjuggu, sem sýndu honum fjandskap;
er auðsætt, að Þangbrandr hefir flúið þaðan yfir Berufjörð og alt
suðr fyrir Búlandsnes í Selvoga, þótt Njálss. ekki tali um það.
Þetta liggr í hlutarins eðli, því að Gautavík er ekki á leið Halls, er
hann fór upp í Fljótsdalshérað, sem hann hefir gert; Njálss. er þannig
að eins stuttorðari. I Kristnis. er enn komizt svo að orði, að
Selvogar sé fyrir norðan Melrakkanes, enn í Fornmannas. er að
eins sagt, að þeir sé í Alftafirði hinum nyrðra (Hamarsfirði) og
er hvorttveggja alveg rétt. Melrakkanes heitir enn nesið fyrir
sunnan Hamarsfjörð, millum og Álftafjarðar hins syðra. Utarlega
í Hamarsfirði eru margir vogar fyrir Búlandsness landi; ofan
undan bænum á Búlandsnesi eru tveir vogar og sandrif á milli;
þar er ágætt skipalægi og heitir þar nú Búlandshöfn. Þessir
vogar hafa eflaust heitið Selvogar áðr; þar er betri höfn enn ann-
arsstaðar í grendiuni, og fult af sel árið um kring; liggja þar
oft uppi 70—80 sela. Þar nærri eru ýmsir vogar, enn í þeim
flestum enginn selr. Frásögnin í Fms. er þannig af sama bergi
brotin sem frásögnin í Kristnis., enn tekr sumt skýrara fram,
enn frásögnin í Njálss. virðist alveg út af fyrir sig. Njálss. er
ónákvæmari, enn kemst þó réttara að orði um tjaldið, því líklegt
er að það hafi verið notað mest til messugerða, enn þeir Þang-
brandr hafi búið í öðru húsi á Þvottá, enn vera má að þeir Þang-
brandr hafi þó fyrst búið i tjaldinu, er þeir vóru nýkomnir.
Þingmúli.
(7. júlí).
Bærinn 1 Þingmúla stendr undir háum og fallegum múla, er
skiftir Skriðdalnum í tvent, og er þá kallaðr suðr- og norðr-dalr.
5